Aŋasa 6:6 - EBƆRƐ BE KAWƆL

⁶ Betɔlpo, men keni kananɛ atutulombi bee wora asheŋ so, ŋ koya kebaawɔtɔ.

Aŋasa 6:6 ပူးပေါင်းရင်းမြစ်များ

Aŋasa 1:17

Kebaa sho kabuibi kejigbelɛ nɛ e jɔŋ a keni fo la asheŋ fuloŋ nna!

Aŋasa 10:26

Sa maŋ shin nɛ etɔlpo e wora shɛŋ n sa fo, mbe asheŋ wora so kikɛ du nna fanɛ fo ka ji dorobi nɛ anyi bee nyiri fo; ŋko edishi ka luri fo anishito nna.

Aŋasa 10:4

Ntɔl bee bar esa ketir nna, ama kepere kenishi n shuŋ bre bee shin nɛ esa bee dii dama nna.

Aŋasa 13:4

Etɔlpo bee yɛlga kusɔ gba, jiga nna, e maaŋ tiŋ n nya kumo, ama esa kama nɛ e bee pere kenishi a shuŋ bre beeŋ tiŋ n nya kusɔ kama nɛ e bee sha.

Aŋasa 15:19

Etɔlpo be ekpa to e kɔ ewi, ama esa nɛ e bee wora alela bre be ekpa to du fanɛ kegbembi nna.

Aŋasa 18:9

Etɔlpo nɛ esa nɛ e bee jija asɔ kikɛ la kukoŋwule nna.

Aŋasa 19:15

Nɛ fo kɔ ntɔl nsaa dese a di, akoŋ e naa mɔ fo.

Aŋasa 19:24

Ajibi be keku n ji gba du betɔlpo ko so kpakpa nna.

Aŋasa 20:4

Edɔpo tɔlpo nɛ e maa dɔ saŋɛ nɛ k daga maa nya adɔjibi.

Aŋasa 21:25

Etɔlpo nɛ e maa sha kushuŋ, be asɔ shaso bee yɛr mo luwu to nna,

Aŋasa 22:13

Etɔlpo e naa kaŋɛ fanɛ buluŋ wɔ kowushina, amoso e maaŋ lar kowu nɛ buluŋ na e pɛ mo.

Aŋasa 23:19

M pibi, nu nfe, ta kanyiasheŋ a bɛ ekpa niŋiso so.

Aŋasa 30:24

Asɔ fimfimbi ana e wɔ kasawule so a kɔ kanyiasheŋ ga.

Aŋasa 30:25

Atutulombi maŋ kɔ eleŋ ama amo alɛ bee fin amo be ajibi a yili dɔchubɔrɛ so nna.

Aŋasa 6:9

Etɔlpo, nuso be ewushi nɛ fee sha nɛ fo wushi? Saŋɛ mo nɛ feeŋ tiŋi edi to ŋ koso n shuŋ?

Aizaaya 1:3

Ana nɛ ekurma nyi basa nɛ b wɔ bumo nsaa bela bumo. Ama ma basa, Israɛlebi, bre maŋ nyi ma. B maa pin asheŋ to gba kuraa.”

Jɛremaya 8:7

Etɔkɔrkɔ nyi jemanɛ nɛ a daga e bɛta m ba nɛ elepɔ nɛ abɔrɛpɔpɔbi nɛ etitibi gba nyi jemanɛ ka chɛrga nɛ a daga e naŋ yɔ efuli pɔtɛ so. Ama menyi, nɛ men la ma basa na, maŋ nyi mbra nɛ ŋ kɔ a keni menyi so.

Matiu 25:26

Ndoŋ, nna nɛ mo nyɛnpe na kaŋɛ mo le: ‘Kenya lubi tɔlpo ere, fo kaŋɛ fo nyi ŋ ka bee teŋi asɔ kakpa nɛ m maŋ duu nsaa tise asɔ kakpa nɛ m maŋ chela amo ŋko?

Matiu 6:26

Men keni mbuibi ka wɔ esoso a firgi na, b maa duu shɛŋ, bumo alɛ maa teŋi shɛŋ ŋko a chala asɔ a wɔtɔ mpuro to, ŋkeshin nɛ men Tuto nɛ e wɔ ebɔrɛso na malɛ bee sa bumo asɔ jiso. Men keni, men maŋ bɔ bumo a?

Romebi 12:11

Men baa shuŋ ga nsaa maa wora ntɔl. Men baa bugi menyi be ŋgbene kikɛ to a shuŋ Enyɛnpe kashenteŋto.

Hibruwebi 6:12

Anyi maa sha fanɛ men ki betɔlpo, ama anyee sha fanɛ men baa kute bumo nɛ b ta yirda nɛ kanyiti n nya kusɔ nɛ Ebɔrɛ nase kɔnɔ ŋ kaŋɛ fanɛ e beeŋ sa na to.