Aŋasa 6:16 - EBƆRƐ BE KAWƆL

¹⁶ Asɔ ashunu nɛ Enyɛnpe Ebɔrɛ kishi ga na nde:

Aŋasa 6:16 ပူးပေါင်းရင်းမြစ်များ

2 Bewura 21:16

Ewura Manase daŋ mɔ basa damta nɛ b maŋ wora shɛŋ nna nɛ bumo be ŋklaŋ teŋi n sɔ Jerusalɛm be kubɔrbi so kikɛ. Ade kikɛ be kaman nɛ e naŋ shin nɛ Juda be efuli so be basa gba luri kagbirshuŋ to nseŋ wora kulubi ŋ gbiti Enyɛnpe Ebɔrɛ na.

Job be kawɔl 5:19

Saŋɛ kikɛ Ebɔrɛ beeŋ baa lara fo ashi etɔrɔ damta nɛ a bee bar fo kagbenejija ga ere kikɛ to.

Nshɛ 11:5

Enyɛnpe Ebɔrɛ na bee wora basa lela nna a keni. Ama e kishi kumu kpakpasowuraana nɛ baa sha alubi be kebaawora nsaa maa wu kuwɔr na nna.

Nshɛ 5:7

Ama ŋkpal fo kuwɔrwu ka shi so, meeŋ tiŋ m ba fo bɔrɛlambu to; m ba gbir bunyanso, m maŋkura fo.

Aŋasa 11:1

Enyɛnpe Ebɔrɛ kishi kapuni be kasɔkarga ga. Kasɔkarga nɛ k bɔla ekpa e naa fuli mbe kagbene.

Aŋasa 11:20

Enyɛnpe Ebɔrɛ kishi nfɛra lubiwura ga, ama e bee sha bekama nɛ baa wora asheŋ lela bre ga.

Aŋasa 12:22

Enyɛnpe Ebɔrɛ kishi befɛpo be asheŋ ga, ama mbe kagbene bee fuli bekama nɛ baa ji kashenteŋ so nna.

Aŋasa 17:15

Enyɛnpe Ebɔrɛ kishi bumo nɛ baa malga a kuŋ belubiworapo, nɛ bumo nɛ baa ku asheŋ a deŋi basa nɛ b maŋ wora kulubi na ga.

Aŋasa 20:10

Enyɛnpe Ebɔrɛ kishi kapuni be kasɔkarga nɛ kapuni be asɔ karga asɔ ga.

Aŋasa 20:23

Enyɛnpe Ebɔrɛ kishi basa nɛ baa ta kapuni be asɔ karga asɔ a ber asɔ ga.

Aŋasa 21:4

Ŋkpensheŋ nɛ kamoowu la alubi be asɔrso nna, nɛ belubiworapo bee sha amo ga.

Aŋasa 3:32

Ŋkpal manɛ so, Enyɛnpe Ebɔrɛ na kishi basa nɛ baa wora alubi be asheŋ ga, ama e yirda basa nɛ bumo be aworbi niŋi na bre nna.

Aŋasa 30:18

Asɔ ana e naa wul ma nfɛra to a shin nɛ maa pin asheŋ to.

Aŋasa 30:21

Asɔ ana nɛ kasawule maa tiŋ a nyiti nsaa kpal amoso a gbuŋgbuŋ to.

Aŋasa 30:24

Asɔ fimfimbi ana e wɔ kasawule so a kɔ kanyiasheŋ ga.

Aŋasa 30:29

Asɔ ana e naa wora asheŋ fanɛ bewura, nsaa tia awurya.

Aŋasa 6:15

Ŋkpal loŋ so tɔrɔ nɛ k bee yɛr basa kemur to na, beeŋ tɔr bumo so m mur bumo saŋɛ nɛ b maa tama kumo na.

Aŋasa 6:17

Kamoowu nɛ kudonduloŋ fɛpo nɛ enɔ nɛ k bee mɔ basa nɛ b maŋ wora n da so,

Aŋasa 8:13

Enyɛnpe Ebɔrɛ be kesa bunyaŋ e la alubi be kekishi. Kamoowu nɛ ŋkpensheŋ, nɛ asheŋ lubi nɛ efɛ be mmalga maa par Ebɔrɛ kikɛ.

Jɛremaya 26:15

Ama men baa nyi fanɛ, nɛ men mɔ ma menyi nɛ basa nɛ b wɔ kadegboŋ ere to kikɛ beeŋ tɔr ntaŋ ŋkpal men ka mɔ esa nɛ e maŋ wora shɛŋ so. Ŋkpal manɛ so, Enyɛnpe Ebɔrɛ na e shuŋi ma fanɛ m ba kpele menyi kusoe.”

