Aŋasa 4:18 - EBƆRƐ BE KAWƆL

¹⁸ Ama ekpa nɛ belelaworapo bɔ so na bre du nna fanɛ karechɛ so be epeŋi na. K bee fulto nna a ti so hale nɛ kare e ya chɛ nɛ kaboŋ e fulto parr.

Aŋasa 4:18 ပူးပေါင်းရင်းမြစ်များ

2 Samuɛl 23:4

du nna fanɛ bɔrɛ ka maŋ mɔl nɛ epeŋi nyaŋɛ chipurso nɛ kakpa kikɛ wora parr nna. Loŋ be epeŋi e naa nyaŋɛ a shin nɛ afitiri bee nyɛkpɛso chipurso na.”

Job be kawɔl 11:17

Kebaawɔtɔ beeŋ fulto parr a chɔ kapiidi nɛ tentembiri malɛ e ki fanɛ kachipurso n sa fo.

Job be kawɔl 17:9

Basa niŋiso beeŋ baa wora kusɔ nɛ k daga, ŋkpal loŋ so baaŋ baa nya eleŋ a ti so.

Job be kawɔl 23:10

Ama Ebɔrɛ bre nyi kusɔ kama nɛ mee wora, mo alɛ baŋ wora ma ŋ keni, e beeŋ wu ma fanɛ shuwa nɛ eyurpi maŋ wɔ kumo to.

Nshɛ 84:7

Fo basa bee nya eleŋ nna a ti so, n ya fo fanɛ ekama ka beeŋ baa tiŋ a ba Ebɔrɛ na be anishito ashi Zayɔn be kebee na so.

Nshɛ 97:11

Kefulto bee nyaŋɛ a yuu basa niŋiso so nna, nɛ ŋgbenefufulwuraana malɛ bee nya kagbenefuli.

Aŋasa 13:9

Basa cheembi du fanɛ kefulto nɛ k bee nyaŋɛ nsaa nyɛkpɛ saŋkama nna, ama basa lubi bre du fanɛ fitila nɛ k bee mɔrɛ a shin nɛ k duŋ nna.

Aŋasa 15:24

Ekpa nɛ benyiashempo bɔ bee yɛr bumo ŋkpa to nna, mannɛ luwu to.

Aŋasa 2:20

Amoso a daga fanɛ fo baa kute basa lela be aworbi to nna; nsaa wɔ kebaawɔtɔ niŋi so to.

Aŋasa 2:9

Nɛ fee nu ma mmalga, feeŋ pin kusɔ nɛ k walɛ nɛ kusɔ nɛ k niŋi ekpa nɛ kusɔ nɛ k daga fanɛ fo baa wora.

Aizaaya 26:7

Kusɔ nɛ k daga nɛ fo Enyɛnpe Ebɔrɛ bee wora jemanɛ kikɛ, nsaa shin nɛ ekpabi bee ki fanɛ kegbembi a sa basa nɛ baa wora fo kasonu.

Danɛl 12:3

Ekama nɛ e kɔ kanyiasheŋ beeŋ baa nyɛkpɛ fanɛ epeŋi ashi awɔlpa to. Bekama malɛ nɛ b ŋini basa damta asheŋ nɛ a niŋi be kewora, beeŋ ba nyɛkpɛ fanɛ achɛkpabi mbaanaayɔ.”

Hoziya 6:3

Men shin nɛ an wora ania m pin Enyɛnpe Ebɔrɛ na. K baa la kashenteŋ nna geeŋ fanɛ e beeŋ ba. Mbe keba na beeŋ baa du fanɛ kananɛ epeŋi bee pete nna, ŋko kananɛ dɔchubɔrɛ so be bɔrɛ bee ba a wushi kasawule na nna.”

Matiu 5:14

Men la fanɛ kefulto nna durnya ere to. Kadegboŋ kama nɛ k chena kebee so maa ŋana kikɛ.

Matiu 5:16

Men baa shin nɛ men be kefulto e baa nyaŋɛ nɛnɛ ga nɛ basa e tiŋ n wu men be ashuŋ lela nseŋ maŋkura men Tuto nɛ e wɔ ebɔrɛso na.

Matiu 5:45

saŋɛ na so menyeeŋ baa la men Tuto nɛ e wɔ ebɔrɛso na be mbia. Men baa nyi fanɛ mo ere gbagba maa kpɛa to a shin nɛ mbe epeŋi bee nyaŋɛ a yuu basa lela so a ka basa lubi, mo alɛ maŋ naa shin nɛ bɔrɛ bee ba a sa basa nɛ baa ji asheŋ nɛ amo be ekpa so a ka bumo nɛ b maa wora loŋ na.

Baru lela nɛ Jɔn kute na 8:12

Yesu ka naŋ ya malga basa na kutɔ nɛ e kaŋɛ bumo le: “Ma e la durnya be kefulto. Esa kama nɛ e bɛ ma so maaŋ nite tentembiri to kikɛ, ama e beeŋ baa kɔ kefulto nɛ k bee sa ŋkpa.”

2 Kɔrintebi 3:18

Ama anyi ere kikɛ ka maŋ kɔ kusɔ kuŋso nɛ k buu anyi be anishiakpaana so nsaa nyaŋɛ Enyɛnpe be kemaŋkura be kefulto na a ŋini basa na bee chɛrga nna a duli mo a ti so a nya kemaŋkura nɛ k bee wora keshi a ti so. Kesheŋ ere shi Enyɛnpe nɛ e la Kiyoyu na kutɔ nna.

Filipaiebi 2:15

Saŋɛ na so esa kama maaŋ wu kulubi kikɛ menyi so, ama menyeeŋ baa du cheembi a la Ebɔrɛ be mbia lela nɛ b wea nfɛralubiwuraana nɛ asheŋlubiwuraana to a wɔ durnya ere to. Men baa wɔ bumo to loŋ a du fanɛ achɛkpabi a fuli to a nyɛkpɛ a sa bumo,

2 Pita 1:19

Amoso, anyee yirda asheŋ nɛ anebiana wu ŋ kaŋɛ ana an be ŋgbene to a ti so. Nɛ men baa bɛ amo so fanɛ fitila ka bee sa kefulto tentembiri be kakpa to na, menyeeŋ baa wora asɔ. Men baa kɔ to loŋ hale nɛ kachɛ na e ya kaa fo nɛ karechɛso be kechɛkpabi na e ya nyaŋɛ kefulto n wɔtɔ men be ŋgbene to.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.

Kelaraŋŋini 21:23

Epeŋi be kenyaŋɛ ŋko kufɔl be kefulto ndoŋ be asheŋ daa maŋ tir kadegboŋ na to ebi kikɛ, ŋkpal manɛ so, Ebɔrɛ be kemaŋkura e daa nyaŋɛ a yuu kade na so nɛ Kpakpafɔlbi na malɛ la kumo be fitila.

Kelaraŋŋini 22:5

Kanyɛ maaŋ naa wɔ ndoŋ. Fitila be kefulto ŋko epeŋi be kefulto be asheŋ maaŋ naŋ tir bumo, ŋkpal manɛ so, Enyɛnpe Ebɔrɛ e naaŋ baa sa bumo kefulto. Bumo alɛ beeŋ ji kuwura mbaanaayɔ.

Demujipoana 5:31

Enyɛnpe Ebɔrɛ, shin nɛ fo doŋana kikɛ e mur fanɛ Sisɛra na! Ama shin nɛ bekama nɛ baa sha fo na e baa du fanɛ epeŋi ka bee pete na! Ndoŋ nna nɛ kayurwushi naŋ ba efuli na so beeŋ wora nfɛ adena.