Aŋasa 9:1 - EBƆRƐ BE KAWƆL

¹ Kanyiasheŋ pɔr kumo be ebu nna n yili eshabɔrɛ ashunu so.

Aŋasa 9:1 ပူးပေါင်းရင်းမြစ်များ

1 Bewura 7:21

E daŋ yuu eshabɔrɛ na be kuko bɔrɛlambu na be kabuna to be anishito be kelargato be kaseto be kaba so nɛ baa tre kumo Jakin na nna nseŋ yuu kuko malɛ kumo be kelargato be esoso be kaba so nɛ baa tre kumo alɛ Boaz na.

1 Bewura 7:6

Lambu nɛ baa tre eshabɔrɛ damta be lambu na be nteŋ daa la fanɛ ayadra adushunu nɛ anu nna nɛ kumo be mpar malɛ la ayadra adena nɛ anu. B daŋ yuu eshabɔrɛ nna n wora kedɛdɛ.

Aŋasa 1:20

Men nu nfe, kanyiasheŋ e wɔ agbembi so nɛ kebɛ to a tre awɔrso na.

Aŋasa 2:1

M pibinyɛn, baa koya asɔ nɛ mee ŋini fo nsaa nyiŋi asɔ nɛ ŋ kaŋɛ fanɛ fo baa wora na saŋkikɛ.

Aŋasa 24:3

Kanyiasheŋ e naa pɔr kowu, nɛ kenu n sa abar malɛ bee shin nɛ k bee yili.

Aŋasa 3:1

M pibinyɛn, sa maŋ kaŋ teŋ asɔ nɛ mee ŋini fo na so. Baa nyiŋi asɔ nɛ mee kaŋɛ fo fanɛ fo baa wora na saŋkikɛ.

Aŋasa 8:1

Nu nfe, kanyiasheŋ e naa tre na. Lakal e naa kaŋɛ awɔrso fanɛ fo nu n sa mo na.

Aizaaya 55:1

Enyɛnpe Ebɔrɛ yɛ: “Ekama nɛ achukoŋ kɔ mo e ba nuu nchu! Ekama nɛ e maŋ kɔ amansherbi gba e ba tɔ ajibi n ji! Men ba tɔ yabra nɛ kenyipochu n nuu nsaa maŋ ka shɛŋ!

Matiu 16:18

Ma alɛ e kaŋɛ fo na fanɛ fo e la Pita, kefalta. Le be kefalta malɛ so nɛ meeŋ pɔr ma asɔri nɛ luwu be eleŋ gba e pɔɔ kumo so ŋ gben.

Galeeshaebi 2:9

Jeems nɛ Pita nɛ Jɔn nɛ ekama daa nyi b ka la benimu na, e daŋ shuli n sa ma nɛ Baanabas fanɛ an baa la bumo braana beshuŋipo ŋkpal kananɛ b daŋ wu Ebɔrɛ be kuwɔr be kakɛ nɛ e daŋ sa ma na so. B daŋ shuli nna fanɛ an yɔ nnyamase kutɔ nɛ bumo alɛ yɔ Juwebi kutɔ.

1 Timoti 3:15

saŋɛ na so ŋ kaŋ maŋ naŋ tiŋ m ba manaŋ, kawɔl ere beeŋ ŋini fo kebaawɔtɔ nɛ k daga fanɛ anyi nɛ an la Ebɔrɛ be kanaŋ to ebi nɛ baa tre ŋkpa to be Ebɔrɛ be asɔri na ka wora. Asɔri na e kɔ kashenteŋ be keŋini na to nsaa keni kumo so.

Kelaraŋŋini 3:12

Ekama nɛ e kɔ m pɔɔ so, meeŋ ta mo ŋ ki ma Ebɔrɛ be lambu to be shabɔrɛ. Mo alɛ maaŋ naŋ lar kumo to kikɛ nɛ n sibɛ ma Ebɔrɛ be ketre nɛ ma Ebɔrɛ be kadegboŋ be ketre n deŋi mo so. Kade na e la Jerusalɛm popɔr nɛ k bee shi ma Ebɔrɛ kutɔ ashi ebɔrɛso a ba na. Ma alɛ beeŋ naŋ sibɛ ma ketre popɔr n deŋi mo so.