Kɔlɔsiebi 1:12 - EBƆRƐ BE KAWƆL

¹² ŋkpal manɛ so, mo e shin nɛ men daga kenya asɔ nɛ e kɔ a sa mbe basa na be ako ashi ebɔrɛso, kakpa nɛ kefulto wɔ na.

Kɔlɔsiebi 1:12 ပူးပေါင်းရင်းမြစ်များ

1 Bewura 6:7

Ŋkpal ewura Sɔlɔmɔn ka daa maa sha akpanfu nɛ b kɔ a bure ajembu to be awɔr kakpa nɛ baa pɔr bɔrɛlambu na so, e daŋ shin nna nɛ mbe beshumpo shɛl ajembu nɛ baaŋ ta m pɔr kumo ashi kakpa nɛ baa bure ajembu to ashi kebee so be efuli so na pɔɛŋ nseŋ sulɔ amo m ba kade to.

1 Kronikɛls 29:20

Kede be kaman nɛ ewura Deevid kaŋɛ basa na kikɛ le: “Men di Enyɛnpe men nananyɛnana be Ebɔrɛ na epaŋ.” Ndoŋ nna nɛ basa na kikɛ di Ebɔrɛ epaŋ nseŋ jɔŋɛ ŋ kurgi bumo be amu n yuu to m bunyaŋ Enyɛnpe Ebɔrɛ nɛ ewura Deevid kikɛ.

Nshɛ 116:7

Ŋkpal Enyɛnpe Ebɔrɛ na ka wora ma kelela so, shɛŋ be asheŋ maŋ naa fɔŋ ma ashi ma kagbene to.

Nshɛ 36:9

Fo kutɔ nɛ ŋkpa kikɛ shi; nɛ fo kefulto bee bugi anyi be anishi nɛ anyee pin fo.

Nshɛ 79:13

Saŋɛ na so anyi nɛ an la fo basa, a du fanɛ fo mbolpɔ ere, beeŋ baa di fo epaŋ nsaa kpaŋ fo mbaanaayɔ.

Nshɛ 97:11

Kefulto bee nyaŋɛ a yuu basa niŋiso so nna, nɛ ŋgbenefufulwuraana malɛ bee nya kagbenefuli.

Aŋasa 16:1

Dimɛdi e wɔ afɛso ama Enyɛnpe Ebɔrɛ e wɔ aworbi.

Aŋasa 4:18

Ama ekpa nɛ belelaworapo bɔ so na bre du nna fanɛ karechɛ so be epeŋi na. K bee fulto nna a ti so hale nɛ kare e ya chɛ nɛ kaboŋ e fulto parr.

Danɛl 2:23

N nananyɛnana be Ebɔrɛ, mee di fo epaŋ nsaa bunyaŋ fo. Fo e sa ma kanyiasheŋ nɛ eleŋ; fo alɛ nu ma kabɔrɛkule nseŋ ŋini ma ewura na be edare na be kifito.”

Matiu 25:34

Kumo be kaman nɛ ma, Ewura na e kaŋɛ basa lela nɛ b wɔ ma jisoso na le: ‘Menyi nɛ n Tuto nɛfa na, men ba luri kuwura nɛ b lɔŋɛ n yili menyi kasɔto be jemanɛ na kikɛ na to.

Baru lela nɛ Jɔn kute na 14:6

Nɛ Yesu kaŋɛ mo: “Ma e la ekpa na nɛ kashenteŋ nɛ ŋkpa na, esa kama maaŋ tiŋ n yɔ Etuto na kutɔ ama e bɔla ma so nna.”

Baru lela nɛ Jɔn kute na 20:17

Nɛ Yesu kaŋɛ mo: “Sa maŋ pɛ ma to, ŋkpal manɛ so, m maŋ naŋ bɛta n yɔ esoso Etuto na kutɔ. Ama yɔ n niopibiana na kutɔ n ya kaŋɛ bumo fanɛ mee bɛta nna a yɔ esoso n Tuto nɛ men Tuto nɛ ma Ebɔrɛ nɛ menyi be Ebɔrɛ kutɔ.”

Baru lela nɛ Jɔn kute na 4:23

Ama saŋko beeŋ ba fo, k teŋ fo gba nɛ basa e bɔla Ebɔrɛ be Kiyoyu be eleŋ so a bunyaŋ Etuto na kashenteŋto. Bumo nɛ b kɔ le be bunyaŋ ere nɛ Etuto na bee fin.

Ashuŋ Shunso 20:32

Naniere, Ebɔrɛ be enɔ to nɛ mbe kuwɔr be kakɛ be kubɔya na be kebaawɔtɔ to nɛ mee ta menyi a wɔtɔ to na. Kubɔya na e naaŋ tiŋ n shin nɛ menyi be kenyi e wora keshi n ti so n naŋ shin nɛ men nya nɛfa nɛ Ebɔrɛ kɔ a jo nɛ e sa mbe basa cheembi na.

