Kɔlɔsiebi 1:11 - EBƆRƐ BE KAWƆL

¹¹ An be kabɔrɛkule e la fanɛ Ebɔrɛ e sa menyi eleŋgboŋ ashi mbe eleŋgboŋ na to nɛ men baa nyiti awurfoŋ kikɛ kagbenefuliso a chɔrɔ Etuto na ga,

Kɔlɔsiebi 1:11 ပူးပေါင်းရင်းမြစ်များ

Nshɛ 63:2

N wu fo eleŋ nɛ fo kemaŋkura ashi fo bɔrɛlambu to.

Ɛksodɔs 15:6

O, Enyɛnpe Ebɔrɛ, fo enɔ jisa so nɛ kumo be eleŋ kɔ kufu ga na nɛ fo ta m buri fo doŋana to cheche.

Aŋasa 24:10

Kesɔ kapɔshi be tɔrɔ be jemanɛ bee shin nɛ esa be eleŋ bee kuso nna.

Aizaaya 45:24

Bumo alɛ beeŋ kaŋɛ fanɛ n nawule kutɔ nɛ esa beeŋ tiŋ n nya kekɔmpɔɔso nɛ eleŋ. Ama bekama nɛ b kishi ma na bre beeŋ ŋaba.

Ashuŋ Shunso 1:8

Ama men baa nyi fanɛ Kiyoyu Cheeŋ na kaŋ gbelge menyi so, menyeeŋ baa kɔ eleŋ menyi to a malga ma asheŋ a sa basa ashi Jerusalɛm to nɛ Judiya kikɛ to nɛ Samɛria to nɛ durnya ere kikɛ nyam to.”

Ashuŋ Shunso 5:41

Nɛ beshuŋipo na lar nshɛrwuraana na kutɔ nɛ kagbenefuli ŋkpal Ebɔrɛ ka shin nɛ bumo alɛ tiŋ n ji awurfoŋ ŋkpal Yesu be ketre na so so.

Romebi 2:7

Bumo nɛ alelasheŋ be kewora maa gben bumo nɛ baa fin kemaŋkura nɛ bunyaŋ nɛ kebaawɔtɔ nɛ k maŋ kɔ luwu na, e beeŋ sa bumo ŋkpa nɛ k maŋ kɔ ekar na.

1 Kɔrintebi 16:13

Men baa da so a yil men be yirda na to kpakpa a kɔ kenyɛn nseŋ naa kɔ eleŋ.

2 Kɔrintebi 4:7

Ama anyi, bumo nɛ an kɔ le be kanya ere du fanɛ mba nna a ŋini fanɛ eleŋ nɛ k chɔ kekama na la Ebɔrɛ peya nna, mannɛ anyeya.

Ɛfesesebi 3:16

Mee kule mo fanɛ e keni mbe kemaŋkura damta nɛ e kɔ na to m bɔla mbe Kiyoyu na to a ta eleŋ n leŋ menyi to ashi men be ŋgbeneana to

Ɛfesesebi 4:2

Saŋkikɛ men baa bar men be amu ase a du boeŋ nsaa kɔ kanyiti a chɛ abar to a ŋini kasha nɛ k wɔ menyi to na.

Ɛfesesebi 6:10

Ade kikɛ be kaman, men baa kɔ eleŋ Enyɛnpe na nɛ mbe eleŋgboŋ na to.

Filipaiebi 4:13

Meeŋ tiŋ m bɔla Kristo nɛ e bee sa ma eleŋ na so n wora kusɔ kikɛ nyam.

2 Pita 1:6

Kanyiasheŋ na be kaman nɛ men ta kamootiŋ n ti so. Kamootiŋ na malɛ be kaman men ta kebaayilto kpakpa be kebaawɔtɔ n ti so nseŋ ta kabɔrɛŋana malɛ n ti kebaayilto kpakpa be kebaawɔtɔ so.

Juud 1:25

Mo nawule e la Ebɔrɛ. Mo e mɔlga anyi ŋkpal an Nyɛnpe Yesu Kristo so, mo alɛ e naa kɔ eleŋ kikɛ nɛ kusɔ kikɛ to pɔɛŋ nɛ saŋkikɛ fara. Mo alɛ beeŋ baa kraa kɔ amo to saŋkikɛ mbaanaayɔ. Amoso, men baa sa mo kemaŋkura nɛ bunyaŋ nɛ eleŋ nɛ kenimuji saŋkama. Amɛn.

Kelaraŋŋini 14:12

Kede e naa ŋini fanɛ a daga fanɛ Ebɔrɛ be basa, bumo e la basa nɛ baa ta Ebɔrɛ be mmalga naseso a wɔtɔ bumo be ŋgbene to nsaa maa lar Yesu kaman na e baa kɔ kanyiti.