Aŋasa 3:7 - EBƆRƐ BE KAWƆL

⁷ Sa maa fɛ fanɛ fo nyi asheŋ ga. Baa nu a sa Enyɛnpe Ebɔrɛ na nsaa gelge alubi.

Aŋasa 3:7 ပူးပေါင်းရင်းမြစ်များ

2 Samuɛl 12:20

Ndoŋ nna nɛ Deevid koso kasawule n ya bɛr m mɔ mbe emin to, n chɛrga mbe epiŋi nɛ e buu na nseŋ yɔ Enyɛnpe Ebɔrɛ be lambu to n ya bunyaŋ mo. E ka bɛta m ba ewurkpa, nɛ e shin nɛ b sa mo ajibi nɛ e ji amo epul na to.

Nehemaya 5:15

Egomena kama nɛ b juŋkpar na daa tɔrɔ basa na nna ga. B daa sɔ gbiti be ndarbi adena nna a tɔ ajibi nɛ asɔnuuso karechɛ kikɛ nna. Bumo be nyɛrbi gba daa tɔrɔ basa na nna, ama ŋkpal ma ere ka bee ŋana Ebɔrɛ na so nɛ ma kebaawɔtɔ daa kɔr bumo to na.

Job be kawɔl 1:1

Kanyɛn ko e daa wɔ Uz be kasawule so nɛ baa tre mo Job. Job daa la esa nɛ esa kikɛ maŋ tiŋ n wu mo kulubi nna. E daa la esa nɛ e bee bunyaŋ Ebɔrɛ nseŋ kishi kulubi be kewora nna.

Job be kawɔl 28:28

Kumo be kaman nɛ e kaŋɛ edimɛdi le: “Kanyiasheŋ e la keta bunyaŋ gboŋ n sa ma, Enyɛnpe Ebɔrɛ na. Nɛ kelar alubi to malɛ la asheŋ be kepin to.”

Ɛksodɔs 20:20

Ndoŋ nna nɛ Mosis kaŋɛ basa na: “Men sa maa lɔ kufu. Ebɔrɛ ba nna nɛ e ba wora menyi ŋ keni nseŋ shin nɛ men baa wora mo kasonu nsaa maa wora alubi.”

Aŋasa 14:16

Enyiashempo bee ŋana Ebɔrɛ nna nsaa gelge alubi, ewulpo bre du brembreŋ nna, e maa fɛ nfɛra pɔɛŋ nsaa wora asheŋ.

Aŋasa 14:27

Kabɔrɛŋana du fanɛ ŋkpa be kebuye nna; a kuŋ esa ashi luwu be ajigbelɛ to.

Aŋasa 16:6

Fo baa kɔ kasonu nɛ kashenteŋji, Ebɔrɛ beeŋ ta fo alubi m paŋ fo. Kabɔrɛŋana e naa shin nɛ esa bee ŋana kulubi.

Aŋasa 23:4

Sa maa mɔ fo kumu a fin kedii dama. Ba nyi fo eleŋ be ekar.

Aŋasa 26:12

Ewulpo bɔ esa nɛ e bee tre mbe kumu enyiashempo, mo alɛ nseŋ wuli.

Aŋasa 26:5

Shin nɛ ewulpo e pin mbe kawulisheŋ, nɛ mannɛ aloŋ e beeŋ baa fɛ fanɛ e nyi asheŋ nna.

Aŋasa 28:11

Damawuraana bee fɛ nna fanɛ b nyi asheŋ, ama etirpo nɛ e bee pin asheŋ to beeŋ tiŋ m pin fanɛ mannɛ damawuraana kikɛ e nyi asheŋ.

Aŋasa 28:26

Esa kama nɛ e ta mbe yirda n deŋi mo gbagba be kumu so la ewulpo nna, ama ekama nɛ e bee sɔ benyiashempo be mmalga, beeŋ nya kekuŋ.

Aŋasa 8:13

Enyɛnpe Ebɔrɛ be kesa bunyaŋ e la alubi be kekishi. Kamoowu nɛ ŋkpensheŋ, nɛ asheŋ lubi nɛ efɛ be mmalga maa par Ebɔrɛ kikɛ.

Kaŋinichiŋgeliŋ 12:13

Ade kikɛ be kaman, kusɔ koŋwule e ka nɛ ŋ kaŋɛ. Baa ŋana Ebɔrɛ nsaa bɛ mbe mbraana so. Ŋkpal manɛ so, loŋ so nɛ Ebɔrɛ to dimɛdi bomin.

Aizaaya 5:21

Asheŋ maaŋ nyalɛ n sa menyi! Menyee fɛ fanɛ menyi be anishi bugi nna nɛ men nyi asheŋ ga.

Romebi 11:25

Ŋ kurgepoana, kashenteŋ be wulo ko wɔtɔ nɛ mee sha fanɛ men pin kumo, saŋɛ na so men maaŋ ta menyi be amu fanɛ basa nyiashempo. Kumo nde fanɛ kumu kpakpaso be kebaawɔtɔ nɛ k ba Israɛlebi so na maŋ ba nna nɛ k ba kaa wɔtɔ mbaanaayɔ, kumo be ekar e la saŋɛ nɛ nnyamase nɛ baaŋ nya kumɔlga na kikɛ ya loge nyam.

Romebi 12:16

Men baa kɔ kɔnɔkoŋwule be kebaawɔtɔ a sa abar. Men sa maa maŋ menyi be amu so, ama men baa bar menyi be amu kaseto a shuli a shuŋ bebɔlpo be ashuŋ a maa fɛ fanɛ men la benyiashempo.