Aŋasa 4:4 - EBƆRƐ BE KAWƆL

⁴ n tuto daa ŋini ma asheŋ nna a kaŋɛ ma le: “Baa nyiŋi asɔ nɛ mee kaŋɛ na, nsaa maa teŋ amo so. Baa bɛ asɔ nɛ mee kaŋɛ fo na so nseŋ nya ŋkpa tenteŋ.

Aŋasa 4:4 ပူးပေါင်းရင်းမြစ်များ

Jɛnesis 18:19

N lara mo nna, nɛ e shin nɛ mbe mbia nɛ basa nɛ b wɔ mbe laŋ to kikɛ e wora kasonu n sa ma nsaa wora kusɔ nɛ k niŋi nɛ kusɔ nɛ k daga. Nɛ b wora loŋ, ma alɛ beeŋ wora kusɔ kama nɛ n nase kɔnɔ fanɛ meeŋ wora n sa mo ere Eebraham na.”

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

Nshɛ 119:11

N ta fo mbra nna n wɔtɔ ma kagbene to, saŋɛ na so m maaŋ wora kulubi ŋ gbiti fo.

Nshɛ 119:144

Fo mbraana niŋi nna jemanɛ kikɛ, amoso chɛ ma to nɛ m pin amo to nsaa wɔ ŋkpa to.

Nshɛ 119:168

Mee wora fo kanase nɛ keŋini kasonu nna; fo alɛ bee wu kusɔ nɛ mee wora kikɛ.

Aŋasa 22:6

Ŋini kebia ekpa nɛ k daga fanɛ e bɔla so, saŋɛ na so, e kaŋ daŋ e maaŋ kpele ashi kumo so.

Aŋasa 23:26

M pibi baa kaŋ kusoe a nu ma mmalga, nsaa wora ma asheŋ woraso.

Aŋasa 3:1

M pibinyɛn, sa maŋ kaŋ teŋ asɔ nɛ mee ŋini fo na so. Baa nyiŋi asɔ nɛ mee kaŋɛ fo fanɛ fo baa wora na saŋkikɛ.

Aŋasa 3:2

Asɔ nɛ mee ŋini fo na beeŋ sa fo ŋkpa tenteŋ, nɛ nɛfa.

Aŋasa 7:2

Baa wora asɔ nɛ ŋ kaŋɛ na nseŋ ji efute tenteŋ; Baa de so, nsaa bɛ ma keŋini na so fanɛ kananɛ esa bee kuŋ kusɔ nɛ e bee sha ga na.

Aizaaya 55:3

Ma basa, men nu n sa ma nseŋ ba ma kutɔ. Men ba ma kutɔ nseŋ nya ŋkpa! Ma nɛ menyi beeŋ kre kɔnɔkoŋwule be ŋkre nɛ k wɔtɔ mbaanaayɔ, saŋɛ na so meeŋ sa menyi enɛfa nɛ n nase amo be kɔnɔ n sa Ewura Deevid na.

Jɛremaya 38:20

Ndoŋ nna nɛ ŋ kaŋɛ mo le: “B maaŋ ta fo n sa bumo. Mee kule fo nna nɛ fo wora Enyɛnpe Ebɔrɛ na kasonu, saŋɛ na so asheŋ beeŋ nite nɛnɛ nɛ fo alɛ e nya fo ŋkpa.

Baru lela nɛ Jɔn kute na 12:50

N nyi mbe kamalga naseso ka bee bar ŋkpa nɛ k maŋ kɔ ekar na, amoso, kusɔ kama nɛ m malga baa la kusɔ nɛ Etuto na kaŋɛ fanɛ ŋ kaŋɛ nna.”

Ɛfesesebi 6:4

Betutoana, menyi alɛ gba e sa maa lute bumo nnɔ a wɔtɔ bumo agbo to. Kusɔ nɛ k daga fanɛ men baa wora e la fanɛ men baa ta Enyɛnpe be keŋini nɛ keniŋi ekpa a keni bumo so nɛ b baa daŋ.

Ditɛronɔmi 4:9

Amoso, men baa da so nɛ menyi maaŋ teŋ asheŋ nɛ men wu Ebɔrɛ ka wora n sa menyi ere so. Men baa nyiŋi menyi be amu nsaa kaŋɛ menyi be mbia nɛ benanabiana amo be asheŋ.

Ditɛronɔmi 6:6

Men sa maŋ kaŋ teŋ mbraana nɛ n ta a sa menyi kabre ere so kikɛ.

2 Timoti 1:5

Mee kaa nyiŋi kagbene koŋwuleso be yirda nɛ fo kɔ. Yirda koŋwule nɛ fo nanache Lowis nɛ fo nio Yunis daa kɔ na gbagba chap nɛ m baa nyi fanɛ fo alɛ gba kɔ na.

2 Timoti 3:15

Baa nyiŋi kananɛ fo kebiato kikɛ nɛ fo pin abɔrɛsibɛ cheembi nɛ a beeŋ tiŋ n sa fo kanyiasheŋ nɛ k beeŋ tiŋ n shin nɛ fo bɔla keyirda Kristo Yesu so n nya kumɔlga na.

Hibruwebi 5:9

Ebɔrɛ malɛ ka baŋ shin nɛ e ki cheembi n loge so, mo so nɛ ekama nɛ e bee nu a sa mo beeŋ bɔla n nya kumɔlga nɛ k maŋ kɔ ekar na.

Demujipoana 13:12

Ndoŋ nna Manoa naŋ bishi mo: “Nɛ fo kusɔ nɛ fo kaŋɛ na kaŋ wora kashenteŋ, manɛ nɛ kebia na beeŋ ba kaa wora? Nuso be kebaawɔtɔ nɛ e beeŋ ba kaa kɔ?”