Aŋasa 5:16 - EBƆRƐ BE KAWƆL

¹⁶ Mbia nɛ fo nɛ bejipoche beeŋ kurge na, maaŋ lar tɔnɔ n sa fo.

Aŋasa 5:16 ပူးပေါင်းရင်းမြစ်များ

Jɛnesis 24:60

Le be mmalga nɛ b daŋ ta ŋ kela mo. B yɛ: “Esipoche, Ebɔrɛ e nɛfa fo n shin nɛ fo mbia e wora keshi n fo ŋgboŋto ŋgboŋto nɛ fo kanaŋ to ebi kikɛ e pɔɔ bumo doŋana so n sɔ bumo be mboŋ a wɔtɔ.”

Nshɛ 127:3

Enyɛnpe Ebɔrɛ na e naa sa basa mbia, nɛ mbia na e baa la nɛfa n sa bumo.

Nshɛ 128:3

Mbe eche beeŋ baa du fanɛ kedibisɔrso nɛ k bee sɔr ga ashi mbe laŋ to. Mbe mbia malɛ beeŋ baa du fanɛ ɔlif be ndibi popɔrbi m bɔlɔ laŋ.

Nshɛ 68:26

Le nɛ baa ponte a kaŋɛ: “Men fur Enyɛnpe Ebɔrɛ ashi mbe basa Israɛlebi be nshɛr to.”

Aŋasa 5:15

Amoso shin nɛ fo laŋ to be ajibi e baa kukwe fo.

Aŋasa 5:17

Shin nɛ fo gbagba be mbia e daŋ n chɛ fo to, mannɛ basa pɔtɛ be mbia.

Aŋasa 5:18

Amoso shin nɛ fo kagbene e baa fuli fo kebiato be eche so. Shin nɛ mbe asheŋ e baa par fo.

Aŋasa 9:17

“Keyuri nchu wɔ ebel, ama ajibi nɛ fo ŋana n ji e wɔ ebel a chɔ amo”

Sɔlɔmɔn 4:12

N sipoche nɛ ŋ jipo, fo du fanɛ kudɔbi nɛ b pɔr egbal ŋ kulti nna ŋko kebuye nɛ b ti so n yili n na.

Sɔlɔmɔn 4:15

Fo du fanɛ kebuye nna ashi kudɔbi to, kakpa nɛ nchu lela bee bul na; ŋko kabombi nɛ k shi Lebanɔn be kebeegboŋ na so m ba shin nɛ kakpa wushi na nna.

Aizaaya 48:21

E juŋkpar anyi m bɔla keshishɛrsawule so nseŋ shin nɛ kefalta pante n lar nchu nɛ an nuu n tuge achukoŋ.

Ditɛronɔmi 33:28

Amoso kayurwushi to nɛ Jeekɔb be kaman to ebi kikɛ wɔ. B maa ŋana shɛŋ ashi kasawule nɛ k kɔ ayu nɛ yabra ga na so; kakpa nɛ bunyaŋ gba bee wushi kasawule na.

Demujipoana 12:9

E daa kɔ bibinyɛn adesa nɛ bibiche adesa nna. E daa maŋ shin nɛ mbe mbia na be ekama kil mbe kabuna be esa kama. E daŋ ya bar mbuna pɔtɛ be beche nna m ba sa mbe mbinyɛnso na nɛ b ta a kil nseŋ shin nɛ mbe mbicheso na malɛ kil mbuna pɔtɛ be benyɛn. Nfɛ ashunu nɛ Ibzan daŋ juŋkpar Israɛlebi.