Aŋasa 30:8 - EBƆRƐ BE KAWƆL

⁸ Sa maŋ shin nɛ ŋ ki efɛpo Fo alɛ e sa maŋ shin nɛ m baa la etirpo ŋko damawura. Baa sa ma kacha kama be kusɔ jiso.

Aŋasa 30:8 ပူးပေါင်းရင်းမြစ်များ

Jɛnesis 28:20

Asheŋ ere be kaman nɛ Jeekɔb nase kɔnɔ ŋ kaŋɛ le: “Nɛ Ebɔrɛ beeŋ baa wɔ ma kutɔ nsaa keni ma so ashi ma enite ere to nsaa sa ma ajibi nɛ asɔbuuso loŋ

2 Bewura 25:30

Ewura Jehowachin ka chena Babilɔn be efuli so ndoŋ hale n ya fo kachɛ nɛ e wu, Babilɔn be ewura daa sa mo amansherbi jiso nna karechɛ kikɛ.

Job be kawɔl 23:12

Kusɔ kama nɛ Ebɔrɛ yili, mee wora kumo nna. Mbe aparsheŋ nɛ mee bɛ so, mannɛ meya.

Nshɛ 119:29

Shin nɛ m baa gelge kafulesheŋ; wu ma kuwɔr nseŋ ŋini ma fo mbra na.

Nshɛ 119:37

Lara ma lakal ashi asheŋ fuloŋ so; nseŋ shin nɛ ma kebaawɔtɔ e baa du fanɛ kananɛ fo kamalga bee ŋini na.

Ɛksodɔs 16:15

Israɛlebi na ka wu amo nɛ b bishi abar: “Manɛ nna?” Ŋkpal manɛ so, b daa maŋ nyi kusɔ nɛ k daa la asɔ na. Ndoŋ nna nɛ Mosis kaŋɛ bumo le: “Ajibi nɛ Enyɛnpe Ebɔrɛ sa menyi fanɛ men baa ji nna na.

Ɛksodɔs 16:18

Ama b ka daŋ ber amo, bumo nɛ b daŋ muu ga ga na nɛ bumo nɛ b muu gbrɛgbrɛbi na kikɛ daŋ nya nna ŋ kukwe.

Ɛksodɔs 16:29

Keni! Men nyiŋi fanɛ ma, Enyɛnpe Ebɔrɛ na e sa menyi kewushiachɛ na, amoso nɛ kachɛ shesopo na mee sa menyi be ekama nchɛnnyɔ be ajibi na. Kachɛ shunusopo na, ekama e shir a wɔ mbe laŋ to. Esa kama e sa maŋ lar kowu kikɛ.”

Ɛksodɔs 16:35

Israɛlebi na daŋ ji manna na nfɛ adena nna. B ji amo hale n ya fo Keenan be kasawule so nseŋ chena ndoŋ.

Aŋasa 13:5

Esa cheembi kikɛ kishi kafulesheŋ nna, ama basa lubi bre be aworbi bee bar bumo anishinyɔr nɛ nyɔmu nna.

Aŋasa 21:6

Kebirkɔshi be kanya maa chɛr nsaa mur, amo alɛ maa chɛr nsaa yɛr esa luwu to.

Aŋasa 22:8

Bekama nɛ baa duu alubi beeŋ nya amo be tɔnɔ. Bumo be agbo lubi e naŋ yɛr bumo kemur to.

Aŋasa 23:5

Ŋkpal manɛ so fo amansherbi beeŋ tiŋ n loge epul to, fanɛ kananɛ kusore beeŋ yili epul to n firgi n choŋ na.

Aŋasa 30:7

Enyɛnpe Ebɔrɛ, asɔ anyɔ nɛ mee kule fanɛ fo wora n sa ma pɔɛŋ nɛ n wu.

Kaŋinichiŋgeliŋ 1:2

Eŋinipo na yɛ, kusɔ kama na la fuloŋ nna kebaawɔtɔ ere to. Kebaawɔtɔ maŋ kɔ kifito kikɛ.

Aizaaya 5:18

Asheŋ maaŋ nyalɛ n sa menyi! Menyi maaŋ tiŋ n suge menyi be amu ashi menyi be alubi to.

Aizaaya 59:4

Men baŋ yɛra asheŋ demujikpa gba, men maa nya kashenteŋ ashi menyi be edemu be keji to. Efɛ nɛ menyee ku a ji lar edemuji na to. Basa be keji awurfoŋ be ŋkre e wɔ menyi to nɛ menyee wora a bɔlɔ so.

Jɛremaya 37:21

Ndoŋ nna nɛ ewura Zɛdikaya sa ebɔl fanɛ b ya ti ma ewurkpa be bekumpo be kakpa nɛ baa ti basa ebu na. Karechɛ kikɛ b daa sa ma ebodobodo nɛ baa tɔ na be kukoŋwule nna n ya fo fanɛ ebodobodo kikɛ ka loge kadegboŋ na to.

Jɛremaya 52:34

Ewura Jehowachin ka daa wɔ Babilɔn be efuli so na, Babilɔn be ewura daa sa mo amansherbi jiso karechɛ kikɛ nna, hale n ya fo kachɛ nɛ e wu.

Matiu 6:11

Yaŋ sa anyi ajibi nɛ a daga anyi kabre,

Matiu 6:33

Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.

Luuk 11:3

Baa sa anyi ajibi nɛ a daga kachɛ kama.

Baru lela nɛ Jɔn kute na 2:8

B ka loge nɛ e kaŋɛ bumo: “To, naniere men jɔ amo be ako n ya sa kejafɔ be kejigboŋ ere to be enimu na.” Nchu na daŋ kilgi yabra belbelso nna.

Ashuŋ Shunso 14:15

“Manɛ e ba nɛ menyee wora loŋ? Anyi alɛ gba la enyiŋgbasa nna fanɛ menyi. An ba nfe nna nɛ an ba kaŋɛ menyi baru lela na be asheŋ n shin nɛ men lar le be asheŋ jiga ere to m ba Ebɔrɛ nɛ e wɔ ŋkpa to nsaa la esa nɛ e to ebɔrɛso nɛ kasawule nɛ teku nɛ asɔ nɛ a wɔ amo to na kikɛ kutɔ.