Aŋasa 3:34 - EBƆRƐ BE KAWƆL

³⁴ Mo nɛ basa nɛ baa maŋ bumo be amu so maŋ kɔ shɛŋ, ama e bee shu basa nɛ baa bar bumo be amu ase bre so nna.

Aŋasa 3:34 ပူးပေါင်းရင်းမြစ်များ

Nshɛ 138:6

Fo, Enyɛnpe Ebɔrɛ na wɔ esoso ga, ama kumubarasewuraana be asheŋ tir fo; kamoowuwuraana malɛ maaŋ tiŋ ŋ ŋana fo so.

Nshɛ 18:26

Fee ta kagbenekoŋwule nna a wora asheŋ a sa bumo nɛ b kɔ kagbenekoŋwule. Ama fee gberge alubiworapoana bre kusoe nna.

Aŋasa 1:26

Amoso, fo baŋ luri tɔrɔ to, meeŋ mushe fo. Awurfoŋgboŋ baŋ tu fo, meeŋ wora fo eyurto.

Aŋasa 14:9

Ewulpo nɛ asheŋ lubi maa fɔŋ, ama esa lela bre bee fin asheŋ be kelɔŋɛ nna.

Aŋasa 16:19

Fo ki etirpo ŋkpal fo ka bar fo kumu ase so bɔ fo ka tu kamoowuwuraana m barga asɔ nɛ b suge to.

Aŋasa 19:29

Kasogberge wɔtɔ nna ŋkpal basa kpeŋso so. Ewulpo kikɛ bee nya kebri nna.

Aŋasa 21:24

Esa kama nɛ kamoowu nɛ ŋkpensheŋ bɔlɔ mo to, bee wora basa eyur to nna.

Aŋasa 9:12

Fo nyiasheŋ, feeŋ ji kumo be tɔnɔ; Fo kpal kamoowuso ŋ kini kanyiasheŋ feeŋ ji awurfoŋ.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Jeems 4:6

K kɔ kifi, ama Ebɔrɛ be kuwɔr e shi ga. Abɔrɛsibɛ na malɛ e naa kaŋɛ loŋ fanɛ: “Ebɔrɛ maa shuli a sa kamoowuwuraana, basa nɛ b maŋ kɔ kamoowu nɛ e bee wu kuwɔr.”

1 Pita 5:5

Mbrantiɛ, loŋ koŋwule na nɛ a daga fanɛ men baa nu a sa benyɛnnimuana. Men ta kumu be kebar kaseto m mea to fanɛ wajɛ a wɔtɔ a sa abar, ŋkpal manɛ so, Ebɔrɛ maa sa kamoowuwuraana kashuli, ama bumo nɛ baa bar bumo be amu kaseto bre, e bee wu bumo kuwɔr nna.