Aŋasa 4:19 - EBƆRƐ BE KAWƆL

¹⁹ Ama belubiworapo bre be ekpa biri to nna fanɛ tentembiri plɔ. Baa fiti a tɔr, ama b maa wu asɔ nɛ baa fiti na.

Aŋasa 4:19 ပူးပေါင်းရင်းမြစ်များ

Job be kawɔl 12:25

Bewuraana na bee la tentembiri to nna a nite a jante fanɛ b ka nuu nsa m boo na.”

Job be kawɔl 18:18

B lar basa keniso be kasawule so nna na, nɛ k wora fanɛ b ka lar kefulto to n ya luri tentembiri to na.

Job be kawɔl 5:14

Hale kapiidi gba baa nite nna a la a la a fin ekpa fanɛ b ka na tentembiri to na.

Nshɛ 82:5

Menyi be ekama maŋ nyi shɛŋ ŋko a pin asheŋ to! Tentembiri to nɛ men wɔ a nite a kulti; saŋɛ so nɛ durnya kikɛ be gbaltɔlase bee gbuŋgbuŋ.

Aŋasa 2:13

Loŋ be basa e kini kebaawɔtɔ niŋiso nsaa wɔ tentembiri be alubi be kebaawɔtɔ to na.

Aŋasa 22:5

Ewi nɛ ajigbelɛ e wɔ belubiworapo be ekpa to, ama esa nɛ e bee kuŋ mbe kumu bre bee gelge amo nna.

Jɛremaya 13:16

Men baa maŋkura Enyɛnpe menyi be Ebɔrɛ na; saŋɛ na so e maaŋ shin nɛ tentembiri e ba menyi so nɛ men baa nite a fiti a tɔr abee so. Men baa maŋkura mo, saŋɛ na so e maaŋ shin nɛ kefulto nɛ menyee tama na e ki tentembiri mina n sa menyi.

Jɛremaya 23:12

Amoso, meeŋ shin nɛ kebaawɔtɔ e ki kpakpa ga n sa bumo; nɛ k wora fanɛ b ka bee nite tentembiri to ashi ekpa fɛrgeso to nsaa fɛrge a tɔr na. Bumo be kasogberge be saŋɛ kaŋ fo, meeŋ shin nɛ b ji jɛrbi damta ga. Ma, Enyɛnpe Ebɔrɛ e kaŋɛ na.

Matiu 15:14

Men kplaŋ bumo so. B la betanpo nna a juŋkpar betanpo. Nɛ tanpo malɛ keta mo barkasa tanpo kekpabi, bumo benyɔ na kikɛ beeŋ tɔr kemaŋ to.”

Matiu 7:23

Ama le nɛ meeŋ kaŋɛ bumo: ‘Alubiworapoana ere, men shile ma so. Ma ere maŋ nyi menyi.’

Baru lela nɛ Jɔn kute na 11:10

E baa nite kanyɛso nɛ e beeŋ baa fiti, ŋkpal manɛ so, e maŋ kɔ kefulto.”

Baru lela nɛ Jɔn kute na 12:35

Nɛ Yesu kaŋɛ bumo: “Kefulto na maaŋ naŋ chɛr menyi kutɔ. Amoso, men ka kraa kɔ kumo menyi to ere bre, men baa na kumo to, saŋɛ na so, tentembiri maaŋ luri menyi to. Esa kama nɛ e na tentembiri to maa pin kakpa nɛ e bee yɔ.

1 Jɔn 2:11

Ama ekama nɛ e bee kishi mo niopibi wɔ tentembiri to nna na, mo alɛ nsaa na tentembiri to. E maŋ nyi kakpa nɛ e bee yɔ, ŋkpal manɛ so, tentembiri na e naa shin nɛ e maa wu.

1 Samuɛl 2:9

Fo e naa kuŋ fo basa nɛ baa bɛ fo so kashenteŋto na, ama belubiworapoana bre, tentembiri to nɛ baaŋ wu n dese. Anyi gbagba be eleŋ maaŋ tiŋ n shin nɛ an kɔ m pɔɔ so.