Aŋasa 3:20 - EBƆRƐ BE KAWƆL

²⁰ Mbe kanyiasheŋ e shin nɛ eboŋana bee shile, nɛ awɔlpa bee bar bɔrɛchu kasawule so.

Aŋasa 3:20 ပူးပေါင်းရင်းမြစ်များ

Jɛnesis 1:9

Kachɛ nyɔsopo na be kaman nɛ Ebɔrɛ naŋ kaŋɛ: “Shin nɛ nchu nɛ a wɔ awɔlpa be kaseto na e gama abar so kaboŋ koŋwule n shin nɛ kasawule malɛ e di efuli.” Nɛ loŋ wora.

Jɛnesis 27:28

Ebɔrɛ e shin nɛ bunyaŋ e shi ebɔrɛso m ba sa fo nsawule kayul nseŋ shin nɛ fo kasawule e baa walɛ a wora ajibi damta. Kumo e la fanɛ adɔjibi kama nɛ a shi ayu be yiri to be adamta n ta yabra belbelso n ti so.

Jɛnesis 7:11

Nowa be nfɛ alfashe to be kufɔl nyɔsopo to be kachɛ kuduashunusopo na nɛ kasawule pante a lar nchu nɛ abɔrɛwɔlpa malɛ gbu nchu fanɛ a ka kɔ mbuna nseŋ bugi nɛ nchu bee wurge na.

Aŋasa 8:24

B kurge ma nna pɔɛŋ nɛ etekuana kikɛ fara. Ŋ ka fara nɛ nchu be abuye maŋ wɔtɔ.

Jɛremaya 14:22

Efuli pɔtɛana na be agbirana na be kekama maaŋ tiŋ n shin nɛ bɔrɛ e ba. Kuwɔlpa gbagba maaŋ tiŋ n shin nɛ bɔrɛ e furi gba. Anyi be tama wɔ fo, Enyɛnpe anyi be Ebɔrɛ na so nna; ŋkpal manɛ so, fo nawule e naa shin nɛ ade kikɛ bee wora.

Jowɛl 2:23

Zayɔnebi, men shin nɛ men be ŋgbene e fuli menyi ŋkpal kusɔ nɛ Enyɛnpe, men be Ebɔrɛ na wora n sa menyi na so. E sa menyi dɔchubɔrɛso be bɔrɛ nɛ bɔrɛchu lela nɛ a shin nɛ men be adɔjibi wora nɛnɛ fanɛ kananɛ a chɛr a wora na.

Ditɛronɔmi 33:28

Amoso kayurwushi to nɛ Jeekɔb be kaman to ebi kikɛ wɔ. B maa ŋana shɛŋ ashi kasawule nɛ k kɔ ayu nɛ yabra ga na so; kakpa nɛ bunyaŋ gba bee wushi kasawule na.