Aŋasa 3:25 - EBƆRƐ BE KAWƆL

²⁵ Ŋko a fɔŋ etɔrɔ purgiso nɛ a bee kaa ba basa lubi so fanɛ afugboŋ na so.

Aŋasa 3:25 ပူးပေါင်းရင်းမြစ်များ

Nshɛ 112:7

B maaŋ baa ŋana baru lubi ŋkpal manɛ so, bumo be ŋgbene baa yil kakpa koŋwule nna nɛ baa yirda Enyɛnpe Ebɔrɛ na.

Nshɛ 73:19

Baaŋ mur epul to nɛ kufu e pɛ bumo nɛ b baa chicha. Bumo be lalaloge beeŋ lubi pasaa!

Nshɛ 91:5

Fo maaŋ naa ŋana kanyɛso be asɔ nɛ a bee keta kufu ŋko kapaso be kelantokɔ kikɛ,

Aŋasa 1:27

Tɔrɔ nɛ awurfoŋ beeŋ ba fo so fanɛ afugboŋ ka ber m bar etɔrɔ nɛ ebesa nɛ kebaawɔtɔ kekra na.

Aizaaya 54:14

Fo basa be kewora kusɔ nɛ k daga nɛ bumo be kewora asheŋ nɛ amo be ekpa so beeŋ shin nɛ fo baa kɔ eleŋ. Ma alɛ beeŋ lara bumo be kafɔŋ kikɛ ashi fo to, nɛ a maa naŋ taga fo to gba kuraa.

Maika 4:4

Loŋ be jemanɛ na, ekama na beeŋ chena mbe ndibi sɔrso be kudɔ to nɛ kayurwushi nɛ esa kikɛ maaŋ naa funti mo. Ŋkpal manɛ so, Enyɛnpetale Ebɔrɛ na be kɔnɔ naseso nna na.

Zakareya 9:8

Ebɔrɛ yɛ: “Meeŋ baa kuŋ ma kasawule nɛ benapo nɛ baa kulti a mɔ basa na maaŋ nya kumo so m bɔla choŋ. M maaŋ sa kumukpakpasowuraana ekpa nɛ b naa kɔrfɛ ma basa. N wu awurfoŋ nɛ ma basa ji na kikɛ.”

Matiu 24:15

Amoso, men baŋ ya wu edɔsopogboŋ nɛ e bee shin nɛ kemur bee ba na ka yil kakpa cheembi na, mbe asheŋ nɛ anebi Danɛl daŋ malga na, fo nɛ fee kraŋ, fo pin kesheŋ ere be kifito.

Matiu 24:6

Menyeeŋ ba kaa nu fanɛ basa bee kɔ abar ana nseŋ naa nu fanɛ basa beeŋ kɔ abar ana, ama men sa maŋ shin nɛ menyi be ŋgbene e baa ku menyi, ŋkpal manɛ so, a daga loŋ be asheŋ na ka wora, ama lalaloge be jemanɛ na maŋ naŋ fo pɔɛŋ.

Maak 4:40

Kumo be kaman nɛ Yesu bishi bumo: “Manɛ nna nɛ kufu pɛ menyi loŋ? Hale mbre, menyi maŋ naŋ nya yirda a?”

Luuk 21:9

Nɛ men kaŋ ba kaa nu fanɛ basa bee kɔ abar ana nseŋ naa nu alantokɔ be asheŋ, men sa maŋ shin nɛ menyi be ŋgbene e baa ku menyi, ŋkpal manɛ so, a daga fanɛ loŋ be asheŋ e juŋkpar n wora pɔɛŋ, ama lalaloge be jemanɛ na maaŋ bɛ so epul na to.”

Baru lela nɛ Jɔn kute na 14:1

Yesu yɛ: “Men sa maŋ shin nɛ men be ŋgbene e baa jija menyi. Men yirda n Tuto Ebɔrɛ, men baa yirda ma alɛ gba.

1 Pita 3:14

Hale nɛ men wora kelela nɛ b kpal loŋ so n tɔrɔ menyi gba, nɛfa la menyeya nna. Men sa maa ŋana bumo be kafunti, menyi alɛ e sa maŋ naa shin nɛ men be ŋgbene e baa ku.