Aŋasa 8:13 - EBƆRƐ BE KAWƆL

¹³ Enyɛnpe Ebɔrɛ be kesa bunyaŋ e la alubi be kekishi. Kamoowu nɛ ŋkpensheŋ, nɛ asheŋ lubi nɛ efɛ be mmalga maa par Ebɔrɛ kikɛ.

Aŋasa 8:13 ပူးပေါင်းရင်းမြစ်များ

Job be kawɔl 1:1

Kanyɛn ko e daa wɔ Uz be kasawule so nɛ baa tre mo Job. Job daa la esa nɛ esa kikɛ maŋ tiŋ n wu mo kulubi nna. E daa la esa nɛ e bee bunyaŋ Ebɔrɛ nseŋ kishi kulubi be kewora nna.

Job be kawɔl 28:28

Kumo be kaman nɛ e kaŋɛ edimɛdi le: “Kanyiasheŋ e la keta bunyaŋ gboŋ n sa ma, Enyɛnpe Ebɔrɛ na. Nɛ kelar alubi to malɛ la asheŋ be kepin to.”

Nshɛ 101:3

Ma alɛ beeŋ kishi kusɔ nɛ basa nɛ b pal kaman n sa Ebɔrɛ bee wora na kikɛ.

Nshɛ 119:104

Fo mbraana so nɛ mee bɔla a pin asheŋ to, amoso nɛ ŋ kishi efɛsheŋ kikɛ na.

Nshɛ 119:128

Mee bɛ fo mbraana kikɛ so nna, ŋ kishi ekpa lubi be yiri kikɛ be kebɔla so n wora asheŋ.

Nshɛ 138:6

Fo, Enyɛnpe Ebɔrɛ na wɔ esoso ga, ama kumubarasewuraana be asheŋ tir fo; kamoowuwuraana malɛ maaŋ tiŋ ŋ ŋana fo so.

Nshɛ 97:10

Bekama nɛ baa sha Enyɛnpe Ebɔrɛ na kishi kulubi nna. Ŋkpal manɛ so, mo e naa kuŋ mbe basa nɛ baa ji kashenteŋ a sa mo na be ŋkpa nsaa kɔ a suge bumo ashi kumukpakpasowuraana be enɔ to.

Ɛksodɔs 1:17

Ama beche nɛ b daa keta kakurge na daa kɔ kabɔrɛŋana nna, amoso b daŋ kini kewora kusɔ nɛ Ijipt be ewura na kaŋɛ bumo na nna, nseŋ daa yige mbinyɛnsobi na gba.

Aŋasa 10:31

Basa nɛ baa wora asheŋ nɛ a niŋi bee malga kanyiasheŋ be mmalga nna, ama baaŋ kuŋ mmalga lubi wora bre ekpa.

Aŋasa 15:9

Enyɛnpe Ebɔrɛ kishi belubiworapo be asheŋ wora so ga, ama e bee sha basa nɛ baa wora asheŋ lela bre ga.

Aŋasa 16:18

Kamoowu e naa yɛr esa kemur to nɛ ŋkpensheŋ malɛ bee bar esa kaseto.

Aŋasa 16:5

Enyɛnpe Ebɔrɛ kishi esa nɛ e kɔ mpuchi ga. Kumo alɛ maŋ kɔ emɔrɔ fanɛ e beeŋ gberge loŋ be basa kusoe.

Aŋasa 16:6

Fo baa kɔ kasonu nɛ kashenteŋji, Ebɔrɛ beeŋ ta fo alubi m paŋ fo. Kabɔrɛŋana e naa shin nɛ esa bee ŋana kulubi.

Aŋasa 3:7

Sa maa fɛ fanɛ fo nyi asheŋ ga. Baa nu a sa Enyɛnpe Ebɔrɛ na nsaa gelge alubi.

Aŋasa 4:24

Sa maŋ malga kusɔ kama nɛ kashenteŋ maŋ wɔ kumo to. Fo nɛ efɛsheŋ nɛ mmalga nɛ a bee shin nɛ basa bee wora a foe ekpa e sa maa kɔ shɛŋ.

Aŋasa 6:12

Basa lubi nɛ basa fuloŋ e naa nite a ku efɛ.

Aizaaya 13:11

Ade be kaman nɛ Enyɛnpe Ebɔrɛ naŋ kaŋɛ le: “Meeŋ gberge efuli lubi ere nɛ kumo to be basa kusoe ŋkpal bumo be alubi so. Ma alɛ beeŋ bar ekama nɛ e bee maŋ mbe kumu so kaseto nseŋ gberge ekama nɛ e bee fɛ fanɛ e shi ga nsaa ŋini to, a kute a wɔtɔ basa ebesa to na kusoe.

Eemɔs 5:15

Men kishi kulubi, nsaa wora kelela. Men baa kɔ a fin asheŋ be keji nɛ amo be ekpa so ashi men be edemujikpa. Ashere Enyɛnpetale na beeŋ wu efuli ere be bekama nɛ b kraa wɔ ŋkpa to ere kuwɔr.

Eemɔs 6:8

Le nɛ Enyɛnpetale Ewurgboŋ na kaŋɛ kenishipereso: “Israɛl be basa be kamoowu nɛ b kɔ na be asheŋ bee nu ma agbo alegaiso. Ŋ kishi bumo be nwu gboŋgboŋi nɛ b pɔr na ga. Ma alɛ beeŋ ta bumo be kadegboŋ na nɛ kusɔ kama nɛ k wɔ kumo to n sa bumo doŋana.”

Zakareya 8:17

Men sa maa kre kebaawora abar kulubi. Men sa maa bɔ ntaŋ a ji efɛ be eshɛda. Ŋ kishi le be alubiana ere kikɛ nna.”

Romebi 12:9

Men shin nɛ menyi be kasha e baa la kashenteŋ be kasha. Men baa kishi alubisheŋ nsaa far a chɛ alelasheŋ.

1 Tɛsalɔnikaebi 5:22

m barga menyi be amu ashi kulubi be yiri kikɛ to.

2 Timoti 2:19

Ama kusɔ nɛ Ebɔrɛ tɔl n yili maŋ kɔ kegbuŋgbuŋ kikɛ. Kasibɛ nɛ a deŋ kumo so malɛ nde: “Enyɛnpe na nyi basa nɛ b la mo peya.” Kusɔ nɛ k naŋ ti so e la: “Esa kama nɛ e kaŋɛ fanɛ e la Enyɛnpe peya, e lar alubi be kewora to.”

1 Pita 5:5

Mbrantiɛ, loŋ koŋwule na nɛ a daga fanɛ men baa nu a sa benyɛnnimuana. Men ta kumu be kebar kaseto m mea to fanɛ wajɛ a wɔtɔ a sa abar, ŋkpal manɛ so, Ebɔrɛ maa sa kamoowuwuraana kashuli, ama bumo nɛ baa bar bumo be amu kaseto bre, e bee wu bumo kuwɔr nna.

1 Samuɛl 2:3

Menyi kamoowuwuraana; men yige men be nfɛlso be mmalga na. Shɛŋ shɛŋ maa ŋana fo Enyɛnpe Ebɔrɛ so. Fo alɛ e naaŋ ji ekama be aworbi demu.