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

Romebi 11:17

B ka fɛta ɔlifs be kedibi fɛaso be keyabi nɛ k bee nya kekeni nseŋ ta menyi nɛ men du fanɛ ɔlifs be kukɔrbua n yuu n chɔga ɔlifs be kedibi na so nɛ menyee nu kedibi na be ebel ere,

Romebi 15:27

Bumo gbagba e yili kumo loŋ n wora. Kumo alɛ kashenteŋto bre, a daga b ka chɛ loŋ be betirpo na to, ŋkpal manɛ so, kananɛ nnyamase baŋ bɔla Juwebi so n nya abɔrɛsheŋ be nɛfa na koŋwule na a daga fanɛ nnyamase gba ka ta bumo be durnya ere to be asɔ be ako a chɛ Juwebi to.

Romebi 8:17

To, nɛ anyi alɛ baa la mbia bre, kumo ere anyeeŋ nya enɛfa nɛ e kɔ a jo mbe basa na. Kumo be kaman nɛ anyi nɛ Kristo e naaŋ nya kusɔ nɛ Ebɔrɛ kɔ a sa mo na, ŋkpal manɛ so, nɛ an baa tu Yesu a ji mbe awurfoŋ na fanɛ kananɛ e daŋ ji na, anyi alɛ beeŋ naŋ tu mo n nya mbe kemaŋkura na.

Romebi 9:23

Mo alɛ daa sha nna nɛ basa e wu mbe kemaŋkuragboŋ nɛ e shin nɛ k ba anyi nɛ mbe kuwɔr na chɛr a ba anyi so so nna. Anyi nɛ e bela ase n yili nɛ an nya mbe kemaŋkura na.

1 Kɔrintebi 8:6

ama anyi ere kutɔ Ebɔrɛ koŋwule e baa wɔtɔ, mo e la Etuto mo nɛ kusɔ kikɛ shi mo kutɔ, mo alɛ so nɛ an wɔtɔ na. Enyɛnpe koŋwule, Yesu Kristo na malɛ e wɔtɔ, mo nɛ Ebɔrɛ bɔla mo so n to kusɔ kikɛ mo alɛ nsaa sa anyi ŋkpa na.

1 Kɔrintebi 9:23

Mee wora asheŋ ere kikɛ nna ŋkpal baru lela na so so, saŋɛ na so, ma alɛ gba beeŋ nya kumo be enɛfa na be ako.

2 Kɔrintebi 11:14

Kumo alɛ maŋ la mamachi be kesheŋ ko nna, ŋkpal manɛ so, Setani gba bee kaa wora mbe kumu fanɛ kefultoso be malaika.

2 Kɔrintebi 5:5

Ebɔrɛ e bela anyi ase n yili le be kesheŋ ere nseŋ ta mbe Kiyoyu n sa anyi nɛ e baa la asɔ nɛ e kɔ a sa anyi kikɛ be tɔɔnɛ.

Ɛfesesebi 1:11

Kusɔ nɛ Ebɔrɛ bee kre nsaa nase so nɛ kusɔ kikɛ bee bɔla a wora. Mo koŋwule Ebɔrɛ na malɛ e nase kumo dra dra na kikɛ fanɛ e beeŋ bɔla Kristo so nna n lara anyi nɛ an ba kaa la mbe basa gbagba.

Ɛfesesebi 1:18

Ma alɛ nseŋ kraŋ naa kule Ebɔrɛ fanɛ e shin nɛ men bugi men be ŋgbene to n tiŋ m pin tama mo nɛ men nya ŋkpal e ka tre menyi na so to, nseŋ naa pin mamachi be enɛfagboŋ nɛ e nase kɔnɔ fanɛ e beeŋ sa mbe basa na to.

Ɛfesesebi 2:18

Ŋkpal manɛ so, mo so nɛ anyi nɛ bumo kikɛ bee bɔla a nya ekpa a yɔ Ebɔrɛ na kutɔ ashi Kiyoyu koŋwule na to.

Ɛfesesebi 3:6

Wulo na nde fanɛ baru lela na so nɛ nnyamase nɛ Juwebi kikɛ beeŋ gama n nya Ebɔrɛ be enɛfa na. B la eyur koŋwule to be mba nna ŋ gama a kɔ Ebɔrɛ be nnɔ naseso nɛ Ebɔrɛ bɔla Kristo Yesu so n nase na.

Ɛfesesebi 4:6

Ebɔrɛ koŋwule nɛ e la ekama mo tuto nsaa la esa nɛ e chɔ ekama nɛ emo nɛ e bɔla ekama to a shuŋ nsaa wɔ ekama to na e wɔtɔ.

Ɛfesesebi 5:11

Men shin nɛ men be asheŋ e sa maa wɔ tentembiri be chilchil be asheŋ woraso to, ama men baa lara loŋ be asheŋ na efuli.

Ɛfesesebi 5:20

Saŋkikɛ men baa chɔrɔ Ebɔrɛ Etuto na ŋkpal kusɔ kikɛ so ashi an Nyɛnpe Yesu Kristo be ketre to.

