Aŋasa 8:9 - EBƆRƐ BE KAWƆL

⁹ K baŋ di efuli nna n sa esa kama nɛ e bee pin asheŋ to, nseŋ bugi to n sa esa nɛ e kɔ kenyi.

Aŋasa 8:9 ပူးပေါင်းရင်းမြစ်များ

Aŋasa 14:6

Shiaworapo maaŋ tiŋ n nya kanyiasheŋ kikɛ ama lakalwura bre bee nya kenyi manaŋ manaŋ nna.

Aŋasa 15:14

Enyiashempo kikɛ bee koya nna a ti so, ama kawulisheŋ e bɔlɔ bewulpo bre to.

Aŋasa 15:24

Ekpa nɛ benyiashempo bɔ bee yɛr bumo ŋkpa to nna, mannɛ luwu to.

Aŋasa 17:24

Enyiashempo kikɛ bee pin kusɔ nɛ k daga kewora nna; ama ewulpo bre maa tiŋ a yili mbe nfɛra kukoŋwule.

Aŋasa 18:15

Enyiashempo kikɛ bela ase nna nɛ e koya asheŋ saŋkama.

Aŋasa 3:13

Kagbenefuli la ekama nɛ e ki enyiashempo, ŋko ekama nɛ e nya asheŋ be kepinto be nfɛra na peya nna.

Aizaaya 35:8

Kegbembi lela beeŋ ba dese ndoŋ, nɛ b baa tre kumo “Kecheembiya be ekpa.” K beeŋ baa la Ebɔrɛ be basa be ekpa. Esa nɛ e maa shuŋ Ebɔrɛ maaŋ nite kumo so. Bewulpo gba maaŋ nite loŋ be kegbembi na so.

Maika 2:7

Menyi Israɛlebi nɛ men la Jeekɔb be kaman to ebi na kɔ ekpa nɛ men baa kaŋɛ fanɛ Enyɛnpe Ebɔrɛ na nya agbo nna n wora kusɔ nɛ e wora ere? Enyɛnpe Ebɔrɛ maa kaa nɛfa bekama nɛ baa wora asheŋ niŋiso nna a?”

Baru lela nɛ Jɔn kute na 6:45

Anebiana na be nsibɛ na to bee kaŋɛ fanɛ: ‘Ebɔrɛ beeŋ ŋini basa kikɛ asheŋ.’ Ekama nɛ e bee nu kusɔ nɛ Etuto na bee kaŋɛ nseŋ naa koya asheŋ ashi mo kutɔ bee ba ŋ kutɔ nna.

Baru lela nɛ Jɔn kute na 7:17

Esa kama nɛ e bee sha kewora Ebɔrɛ be aparsheŋ beeŋ pin fanɛ asɔ nɛ mee ŋini ere shi Ebɔrɛ kutɔ nna ŋko ŋ gbagba be eleŋ nɛ ŋ kɔ a ŋini amo.

Jeems 1:5

Ama menyi to be ekama nɛ e maŋ kɔ kanyiasheŋ nsaa pin kusɔ nɛ e beeŋ wora a gben, amodoŋwura e kule Ebɔrɛ nɛ e chɛ mo to, ŋkpal manɛ so, Ebɔrɛ e naa bugi kagbene a sa basa asɔ nsaa maa bishi bumo nnɔ. Amoso, fo kama nɛ fo kule mo kanyiasheŋ, fo maaŋ paŋ kumo.