Aŋasa 7:1 - EBƆRƐ BE KAWƆL

¹ M pibinyɛn, baa nyiŋi asɔ nɛ ŋ kaŋɛ fo na. Sa maŋ teŋ kusɔ nɛ ŋ kaŋɛ fo na so kikɛ.

Aŋasa 7:1 ပူးပေါင်းရင်းမြစ်များ

Job be kawɔl 22:22

Sɔ keŋini kama nɛ e bee sa fo na, nseŋ ta mbe mmalga n wɔtɔ fo kagbene to.

Aŋasa 1:8

M pibinyɛn, kaŋ kusoe n nu fo tuto be kusɔ nɛ e bee kaŋɛ fo, nsaa maŋ kplaŋ fo nio be ŋini gba so.

Aŋasa 10:14

Enyiashempo bee fin kenyi nna a ti so saŋkikɛ, ama ewulpo be mmalga e naa da mo a lɛ.

Aŋasa 3:1

M pibinyɛn, sa maŋ kaŋ teŋ asɔ nɛ mee ŋini fo na so. Baa nyiŋi asɔ nɛ mee kaŋɛ fo fanɛ fo baa wora na saŋkikɛ.

Aŋasa 4:21

Sa maŋ shin nɛ ma mmalga na e barga fo. Baa nyiŋi amo nseŋ ta amo n wɔtɔ fo kagbene to saŋkama.

Aŋasa 5:5

Fo bɛ mo so e beeŋ yɛr fo bubuni to, ŋkpal manɛ so ekpa nɛ e bɔ so na bee yɔ luwu to nna.

Aŋasa 6:20

M pibinyɛn, baa bɛ kusɔ nɛ fo tuto kaŋɛ fo so, nsaa maa kplaŋ asɔ nɛ fo nio ŋini fo so.

Aŋasa 6:35

Sheŋ malɛ maa tiŋ a ka kedata be agbo be kukɔ. Kakɛ kama maŋ wɔtɔ a wushi kedata be agbo.

Luuk 11:28

Nɛ Yesu kaŋɛ: “Ayai, bumo nɛ baaŋ nu ebel e la bumo nɛ baa nu abɔrɛsheŋ na nsaa wora amo.”

Luuk 8:15

Asɔ duuso nɛ a tɔr eshishɛr lela to na du fanɛ basa nɛ baa nu kamalga na nsaa bugi kagbene to a sɔ kumo a bɛ kumo so nɛnɛ a kɔ kumo to kpakpa kanyitiso hale n ya bar tɔnɔ fanɛ kananɛ asɔ duuso bee wora bibi na nna.”

Baru lela nɛ Jɔn kute na 14:23

Nɛ Yesu kaŋɛ mo le: “Esa kama nɛ e bee sha ma beeŋ ta ma mmalga n wɔtɔ mbe kagbene to. N Tuto malɛ gba beeŋ baa sha mo nɛ ma nɛ n Tuto na kikɛ e ba mo kutɔ m ba ta mo ŋ ki anyi be kowu.

Baru lela nɛ Jɔn kute na 15:20

Men baa nyiŋi kananɛ n daŋ kaŋɛ menyi na fanɛ: ‘Kenya maŋ chɔ mo nyɛnpe’. Nɛ durnya ere to ebi baŋ tɔrɔ ma, kumo ere baaŋ tɔrɔ menyi alɛ gba. Nɛ b baŋ ta ma mmalga n wɔtɔ bumo be ŋgbene to, baaŋ ta menyi alɛ gba peya n wɔtɔ bumo be ŋgbene to.

Ditɛronɔmi 11:28

ama nɛ fanɛ menyi maa wora mbe mbraana ere kasonu nseŋ ya kaa shuŋ agbirana nɛ men maŋ naŋ shuŋ ŋ ku so bre, kɔnɔsho beeŋ ba menyi so.

Kelaraŋŋini 1:3

Nɛfa la ekama nɛ e bee kraŋ abɔrɛsheŋ be kewuŋkaŋɛ be mmalga ere nɛ bekama nɛ baa nu amo nsaa ta asɔ nɛ n sibɛ n wɔtɔ amo to a wɔtɔ bumo be ŋgbene to na peya nna, ŋkpal manɛ so, amo be saŋɛ na bee taga to.

Kelaraŋŋini 22:9

nɛ e kaŋɛ ma le: “A maŋ daga fanɛ fo wora loŋ. Ma alɛ gba la fo nɛ fo niopibiana anebiana nɛ bumo nɛ baa ta kawɔl ere to be mmalga a wɔtɔ bumo be ŋgbene to na bumo barkasa kenya nna. Ebɔrɛ e daga fanɛ fo baa maŋ mo so.”