Aŋasa 8:21 - EBƆRƐ BE KAWƆL

²¹ Mee sa bumo nɛ baa sha ma kedamaya nna nsaa shin nɛ asɔ lela bee bɔlɔ bumo be nwu.

Aŋasa 8:21 ပူးပေါင်းရင်းမြစ်များ

Jɛnesis 15:14

Ama meeŋ gberge loŋ be basa nɛ baaŋ ta bumo ŋ ki anya na kusoe. Kumo be kaman baaŋ lar ndoŋ nɛ kanya damta.

Nshɛ 16:11

Fo shin nɛ m pin fo ŋkpa be ekpa na. Fo kebaawɔ ma kutɔ, e naa shin nɛ ma kagbene bee fuli ga saŋkama.

Aŋasa 1:13

An wora loŋ anyeeŋ nya yawukpakpaso be asɔ lela be yiri yiri, nɛ an be ebuana e bɔlɔ asɔ nɛ an suge fanɛ b ka kɔ kena n suge asɔ na.

Aŋasa 10:22

Enyɛnpe Ebɔrɛ e naa ta esa e ki damawura. Kepere kenishi n shuŋ maaŋ tiŋ n shin nɛ fo dii dama.

Aŋasa 15:6

Basa nɛ baa wora asheŋ niŋiso e naa ji bumo be kanya be tɔnɔ. Ama tɔrɔ be saŋɛ belubiworapo bre bee paŋ bumo be kanya nna.

Aŋasa 21:20

Enyiashempo bee ji nna a ka a yili echefoso, ama ewulpo bre bee ji kusɔ nɛ e nya kikɛ nna a loge kachɛ koŋwule.

Aŋasa 24:4

Kenyi malɛ e naa shin nɛ asɔ lela nɛ yawu kpakpaso be asɔ bee bɔlɔ laŋ.

Aŋasa 6:31

baaŋ gberge mo kusoe n shin nɛ e ka kusɔ nɛ e yur na be kukɔ ale ashunu. Hale kumo be loŋ beeŋ shin nɛ e paŋ kusɔ nɛ e kɔ kikɛ gba, baaŋ shin nɛ e wora loŋ.

Aŋasa 8:18

Ŋ kɔ kedamaya, nɛ kemaŋkura, nɛ anishito be keyɔ, nɛ kɔŋkɔŋ be keji be kebaawɔtɔ nna a sa basa.

Aŋasa 8:20

Ekpa niŋi so, nɛ kebaaji asheŋ nɛ amo be ekpa so be ekpa nɛ m bɔ.

Matiu 25:46

Kumo be kaman nɛ b yɔ kasogberge nɛ k maŋ kɔ ekar na to nɛ basa lela na malɛ e yɔ ŋkpa nɛ k maŋ kɔ ekar na to.”

Romebi 8:17

To, nɛ anyi alɛ baa la mbia bre, kumo ere anyeeŋ nya enɛfa nɛ e kɔ a jo mbe basa na. Kumo be kaman nɛ anyi nɛ Kristo e naaŋ nya kusɔ nɛ Ebɔrɛ kɔ a sa mo na, ŋkpal manɛ so, nɛ an baa tu Yesu a ji mbe awurfoŋ na fanɛ kananɛ e daŋ ji na, anyi alɛ beeŋ naŋ tu mo n nya mbe kemaŋkura na.

Hibruwebi 10:34

Men daŋ tu basa nɛ b ti ebuana n ji awurfoŋ nɛ saŋɛ nɛ b daŋ ba suge menyi be asɔ na gba, men daŋ ta kagbenefuli n nyiti loŋ be kesheŋ na gba ŋkpal men ka daa nyi fanɛ men kɔ kusɔ nɛ k chɔ asɔ na ga nsaa maŋ kɔ ekar na so.

1 Pita 1:4

Kede e shin nɛ an kɔ tama nɛ k maa chɛrga nseŋ naa keni enɛfa damta nɛ Ebɔrɛ kɔ a jo mbe basa na ekpa. Ebɔrɛso nɛ e kɔ amo a jo menyi, kakpa nɛ a maaŋ tiŋ m bɛ ŋko n jija ŋko ŋ kpeŋ kikɛ na.

Kelaraŋŋini 21:7

Ekama nɛ e kɔ m pɔɔ so beeŋ nya ade kikɛ, nɛ m baa la amodoŋwura be Ebɔrɛ nɛ mo alɛ e baa la m pibi.

1 Samuɛl 2:8

Fo e naa pulgi betirpo ashi shishɛr to nsaa lara betentaŋasepo ashi bumo be awurfoŋ to; Nsaa ta bumo a yili bewurbi be eyilikpa, ashi ewura be laŋ to be bunyaŋ be kakpa na. Fo Enyɛnpe e wora durnya ere be gbaltɔlase, nseŋ pɔr durnya n yili kumo so.