Aŋasa 4:16 - EBƆRƐ BE KAWƆL

¹⁶ Basa lubi bre baŋ maŋ wora kulubi, b maaŋ tiŋ n di. B maaŋ tiŋ n di nɛ b maŋ wora kulubi ŋ gbiti esa ko.

Aŋasa 4:16 ပူးပေါင်းရင်းမြစ်များ

Nshɛ 36:3

Kafulesheŋ nɛ efɛ e bɔlɔ bumo be nnɔ to. Bumo be nfɛra maa ŋini bumo kebaawɔtɔ lela; bumo alɛ maa wora kelela.

Nshɛ 36:4

B dese bumo be edesekpa gba alubi be kewora be ŋkre nɛ baa kre. B maa wora asheŋ lela kikɛ. Kulubi kama malɛ maa choŋ bumo so.

Aŋasa 1:16

Ŋkpal manɛ so, saŋkikɛ, baa jujo nna nɛ b wora alubi. Kemɔ esa maŋ la shɛŋ bumo kutɔ.

Aŋasa 2:14

Bumo, nɛ alubi be kewora bee wora ebel nɛ bumo be ŋgbene bee fuli alubi so na.

Aŋasa 4:15

Baa gelge loŋ be ekpa, nseŋ lar alubi to. Kini alubi be kewora, nseŋ m pɛ fo ekpa a yɔ.

Aizaaya 57:20

Basa lubi bre du fanɛ teku nɛ k bee baga to a kaa ketili a lara eyurpi a deŋi kedeŋi so jemanɛ kikɛ na nna.

Jɛremaya 9:4

A daga fanɛ ekama e baa de mo teriana be asheŋ woraso so, nsaa maŋ yirda mo kurgepoana be asheŋ woraso gba. Ŋkpal manɛ so, bekurgepoana na be ekama maa ji kashenteŋ fanɛ men nananyɛn Jeekɔb; ekama malɛ wɔtɔ nna a ku efɛ a jija mo teriana be atre.

Maika 2:1

Asheŋ maaŋ nyalɛ n sa bekama nɛ baa dese bumo be edesekpa a kre asheŋ lubi be kewora be ŋkre na. Kanyɛso nɛ baa kaa kre loŋ be asheŋ na, nɛ kare e chɛ nɛ b wora amo ŋkpal b ka kɔ eleŋ so.

Maika 7:3

Alubi be kewora deŋ ekama nna. Ekrachi nɛ demujipoana bee tu basa nna a sɔ asɔ pɔɛŋ nsaa shuŋ bumo be ashuŋ a sa bumo. Ekama nɛ e kɔ eyilikpa basa to bee bɔla mbe eyilikpa so nna a fin asɔ a sa mbe kumu nna. Ekama wora kɔnɔ nna a shin nɛ loŋ be asheŋ bee wora.

Luuk 22:66

Kare ka chɛ nɛ bɔrɛmatapowuraana na nɛ mbraŋinipoana nɛ baa tre Juwebi be benimuana be nshɛrwuraana na kikɛ shɛr. Amo be kaman nɛ b keta mo n yɔ bumo be demujikpa n ya kaŋɛ mo le:

Baru lela nɛ Jɔn kute na 18:28

Juwebi na ka bar Yesu Kayafas pe nɛ b naŋ keta mo n lar ndoŋ n yɔ Romebi be gomena be lambu to. Saŋɛ na so nɛ kare bee chɛ, amoso, ŋkpal daŋkare be eyurpi be kenya so, Juwebi na daa maŋ luri gomena na be lambu na to, ŋkpal manɛ so, b daa sha ketiŋ n ji Kebansonchoŋ be kejibi na nna.

Ashuŋ Shunso 24:7

nɛ benapo be enimu Lisias ba suge mo eleŋso anyi kutɔ,

2 Pita 2:14

Kesakaleasheŋ e baŋ bɔlɔ bumo be nfɛraana to, bumo alɛ maa wora alubi a gben kikɛ. Bumo e naa fule basa nɛ b maa kra ketɔr a wɔtɔ asheŋ jiga to, bumo alɛ nseŋ naa la kejimuni be bejuŋkparpo. B wɔ Ebɔrɛ be kɔnɔso to nna.