Aŋasa 3:32 - EBƆRƐ BE KAWƆL

³² Ŋkpal manɛ so, Enyɛnpe Ebɔrɛ na kishi basa nɛ baa wora alubi be asheŋ ga, ama e yirda basa nɛ bumo be aworbi niŋi na bre nna.

Aŋasa 3:32 ပူးပေါင်းရင်းမြစ်များ

Job be kawɔl 29:4

Jemanɛ nɛ asheŋ daa nite nɛnɛ a sa ma na, Ebɔrɛ nɛ e la n teri kpakpaso na, e daa nɛfa ma laŋ to ebi kikɛ.

Nshɛ 18:26

Fee ta kagbenekoŋwule nna a wora asheŋ a sa bumo nɛ b kɔ kagbenekoŋwule. Ama fee gberge alubiworapoana bre kusoe nna.

Nshɛ 25:14

Enyɛnpe Ebɔrɛ, fo nɛ basa nɛ baa ŋana fo bee ji keteri nna. Fo e naa shin nɛ baa pin kɔnɔ naseso be ŋkre nɛ fo nase dra na n sa fo basa na.

Aŋasa 11:20

Enyɛnpe Ebɔrɛ kishi nfɛra lubiwura ga, ama e bee sha bekama nɛ baa wora asheŋ lela bre ga.

Aŋasa 14:10

Esa pɔtɛ maaŋ tiŋ m pin kagbenefuli ŋko ebesa nɛ k wɔ esa be kagbene to.

Aŋasa 17:15

Enyɛnpe Ebɔrɛ kishi bumo nɛ baa malga a kuŋ belubiworapo, nɛ bumo nɛ baa ku asheŋ a deŋi basa nɛ b maŋ wora kulubi na ga.

Aŋasa 8:13

Enyɛnpe Ebɔrɛ be kesa bunyaŋ e la alubi be kekishi. Kamoowu nɛ ŋkpensheŋ, nɛ asheŋ lubi nɛ efɛ be mmalga maa par Ebɔrɛ kikɛ.

Aizaaya 41:24

Menyi gbagba nɛ asɔ nɛ menyee wora kikɛ maŋ la shɛŋ. Basa nɛ baa shuŋ menyi na la basa nɛ mbushu pɛ bumo nna!

Matiu 11:25

Jemanɛ na so nɛ Yesu kaŋɛ le: “Etuto nɛ fo la ebɔrɛso nɛ kasawule so be Enyɛnpe, mee chɔrɔ fo ga ŋkpal fo ka ta asɔ nɛ fo ta ŋ ŋana benyiashempo nɛ bekoyapo so nseŋ bugi amo be wulo n sa bebɔlpo so.

Matiu 13:11

Nɛ Yesu kaŋɛ bumo le: “Ebɔrɛ bugi mbe kuwura na to be kesheŋ ŋini be ewulo nna n sa menyi, ama e maŋ wora loŋ n sa basa pɔtɛ bre.

Luuk 16:15

Nɛ e kaŋɛ bumo le: “Menyi e naa sha fanɛ basa e baa tre menyi basa lela, ama Ebɔrɛ nyi menyi be ŋgbene to be nfɛra. Asɔ nɛ durnya ere to ebi malɛ bee bunyaŋ a fɛ fanɛ a la asɔ lela na maŋ la shɛŋ Ebɔrɛ be anishito.”

Baru lela nɛ Jɔn kute na 15:15

M maŋ naa tre menyi ma anya, ŋkpal manɛ so, kenya maa pin mo nyɛnpe be asheŋ woraso to. Naniere bre mee tre menyi n teriana nna, ŋkpal manɛ so, kusɔ kama nɛ ŋ koya ashi n Tuto na kutɔ, m maŋ ta amo ŋ ŋana menyi so.

Baru lela nɛ Jɔn kute na 7:17

Esa kama nɛ e bee sha kewora Ebɔrɛ be aparsheŋ beeŋ pin fanɛ asɔ nɛ mee ŋini ere shi Ebɔrɛ kutɔ nna ŋko ŋ gbagba be eleŋ nɛ ŋ kɔ a ŋini amo.

Kelaraŋŋini 2:17

Ekama nɛ e kɔ asoe e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, meeŋ sa mo manna ŋana so na be ako. Kumo be kaman nɛ n naŋ sa mo kejembu fuful mo nɛ b sibɛ kumo so ketre popɔr mo nɛ esa nɛ e bee sɔ kejembu na nawule nyi na.’ ”