Aŋasa 6:32 - EBƆRƐ BE KAWƆL

³² Enyɛn kama nɛ e bee sha mo braana be beche maŋ kɔ nfɛra nna na. Mo alɛ gbagba be kumu nɛ e baa jija na.

Aŋasa 6:32 ပူးပေါင်းရင်းမြစ်များ

Jɛnesis 41:39

Kumo be kaman nɛ Fɛɛro kaŋɛ Josɛf: “Ebɔrɛ ka baŋ lara le be asheŋ ere kikɛ ŋ ŋini fo ere, esa kama maŋ naa wɔtɔ a pin asheŋ to nsaa nyi asheŋ fanɛ fo.”

Ɛksodɔs 20:14

Men sa maa ji kesakalea ŋko a di men braana be beche ŋko bumo kulana.

Aŋasa 10:13

Esa be mmalga e naa ŋini fanɛ e la enyiashempo, ama ewulpo bre daga kasogberge nna.

Aŋasa 10:21

Esa lela be mmalga kɔ tɔnɔ nna n sa basa damta, ama kawuli beeŋ tiŋ m mɔ fo.

Aŋasa 11:12

Ewulpo e naa ji beko be asheŋ, enyiashempo bre bee loto nna.

Aŋasa 12:11

Bedɔpo nɛ b pere kenishi a shuŋ maaŋ paŋ kusɔ jiso kikɛ, ewulpo e naa jija saŋɛ a bɛ asheŋ fuloŋ so.

Aŋasa 2:2

Baa bugi asoe a koya kanyiasheŋ nsaa pin asheŋ to.

Aŋasa 24:30

Ŋ ka bɔla ewulpo tɔlpo be ndɔ nɛ mbe ndibi sɔrso be dɔkar,

Aŋasa 6:33

Kebri nɛ ŋaba e naa jo loŋ be esa. Mo alɛ nɛ anishinyɔr e naa baa la saŋkikɛ.

Aŋasa 7:7

n wu mbrantiɛbia damta nɛ b maa pin asheŋ to manaŋ manaŋ, nseŋ keni bumo to n wu ewulpo ko.

Aŋasa 8:36

Bekama nɛ b maŋ nya ma bre bee tɔrɔ bumo be amu nna. Ekama nɛ e kishi ma bee sha luwu nna na.”

Aŋasa 9:4

“Menyi nɛ men maa pin asheŋ to manaŋ manaŋ na e luri m ba.” Nseŋ kaŋɛ bewulpo malɛ le:

Jɛremaya 5:21

Men nu nfe! Menyi basa wulpo nɛ men maŋ nyi asheŋ ere! Manɛ so nɛ menyi maa nu ma mmalga a bɛ amo so? Manɛ so nɛ menyi maa pin to fanɛ

Jɛremaya 5:8

Bumo nɛ asɔbɔya maŋ kɔr abar to. Ŋkpal manɛ so, b daa sha kebaadi bumo braana be eche jemanɛ kikɛ nna.

Ezikɛl 18:31

Men lar men be asheŋ lubi na to nseŋ fara a fɛ asheŋ lela be kewora be asheŋ menyi be ŋgbene to. Menyi alɛ e baa ji kashenteŋ a sa ma. Men sa maŋ shin nɛ menyi be alubi e mɔ menyi.

Hoziya 13:9

Ŋkpal menyi Israɛl be basa ka bee kɔ ma, nɛ n la men be echɛtopo na so nɛ men mur na.

Hibruwebi 13:4

A daga fanɛ ekama e baa bunyaŋ kakil nsaa maŋ ta eyurpi a wɔ kakil to, ŋkpal manɛ so, Ebɔrɛ beeŋ gberge bekama nɛ b kɔ kesakalea nɛ bekama nɛ b wɔtɔ a kɔ kusɔjigaya be kebaawɔtɔ kusoe.