Aŋasa 4:13 - EBƆRƐ BE KAWƆL

¹³ Baa nyiŋi asɔ nɛ fo koya na saŋkikɛ, nsaa kɔ amo to kpakpa, ŋkpal manɛ so kusɔ nɛ fo koya e la fo ŋkpa.

Aŋasa 4:13 ပူးပေါင်းရင်းမြစ်များ

Jɛnesis 32:26

Ndoŋ nna nɛ kanyɛn na kaŋɛ Jeekɔb le: “Shin nɛ n yɔ, ŋkpal manɛ so, kare chɛ.” Nɛ Jeekɔb kaŋɛ mo: “M maaŋ shin nɛ fo yɔ ama fo baŋ nɛfa ma nna.”

Aŋasa 10:17

Basa nɛ baa shuli a sɔ keŋini be kasogberge beeŋ ji efute, ama bumo nɛ b maa shuli kewora n jija bre be lalaloge maa kaa walɛ.

Aŋasa 23:23

Jija amansherbi ŋ koya kashenteŋji nɛ kanyiasheŋ nɛ kamootiŋ. Sa maŋ yige amo n lɛ kikɛ.

Aŋasa 3:18

Bekama nɛ b kɔ kanyiasheŋ na, be ŋgbene bee fuli bumo nna. Bumo be kanyiasheŋ bee sa bumo ŋkpa tenteŋ nna.

Aŋasa 3:22

Ŋkpal manɛ so, amo e naŋ sa fo kagbenefuli be ŋkpa nɛ k wɔ ebel.

Aŋasa 6:23

Ŋkpal manɛ so fo nio nɛ fo tuto be keŋini du fanɛ kefulto nna n sa fo; nɛ bumo be kasogberge malɛ bee sa fo kebaawɔtɔ lela.

Aŋasa 8:35

Bekama nɛ b nya ma, nya ŋkpa; nɛ Enyɛnpe Ebɔrɛ malɛ be kagbene fuli bumo so.

Kaŋinichiŋgeliŋ 7:12

Kanyiasheŋ du fanɛ kusɔ kuŋso nna fanɛ kananɛ amansherbi gba du fanɛ kusɔ kuŋso na. Kanyiasheŋ be tɔnɔ kikɛ e la kananɛ k bee kuŋ esa nɛ e kɔ kumo na.

Sɔlɔmɔn 3:4

Ma nɛ bumo ka baŋ barga abar gbrɛ nɛ n wu ŋ jipo. Nɛ n far n chɛ mo kiŋkiŋ; M maŋ naŋ yige mo to. Kumo be kaman nɛ ŋ keta mo n yɔ n nio be ebu to; ebu nɛ b kurge ma kumo to na gbagba to.

Baru lela nɛ Jɔn kute na 6:63

Kiyoyu na bee sa ŋkpa nna, ama eyur ere bre maaŋ tiŋ n wora shɛŋ. Mmalga nɛ m malga n sa menyi ere e naa shin nɛ menyee nya Kiyoyu nɛ e bee sa ŋkpa na.

Baru lela nɛ Jɔn kute na 6:68

Ndoŋ nna nɛ Saimɔn Pita kaŋɛ mo: “Enyɛnpe, fo e kɔ ŋkpa nɛ k maŋ kɔ ekar na be mmalga.

Ashuŋ Shunso 11:23

E ka ba ndoŋ m ba wu kananɛ Ebɔrɛ nɛfa basa na nɛ mbe kagbene fuli mo ga nɛ e leŋ bumo kikɛ to fanɛ b bugi bumo be ŋgbene kikɛ kashenteŋto a nu a sa Enyɛnpe na.

Ashuŋ Shunso 2:42

Bumo nɛ beshuŋipo na e daa la saŋkama nɛ baa koya asɔ ashi beshuŋipo na kutɔ nsaa ba bumo be nshɛrbuana to nɛ bumo kikɛ ba kaa bɔ enɔ kɔnɔkoŋwuleso a wɔtɔ kawie koŋwule to nsaa kule Ebɔrɛ kɔnɔkoŋwuleso.

Ditɛronɔmi 32:47

Ebɔrɛ be mbraana na maŋ la mmalga fuloŋ nna. Amo e naaŋ sa menyi ŋkpa tenteŋ. Amoso, men baa wora amo kasonu nseŋ nya ŋkpa tenteŋ ashi kasawule nɛ k dese Jɔɔdan be lɔr na be kaba ndoŋ nɛ menyee yɔ nɛ men ya kɔ n sɔ n chena so na so.”

1 Tɛsalɔnikaebi 5:21

Men baa wora asɔ kikɛ a keni, kusɔ kama nɛ k walɛ, men baa kɔ kumo to kpakpa

Hibruwebi 2:1

Amoso, a daga fanɛ an ka bugi asoe to nɛnɛ n nu asɔ, nɛ an nu na, saŋɛ na so, an maaŋ firgi n foe ekpa n choŋ.

Kelaraŋŋini 12:11

Kpakpafɔlbi na be ŋklaŋ na nɛ bumo be shɛda be kamalga na nɛ b ta m pɔɔ mo so, ŋkpal manɛ so, b daa maŋ sha bumo be amu ga hale saŋɛ nɛ b daa shin nɛ b luri luwu to gba na.

Kelaraŋŋini 2:13

N nyi kakpa nɛ men wɔ ere be asheŋ, kakpa nɛ Setani baa tase gbagba. Ŋkeshin nɛ menyi alɛ maa lar ma ketre na kaman. Men maŋ lar men be yirda nɛ men kɔ ma so na kaman kikɛ, hale ma shɛdajipo nɛ esa beeŋ tiŋ n yirda na Antipas nɛ b daŋ mɔ men be kadegboŋ na to, kakpa nɛ Setani baa wɔ na be jemanɛ na kikɛ.