Aŋasa 8:34 - EBƆRƐ BE KAWƆL

³⁴ Bekama nɛ baa ba ma laŋ to m ba kaa chena ma kabuna to, a jo a nu ma mmalga na be ŋgbene beeŋ fuli bumo.

Aŋasa 8:34 ပူးပေါင်းရင်းမြစ်များ

1 Bewura 10:8

Basa nɛ baa shuŋ fo nsaa wɔ fo kutɔ saŋkikɛ a nu fo kanyiasheŋ be mmalga na, nu ebel pasaa!

Nshɛ 27:4

Kusɔ koŋwule nɛ mee fin Enyɛnpe Ebɔrɛ kutɔ; Kumo e la fanɛ, ŋ ka beeŋ baa wɔ mbe laŋ to saŋɛ so nɛ n wɔ ŋkpa to ere; saŋɛ na so mbe alelasheŋ beeŋ baa bɔlɔ ma kenishi, nɛ m baa wɔ mo kutɔ ashi mbe bɔrɛlambu to.

Nshɛ 84:10

Keji kachɛ koŋwule ashi fo bɔrɛlambu to bɔ keji nchɛ kagboŋ ashi kakpa pɔtɛ. Ŋ ka yili ma Ebɔrɛ be lambu be kabuna to bɔ ŋ ka wɔ kumukpakpasowura pe.

Nshɛ 92:13

Baaŋ mur achin ashi fo, Enyɛnpe Ebɔrɛ na be laŋ to, nseŋ nyalɛ ashi anyi be Ebɔrɛ na be bɔrɛlambu to.

Ɛksodɔs 12:7

Kumo be kaman nɛ men ta amo be ŋklaŋ na be ako ŋ gbiti ŋ gbiti men be ebuana nɛ menyeeŋ chena to n we n we eblaŋ na be akuloŋ be mbuna be akel to nɛ amo be awɔlto.

Aŋasa 1:21

K wɔ nde be mbunagboŋ nɛ basa bee bɔla to a lar nsaa luri na ase nna a ponte a tre awɔrso a kaŋɛ le:

Aŋasa 3:13

Kagbenefuli la ekama nɛ e ki enyiashempo, ŋko ekama nɛ e nya asheŋ be kepinto be nfɛra na peya nna.

Aŋasa 3:18

Bekama nɛ b kɔ kanyiasheŋ na, be ŋgbene bee fuli bumo nna. Bumo be kanyiasheŋ bee sa bumo ŋkpa tenteŋ nna.

Matiu 7:24

Amoso, ekama nɛ e nu ma mmalga ere nsaa bɛ amo so du fanɛ enyiashempo nɛ e pɔr mbe ebu n yili kefalta so nna.

Luuk 1:6

Bumo benyɔ kikɛ daa bɛ Enyɛnpe be mbraana na nɛ mbe asheŋ ŋinisoana na kikɛ so nna nɛnɛ a maa foe ekpa kikɛ nsaa wɔ kebaawɔtɔ cheembi nɛ k bee par Ebɔrɛ to.

Luuk 10:39

Ndoŋ nna nɛ Maata mo sipocheso mo nɛ baa tre Mɛɛri na ya kaa tase Enyɛnpe na be anishito a nu mbe kamalga.

Luuk 11:28

Nɛ Yesu kaŋɛ: “Ayai, bumo nɛ baaŋ nu ebel e la bumo nɛ baa nu abɔrɛsheŋ na nsaa wora amo.”

Ashuŋ Shunso 2:42

Bumo nɛ beshuŋipo na e daa la saŋkama nɛ baa koya asɔ ashi beshuŋipo na kutɔ nsaa ba bumo be nshɛrbuana to nɛ bumo kikɛ ba kaa bɔ enɔ kɔnɔkoŋwuleso a wɔtɔ kawie koŋwule to nsaa kule Ebɔrɛ kɔnɔkoŋwuleso.