Aŋasa 8:14 - EBƆRƐ BE KAWƆL

¹⁴ Ma e naa kre ŋkre nsaa wora a bɔlɔ so na. Ma e naa pin asheŋ to, nsaa kɔ eleŋ na.

Aŋasa 8:14 ပူးပေါင်းရင်းမြစ်များ

Aŋasa 1:25

Fo kplaŋ ma kasotoji kikɛ so, nseŋ kini fanɛ fo maaŋ shin nɛ n niŋi fo ekpa.

Aŋasa 18:1

Kebaafɛ fo nawule be kumu so be asheŋ, nɛ kekini kesɔ esa pɔtɛ be nfɛra la kejimuni nɛ kawulisheŋ nna.

Aŋasa 19:20

Esa nɛ e bee nu kasotoji nɛ keŋini, bee ki enyiashempo nna.

Aŋasa 24:5

Enyiashempo e la elempo. Kenyi bee shin nɛ esa be eleŋ nɛ yuku bee ti so nna.

Aŋasa 3:21

M pibinyɛn, baa kɔ fo kanyiasheŋ nɛ fo lakal to kpakpa. Sa maŋ shin nɛ a shile fo kikɛ.

Kaŋinichiŋgeliŋ 7:19

Kusɔ nɛ esa nɛ e kɔ kanyiasheŋ beeŋ tiŋ n wora, bejuŋkparpo kudu maaŋ tiŋ n wora kumo n sa bumo be kade.

Aizaaya 28:29

Kanyiasheŋ ere kikɛ shi Enyɛnpetale Ebɔrɛ na kutɔ nna. Ebɔrɛ bee kre ŋkre kanyiasheŋ so nna, nɛ amo alɛ bee wora a bɔlɔ so jemanɛ kikɛ!

Aizaaya 40:14

Enyɛnpe Ebɔrɛ na maa yɔ esa kikɛ kutɔ n ya kaa fin kanyiasheŋ ŋko kepinto ŋko kewora asheŋ nɛ e niŋi amodoŋwura kutɔ.

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Jɛremaya 32:19

Fee kre asheŋ kanyiasheŋ so nna nsaa wora asheŋgboŋ. Fo alɛ bee wu kusɔ kama nɛ basa bee wora nsaa yili bumo be aworbi so a ka bumo kukɔ nna.

Baru lela nɛ Jɔn kute na 1:9

Kashenteŋ be kefulto nɛ k bee nyaŋɛ a sa esa kama na e daa ba durnya ere to na.

Romebi 1:22

B yɛ b nyi asheŋ, ama bumo alɛ ki bewulpo nna.

1 Kɔrintebi 1:24

Ama bumo, Juwebi nɛ Griikebi nɛ Ebɔrɛ tre na bre kikɛ, kubɔya na la Kristo mo nɛ e la Ebɔrɛ be eleŋ nɛ mbe kanyiasheŋ na nna.

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

Kɔlɔsiebi 2:3

Wulo na e la fanɛ Ebɔrɛ lara Yesu Kristo nɛ mo nawule shin nɛ an nya kanyiasheŋ kashenteŋto nseŋ shin nɛ an pin kashenteŋ na kikɛ.