Aŋasa 8:20 - EBƆRƐ BE KAWƆL

²⁰ Ekpa niŋi so, nɛ kebaaji asheŋ nɛ amo be ekpa so be ekpa nɛ m bɔ.

Aŋasa 8:20 ပူးပေါင်းရင်းမြစ်များ

Nshɛ 23:3

Mo e naa sa ma eleŋ popɔr, nsaa ŋini ma kebaawɔtɔ niŋiso fanɛ kananɛ e nase kɔnɔ na.

Nshɛ 32:8

Fo yɛ feeŋ ŋini ma ekpa nɛ meeŋ bɔla so. Feeŋ ji ma asoeto nseŋ keni ma so.

Aŋasa 2:20

Amoso a daga fanɛ fo baa kute basa lela be aworbi to nna; nsaa wɔ kebaawɔtɔ niŋi so to.

Aŋasa 2:9

Nɛ fee nu ma mmalga, feeŋ pin kusɔ nɛ k walɛ nɛ kusɔ nɛ k niŋi ekpa nɛ kusɔ nɛ k daga fanɛ fo baa wora.

Aŋasa 3:6

Baa nyiŋi Enyɛnpe Ebɔrɛ na ashi kusɔ kama nɛ fee wora to, nɛ e baa lɔŋɛ ekpa nɛ fee bɔla so kananɛ k daga a sa fo.

Aŋasa 6:22

Shin nɛ a baa ŋini fo ekpa; nsaa kuŋ fo kanyɛso. Saŋkama nɛ fo di n tiŋi, fo shin nɛ a baa ji fo asoeto.

Aŋasa 8:19

Kusɔ nɛ feeŋ nya ma kutɔ bɔ shuwa nɛ gbiti lela.

Aŋasa 8:21

Mee sa bumo nɛ baa sha ma kedamaya nna nsaa shin nɛ asɔ lela bee bɔlɔ bumo be nwu.

Aizaaya 2:3

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; saŋɛ na so nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ e bee shi Zayɔn a malga a sa mbe basa.”

Aizaaya 49:10

Akoŋ nɛ achukoŋ maaŋ naŋ pɛ bumo kikɛ. Epeŋi nɛ keshishɛrsawule so be ebeldɛ maaŋ naŋ tɔrɔ bumo. Ma, Enyɛnpe Ebɔrɛ na beeŋ baa wu bumo kuwɔr nsaa juŋkpar bumo a yɔ mbombi ase.

Aizaaya 55:4

Ma e daŋ shin nɛ e ki efuliana na be ejuŋkparpo nɛ ewura, nseŋ bɔla mo so ŋ ŋini bumo ma eleŋgboŋ.

Baru lela nɛ Jɔn kute na 10:3

E baa ba, kabunakenipo na bee bugi kabuna na nna a sa mo nɛ e bee luri to a tre a tre mo gbagba be mbolpɔ na be atreana nɛ bumo alɛ bee pin mbe ebɔl nsaa bɛ mo so nɛ e bee keta bumo a lar kuluu na to.

Ditɛronɔmi 5:32

Amoso, Israɛlebi, a daga men baa wora Enyɛnpe, menyi be Ebɔrɛ na be mbraana na kasonu. Men sa maa wora a da amo be kekama so.

Kelaraŋŋini 7:17

Ŋkpal manɛ so, Kpakpafɔlbi nɛ e wɔ kuwurputi na be nferinto na e naaŋ ki bumo be ekpapo n yɛr bumo mboŋ nɛ ŋkpa be nchuana bee bul nɛ Ebɔrɛ malɛ e kpra anishichubi kikɛ ashi bumo be anishiana to.”