Aŋasa 6:14 - EBƆRƐ BE KAWƆL

¹⁴ Baa wora loŋ nna nsaa kɔ nfɛra lubi a kre asheŋ a bar kebagato basa to kaplɛkama.

Aŋasa 6:14 ပူးပေါင်းရင်းမြစ်များ

Nshɛ 140:2

Ŋkre lubi e wɔ bumo be ŋgbene to, nɛ baa bar kebagato karechɛ kikɛ.

Nshɛ 140:3

Bumo be nnɔ to be mmalga du fanɛ awɔ lubi be kubɔr ashi esa be eyur to nna.

Nshɛ 36:4

B dese bumo be edesekpa gba alubi be kewora be ŋkre nɛ baa kre. B maa wora asheŋ lela kikɛ. Kulubi kama malɛ maa choŋ bumo so.

Aŋasa 14:22

Bumo nɛ baa kre asheŋ lubi beeŋ foe, ama bumo nɛ baa kre alelasheŋ beeŋ nya basa be kasha nɛ yirda.

Aŋasa 16:27

Belubiworapo e naa kre alubisheŋ, nɛ bumo be m malga malɛ du fanɛ ajanwulɛ a chɔɔ basa.

Aŋasa 17:20

Esa kama nɛ e maa ji kashenteŋ maaŋ yɔ anishito kikɛ. Efɛ bee bar esa tɔrɔ nna.

Aŋasa 2:14

Bumo, nɛ alubi be kewora bee wora ebel nɛ bumo be ŋgbene bee fuli alubi so na.

Aŋasa 21:8

Basa nɛ bumo be nfɛra bee ji a biri bumo kikɛ be asheŋ woraso maa niŋi, ama basa nɛ b maa wora a foe bre be asheŋ kikɛ niŋi nna.

Aŋasa 22:8

Bekama nɛ baa duu alubi beeŋ nya amo be tɔnɔ. Bumo be agbo lubi e naŋ yɛr bumo kemur to.

Aŋasa 24:8

Esa nɛ e bee kre alubisheŋ nɛ baa tre alubiworapo.

Aŋasa 3:29

Sa maa kre fo kurgepo nɛ e yirda fo ŋkre lubi.

Aŋasa 3:32

Ŋkpal manɛ so, Enyɛnpe Ebɔrɛ na kishi basa nɛ baa wora alubi be asheŋ ga, ama e yirda basa nɛ bumo be aworbi niŋi na bre nna.

Aizaaya 32:7

Esa nɛ e maa ji kashenteŋ la esa lubi nna nsaa wora asheŋ lubi nawule. E bee kre kebɔla efɛ so nna m mur betirpo nseŋ kuŋ bumo ekpa nɛ b sa maŋ nya kusɔ nɛ k daga bumo.

Aizaaya 57:20

Basa lubi bre du fanɛ teku nɛ k bee baga to a kaa ketili a lara eyurpi a deŋi kedeŋi so jemanɛ kikɛ na nna.

Ezikɛl 11:2

Ndoŋ nna nɛ Enyɛnpe Ebɔrɛ na kaŋɛ ma le: “Dimɛdi pibi, Ezikɛl, basa ere bee kre kulubi nsaa sa Jerusalɛm to be basa kasotoji lubi nna na.

Hoziya 8:7

Men baŋ maŋ du ayu nseŋ du afu, kawuliwuli nɛ menyeeŋ teŋi. Ayu baaŋ maŋ bel a maaŋ tiŋ n wul kude. Nɛ men baŋ teŋi ayu gba, bedoŋ beeŋ ba sɔ amo ŋ ka menyi.

Maika 2:1

Asheŋ maaŋ nyalɛ n sa bekama nɛ baa dese bumo be edesekpa a kre asheŋ lubi be kewora be ŋkre na. Kanyɛso nɛ baa kaa kre loŋ be asheŋ na, nɛ kare e chɛ nɛ b wora amo ŋkpal b ka kɔ eleŋ so.

Romebi 16:17

Ŋ kurgepoana, mee fiɛ menyi so nna fanɛ men baa de basa nɛ baa shin nɛ kebarga to bee ba basa to nseŋ naa lar keŋini nɛ men daŋ nya na be kaman a wɔtɔ a bar asheŋ ko m ba kaa kagle basa yirda be ekpa na so. Amoso, men baa gelge bumo.