Eemɔs 1:11

Enyɛnpe Ebɔrɛ yɛ: “Edɔm be basa wora alubi n ya baŋ so. Amoso abaanaaworashɛŋ meeŋ gberge bumo kusoe. B ju m buu bumo kurgepoana Israɛlebi so n ya mɔ bumo. B daŋ maŋ wu bumo kuwɔr ŋkpal bumo be asheŋ ka daa pɛ bumo agbo nɛ b nya agbo n wɔtɔ bumo ga so.

Eemɔs 1:3

Enyɛnpe Ebɔrɛ na yɛ: “Damaskɔs be basa wora alubi n ya baŋ so. Amoso a ba naa wora shɛŋ, meeŋ gberge bumo kusoe ŋkpal b ka kɔrfɛ Giliad be basa fanɛ kananɛ gbaŋɛ bee gberge ŋgbuliŋ nyɛrɛnyɛrɛ a bri ayu na so.

Eemɔs 1:6

Enyɛnpe Ebɔrɛ yɛ: “Gaaza be basa wora alubi n ya baŋ so. Amoso a ba naa wora shɛŋ, meeŋ gberge bumo kusoe ŋkpal b ka ta efuli lelemu be basa ŋ ki anya n ya fa n sa Edɔmebi so.

Eemɔs 1:9

Enyɛnpe Ebɔrɛ yɛ: “Tayɛ be basa wora alubi n ya baŋ so, amoso a ba naa wora shɛŋ, meeŋ gberge bumo kusoe. M maaŋ yige bumo kikɛ. B kplaŋ bumo be keteri be kɔnɔkoŋwule nɛ b nase n sa abar na be ŋkre so, nseŋ pɛ efuli lelemu be basa n yɔ Edɔm be kasawule so n ya fa.

Eemɔs 2:1

Enyɛnpe Ebɔrɛ yɛ: “Mowab be basa be alubi damta so, meeŋ gberge bumo kusoe. B daa maŋ keni Edɔm be ewura be awibi m bɔlɔ kenishi nseŋ chɔɔ amo nɛ a ki nsunɔ.

Eemɔs 2:4

Enyɛnpe Ebɔrɛ yɛ: “Juda be basa wora alubi n ya baŋ so, amoso abaanaaworashɛŋ meeŋ gberge bumo kusoe. B kplaŋ ma keŋini so nseŋ kini kebɛ ma mbra malɛ so. Agbir koŋwule nɛ bumo nananyɛnana daa shuŋ na e fule bumo nɛ b foe ekpa.

Eemɔs 2:6

Enyɛnpe Ebɔrɛ yɛ: “Israɛl be basa wora alubi n ya baŋ so, amoso abaanaaworashɛŋ meeŋ gberge bumo kusoe. Baa fa beshenteŋjipo a sɔ amansherbi nna, nsaa fa betirpo malɛ asɛbta katuŋ koŋwuleso be yawu.

Zakareya 8:17

Men sa maa kre kebaawora abar kulubi. Men sa maa bɔ ntaŋ a ji efɛ be eshɛda. Ŋ kishi le be alubiana ere kikɛ nna.”

Ditɛronɔmi 23:18

Kumo be kaman, ekama nɛ e wora loŋ n nya amansherbi e sa maŋ ta amo m ba Enyɛnpe Ebɔrɛ na kutɔ nɛ e ba tia kɔnɔ naseso kikɛ. Ŋkpal manɛ so, Enyɛnpe Ebɔrɛ na kishi agbirlambu to be esakale ga.

Ditɛronɔmi 24:4

eche na maaŋ naŋ tiŋ m bɛta n ya kil mo kul dra na kikɛ, ŋkpal e ka tiŋ n tu enyɛn nyɔsopo na n di so. Bumo be kenaŋ kil abar beeŋ jija kasawule nɛ Enyɛnpe menyi be Ebɔrɛ na ta a sa menyi na. Ŋkpal manɛ so, Enyɛnpe Ebɔrɛ na kishi loŋ nna.

Ditɛronɔmi 25:16

Ŋkpal manɛ so, Enyɛnpe Ebɔrɛ na kishi basa nɛ baa puni nsaa maa ji kashenteŋ nna.

Kelaraŋŋini 21:27

Eyurpi be kusɔ kikɛ maaŋ luri ndoŋ kikɛ. Esa kama malɛ gba nɛ e bee wora anishinyɔrsheŋ ŋko a fule, e maaŋ luri ndoŋ kikɛ. Bumo nɛ b sibɛ bumo be atre n wɔtɔ Kpakpafɔlbi na be ŋkpa be kawɔl na to na nawule e naaŋ luri ndoŋ.