Aŋasa 4:26 - EBƆRƐ BE KAWƆL

²⁶ Baa chena a fɛ asheŋ nɛnɛ, nsaa kre kusɔ kama nɛ fee sha kewora be asheŋ nɛnɛ pɔɛŋ nsaa wora kumo. Aloŋ nɛ kusɔ kama nɛ fee wora beeŋ nite nɛnɛ.

Aŋasa 4:26 ပူးပေါင်းရင်းမြစ်များ

Nshɛ 119:5

Ekpa kikɛ so, n daa sha ketiŋ m bɛ fo mbraana so kashenteŋto nna!

Nshɛ 119:59

Ŋ keni ŋ gbagba be asheŋ woraso to nɛnɛ nseŋ nase kɔnɔ fanɛ meeŋ bɛ fo mbraana so.

Nshɛ 37:23

Nɛ esa be asheŋ woraso baa fuli Enyɛnpe Ebɔrɛ na be kagbene; e bee ŋini mo kananɛ e beeŋ baa tia mbe aya nna.

Nshɛ 40:2

K du fanɛ n daŋ tɔr kemaŋ chiŋgeliŋ nɛ depɔ bɔlɔ kumo to nna, nɛ e gberge ma n lara ashi kumo to. Nseŋ ta ma n yili kefalta so; kakpa nɛ m maaŋ naŋ nia.

Aŋasa 15:21

Kawulisheŋ bee fuli ewulpo kagbene nna, ama enyiashempo bre bee wora asheŋ niŋiso nna.

Aŋasa 21:29

Kenyɛn nɛ belubiworapo kɔ a wora asheŋ, ama basa nɛ baa wora asheŋ niŋiso bre bee fɛ nfɛra nna pɔɛŋ nsaa wora asheŋ.

Aŋasa 23:19

M pibi, nu nfe, ta kanyiasheŋ a bɛ ekpa niŋiso so.

Aŋasa 4:25

Baa keni tenini nseŋ ta kashenteŋji nɛ kebaa teŋ a wora be kebaawɔtɔ a yɔ anishito. Sa maŋ kaŋ shin nɛ anishinyɔr e ji fo nɛ fo kurgi fo kumu n yuu to kikɛ.

Aŋasa 5:21

Enyɛnpe Ebɔrɛ na bee wu kusɔ kama nɛ fee wora. Kaplɛkama nɛ fee yɔ e bee wu fo.

Aŋasa 5:6

E maŋ bɔ ekpa nɛ k bee yɔ ŋkpa to na, ama mo alɛ maŋ nyi kumo be loŋ, ŋkpal manɛ so e maŋ kɔ epe.

Ezikɛl 18:28

Ŋkpal b ka fɛ bumo be asheŋ wora so na be asheŋ nseŋ yige asheŋ lubi na be kewora so nɛ baaŋ ji efute.

Heegai 1:5

Menyi maŋ wu kusɔ nɛ k bee wora menyi na nna a?

Heegai 1:7

Kusɔ nɛ Enyɛnpetale Ebɔrɛ na yɛ nde: “Menyi maŋ wu kusɔ nɛ k ba nɛ le wora a?”

Ɛfesesebi 5:15

Amoso, men baa de men be kebaawɔtɔ so nɛnɛ fanɛ benyiashempo, mannɛ fanɛ bewulpo.

Ɛfesesebi 5:17

Amoso, men sa maa la bewulpo. Men baa wora ania a pin kusɔ nɛ Enyɛnpe bee sha fanɛ an baa wora.

1 Tɛsalɔnikaebi 3:13

Loŋ nɛ e beeŋ shin nɛ yirda kpakpaso e baa wɔ men be ŋgbene to nɛ men maaŋ baa kɔ kulubi kikɛ, ama menyeeŋ baa du cheembi ashi an be Ebɔrɛ Etuto na be anishito saŋɛ nɛ an Nyɛnpe Yesu Kristo nɛ bumo nɛ b la mo peya na kikɛ beeŋ ba na.

2 Tɛsalɔnikaebi 3:3

Ama Enyɛnpe bre maa chɛrga mbe asheŋ to kikɛ. E beeŋ sa menyi eleŋ nseŋ pete menyi ashi kulubi to.

Hibruwebi 12:13

Men lɔŋɛ ekpa niŋiso nɛ menyee bɔla so na, saŋɛ na so, menyi to be bumo nɛ b maŋ kɔ eleŋ na maaŋ foe ekpa, ama baaŋ baa kɔ eleŋ.

1 Pita 5:10

Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.