Aŋasa 3:5 - EBƆRƐ BE KAWƆL

⁵ Ta fo kagbene kikɛ nyam n yirda Enyɛnpe Ebɔrɛ na. Sa maa ta fo tama a deŋi kusɔ nɛ fo nyi so.

Aŋasa 3:5 ပူးပေါင်းရင်းမြစ်များ

Ɛzra 8:23

Ndoŋ nna nɛ an kishi ŋ kule Ebɔrɛ fanɛ e kuŋ anyi nɛ mo alɛ nu anyi be kekule.

Job be kawɔl 13:15

Hale nɛ Ebɔrɛ bee sha kemɔ ma gba, ŋ kraa beeŋ yirda mo.

Nshɛ 125:1

Bekama nɛ b yirda Enyɛnpe Ebɔrɛ na, du fanɛ Zayɔn be kebee na nna ashi Jerusalɛm to, nɛ k maa gbuŋgbuŋ na nna. K yil nna mbaanaayɔ.

Nshɛ 37:3

Yirda Enyɛnpe Ebɔrɛ na, nsaa wora alelasheŋ. Saŋɛ na so feeŋ chena kasawule ere so n nya kekuŋ.

Nshɛ 37:5

Shin nɛ Enyɛnpe Ebɔrɛ na e baa juŋkpar fo kusɔ kama to. Yirda fanɛ e beeŋ chɛ fo to.

Nshɛ 37:7

Baa kɔ kanyiti a jo Enyɛnpe be saŋɛ. Sa maŋ shin nɛ k baa tɔrɔ fo ŋkpal asheŋ ka bee nite nɛnɛ a sa belubiworapo so.

Nshɛ 62:8

Basa, men yirda Enyɛnpe Ebɔrɛ na nsaa kaŋɛ mo men be asheŋ tirso saŋkama. Ŋkpal manɛ so, Ebɔrɛ na nawule e la anyi be ekumpo.

Aŋasa 22:19

Mee ŋini fo kesheŋ ere kabre nna, saŋɛ na so feeŋ ta fo yirda n wɔtɔ Enyɛnpe Ebɔrɛ na to.

Aŋasa 23:4

Sa maa mɔ fo kumu a fin kedii dama. Ba nyi fo eleŋ be ekar.

Aŋasa 28:26

Esa kama nɛ e ta mbe yirda n deŋi mo gbagba be kumu so la ewulpo nna, ama ekama nɛ e bee sɔ benyiashempo be mmalga, beeŋ nya kekuŋ.

Aŋasa 3:7

Sa maa fɛ fanɛ fo nyi asheŋ ga. Baa nu a sa Enyɛnpe Ebɔrɛ na nsaa gelge alubi.

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Jɛremaya 10:23

Enyɛnpe Ebɔrɛ, n nyi fanɛ anyi edimɛdi maŋ kɔ anyi be ŋkpa so be eleŋ.

Jɛremaya 9:23

Kumo be kaman nɛ Enyɛnpe Ebɔrɛ na naŋ kaŋɛ le: “Benyiashempo e sa maa puchi bumo be kanyiasheŋ so, ŋko belempo e sa maa puchi bumo be eleŋ so, ŋko damawuraana e sa maa puchi bumo be kedama so.

Nɔmbɛs 9:20

Saŋko kuwɔlpa na beeŋ tiŋ a wɔ wajɛbu na so n nchɛ gbrɛbi ko. Saŋkama nɛ k baa wɔ ndoŋ, basa na gba wɔ keeyi na to nna. K ba naŋ tia malɛ, bumo alɛ gba bee kaa keeyi na to nna. Kanaŋ kama nɛ Enyɛnpe Ebɔrɛ na baŋ kaŋɛ, aloŋ nɛ baa wora.

Nɔmbɛs 9:22

Hale nchɛ anyɔ ŋko kufɔl ŋko kafɛ gba nɛ kuwɔlpa na buu wajɛbu na so, bumo alɛ gba baa wɔ keeyi na to nna. Ama k baŋ tia, bumo alɛ gba bee kaa nna m bɛ kumo so.

Romebi 12:16

Men baa kɔ kɔnɔkoŋwule be kebaawɔtɔ a sa abar. Men sa maa maŋ menyi be amu so, ama men baa bar menyi be amu kaseto a shuli a shuŋ bebɔlpo be ashuŋ a maa fɛ fanɛ men la benyiashempo.

Ɛfesesebi 1:12

Men shin nɛ anyi nɛ an juŋkpar n nya tama ashi Kristo to na e baa la bumo nɛ bumo be kebaawɔtɔ bee di Ebɔrɛ epaŋ nsaa maŋkura mo.