Ɛfesesebi 5:4

Kumo alɛ maŋ naŋ daga men ka wɔ kawuli be mmalga ŋko epel lubiana be kebaawɔtɔ to. Loŋ be asheŋ maŋ daga. Kusɔ nɛ k daga men ka kɔ men be kebaawɔtɔ to e la kabɔrɛchɔrɔ.

Ɛfesesebi 5:8

Ŋkpal manɛ so, dra na menyi alɛ gba daa wɔ tentembiri to nna, ama naniere bre men wɔ kefulto to nna ashi Enyɛnpe na to. Amoso, men baa wɔtɔ fanɛ basa nɛ b wɔ kefulto to.

Kɔlɔsiebi 2:2

saŋɛ na so meeŋ leŋ menyi to nɛ men baa kɔ kasha a wɔ abar so nsaa kɔ kenyi kikɛ nyam. Kumo e la fanɛ nɛ men ba pin mbe wulo na kikɛ.

Kɔlɔsiebi 3:15

Men shin nɛ kagbenewushi nɛ Yesu Kristo bee sa na e baa wɔ menyi to, ŋkpal manɛ so, Ebɔrɛ lara menyi nna nɛ men baa kɔ kagbenewushi abar so, ŋkpal men ka la kukoŋwule na so. Men baa chɔrɔ Ebɔrɛ.

Kɔlɔsiebi 3:17

Kusɔ kama nɛ k shi men be nnɔ to ŋko nɛ menyee wora, men shin nɛ amo kikɛ e daga esa nɛ e yil Yesu Kristo be katelamu to be kushuŋ nɛ men baa chɔrɔ Ebɔrɛ Etuto na ŋkpal Yesu Kristo so.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Hibruwebi 12:23

Men ba Ebɔrɛ be ewurkoŋ nyɛnsoana nɛ Ebɔrɛ sibɛ bumo be atre n nase ebɔrɛso na be kagbenefuliso be nshɛr to nna na. Men ba Ebɔrɛ nɛ e la basa kikɛ be demujipo na kutɔ nna nseŋ naŋ ba belelapo nɛ e ta bumo be ayoyu ŋ ki cheembi na kutɔ nna na.

Hibruwebi 3:1

Amoso, n niopibi larasoana nɛ men la bumo nɛ Ebɔrɛ tre a yɔ ebɔrɛso na, men ta menyi be anishi n yuu Yesu nɛ e la anyi be yirda ere be eshuŋipo nɛ bɔrɛmatapo nimuso na so ŋ keni kananɛ e du.

Hibruwebi 3:14

Ŋkpal manɛ so, nɛ an baa kɔ anyi be sososo be tama na to kpakpa n ya fo ekar, kumo ere anyi nɛ Kristo e kɔ kachige koŋwule.

Jeems 3:9

Anyi be adonduloŋ na nɛ anyee kaa ta a di an Nyɛnpe Etuto na epaŋ nseŋ naa ta amo a tege an braana nɛ Ebɔrɛ pɔr nɛ b du fanɛ mo gbagba na.

1 Pita 5:1

To, naniere a ka menyi to be bejuŋkparpo nɛ b du fanɛ kananɛ ma alɛ gba la men barkasa ejuŋkparpo ere nsaa la esa nɛ n la Kristo be tɔrɔ be shɛdajipo nseŋ naa la esa nɛ meeŋ tu bumo nɛ baaŋ nya kemaŋkura na saŋɛ nɛ k lar efuli na.

1 Jɔn 1:3

Asɔ nɛ an wu nseŋ nu nɛ anyee ta a kaŋɛ menyi alɛ gba na, saŋɛ na so menyeeŋ tu anyi a wɔ kɔnɔkoŋwule be kebaawɔtɔ mo nɛ anyi nɛ Etuto Ebɔrɛ nɛ mo Pibinyɛn Yesu Kristo kɔ na to.

Kelaraŋŋini 21:23

Epeŋi be kenyaŋɛ ŋko kufɔl be kefulto ndoŋ be asheŋ daa maŋ tir kadegboŋ na to ebi kikɛ, ŋkpal manɛ so, Ebɔrɛ be kemaŋkura e daa nyaŋɛ a yuu kade na so nɛ Kpakpafɔlbi na malɛ la kumo be fitila.

Kelaraŋŋini 22:14

Kagbenefuli la bekama nɛ b fɔr bumo be epiŋi nɛ a lar so nseŋ nya ekpa nɛ b ji ŋkpa be kedibi na be asɔrso nseŋ naŋ nya m bɔla mbuna to na n luri kadegboŋ na to na peya nna.

Kelaraŋŋini 22:5

Kanyɛ maaŋ naa wɔ ndoŋ. Fitila be kefulto ŋko epeŋi be kefulto be asheŋ maaŋ naŋ tir bumo, ŋkpal manɛ so, Enyɛnpe Ebɔrɛ e naaŋ baa sa bumo kefulto. Bumo alɛ beeŋ ji kuwura mbaanaayɔ.