Aŋasa 7:3 - EBƆRƐ BE KAWƆL

³ Baa kɔ asɔ nɛ ŋ ŋini fo na to saŋkikɛ, n shin nɛ a baa wɔ fo kagbene to.

Aŋasa 7:3 ပူးပေါင်းရင်းမြစ်များ

Aŋasa 3:3

Sa maŋ shin nɛ kebaayɛ a wora e baa barga fo kikɛ. Chɛ kumo n shɛga fo kubɔ to fanɛ kubɔtoshembi, n shin nɛ k bɔlɔ fo kagbene to a dii efuli ashi fo kebaawɔtɔ to.

Aŋasa 4:21

Sa maŋ shin nɛ ma mmalga na e barga fo. Baa nyiŋi amo nseŋ ta amo n wɔtɔ fo kagbene to saŋkama.

Aŋasa 6:21

Shin nɛ bumo be mmalga e baa wɔ fo nfɛra to saŋkama fanɛ a ka la kubɔtoshembi a di fo na.

Aŋasa 7:4

Ta kanyiasheŋ ŋ ki fanɛ fo sipoche, nseŋ ta lakal malɛ ŋ ki fo teri kpakpaso.

Aizaaya 30:8

Ade be kaman nɛ Ebɔrɛ kaŋɛ fanɛ n sibɛ kusɔ nɛ basa bee sha kebaanu be asheŋ n wɔtɔ kawɔl ko to, saŋɛ na so kusɔ ko beeŋ baa dese a laŋɛ bumo be kananɛ b lubi be kaplɛa so mbaanaayɔ.

Aizaaya 59:21

Ma alɛ bee nase kɔnɔ nna fanɛ meeŋ sa menyi ma Kiyoyu nɛ keŋini nɛ a baa wɔ menyi to mbaanaayɔ. Yili kabre a yɔ, menyeeŋ baa wora ma kasonu nsaa ŋini menyi be mbia nɛ kaman to ebi nɛ bumo alɛ gba e baa wora ma kasonu mbaanaayɔ.”

Jɛremaya 17:1

Nɛ Enyɛnpe Ebɔrɛ na kaŋɛ: “Juda be basa, menyi be alubi maaŋ tiŋ ŋ kpra kikɛ; ŋkpal manɛ so, e sibɛ a deŋ menyi be ŋgbene so nna fanɛ b ka shɛl amo n deŋi kejembu so ŋko menyi be ebɔrɛsure be ekarso na nna.

Jɛremaya 31:33

Kɔnɔkoŋwule be ŋkre popɔr nɛ ma nɛ Israɛl be basa beeŋ wora na e la fanɛ, meeŋ ta ma mbra n wɔtɔ bumo be nfɛra to nseŋ sibɛ kumo n wɔtɔ bumo be ŋgbene to. Meeŋ baa la bumo be Ebɔrɛ nɛ bumo alɛ e baa la ma basa.

2 Kɔrintebi 3:3

Menyi alɛ gba bee ŋini fanɛ men la kawɔl nna n shi Kristo kutɔ a la anyi be kushuŋ ere be tɔnɔ. Mannɛ kleembi nɛ b ta n sibɛ amo, bumo alɛ maŋ sibɛ amo n deŋi ajembu so, ama Ebɔrɛ nɛ e wɔ ŋkpa to be Kiyoyu nɛ b ta n sibɛ amo dimɛdi be ŋgbene so.