Aŋasa 3:18 - EBƆRƐ BE KAWƆL

¹⁸ Bekama nɛ b kɔ kanyiasheŋ na, be ŋgbene bee fuli bumo nna. Bumo be kanyiasheŋ bee sa bumo ŋkpa tenteŋ nna.

Aŋasa 3:18 ပူးပေါင်းရင်းမြစ်များ

Jɛnesis 2:9

Enyɛnpe Ebɔrɛ daŋ shin nna nɛ ndibi lela be yiri yiri kɔr n daŋ ashi ndoŋ. Ndibi na nɛ amo be asɔrso malɛ daa walɛ keji nna. Ama ndibi anyɔ ko malɛ daa yil kudɔbi na be nferinto. Loŋ be ndibi na be kuko be asɔrso daa sa ŋkpa nna nɛ kuko malɛ peya daa sa kanyiasheŋ nɛ k bee shin nɛ esa bee pin kelela nɛ kulubi.

Jɛnesis 3:22

Kumo be kaman nɛ Enyɛnpe Ebɔrɛ kaŋɛ mbe kumu le: “Ŋkpal kanyɛn ere ka ji kusɔrso na so, naniere e ki fanɛ anyi to be eko nna a nyi kelela nɛ kulubi to, amoso a maŋ daga fanɛ e naŋ nya ekpa n chuge kedibi mo nɛ k bee sa ŋkpa na malɛ be kusɔrso n ji ŋkaa maaŋ naŋ wu kikɛ.”

Aŋasa 11:30

Kecheembiya bee sa ŋkpa nna, ama kumu kpakpaso be kebaawɔtɔ bre bee mɔ nna.

Aŋasa 13:12

Tama nɛ k bee chɛr pɔɛŋ nsaa ba bee shin nɛ esa be aba bee pɔ mo nna, ama esa baa nya kusɔ nɛ e bee fin, k bee bar mo kagbenefuli nna.

Aŋasa 15:4

Kamalga lela bee sa basa ŋkpa nna, ama efɛ be mmalga bre bee mɔ esa be kiyoyu nna.

Aŋasa 4:13

Baa nyiŋi asɔ nɛ fo koya na saŋkikɛ, nsaa kɔ amo to kpakpa, ŋkpal manɛ so kusɔ nɛ fo koya e la fo ŋkpa.

Aŋasa 8:32

Naniere, mbifɔlbi, men kaŋ kusoe n nu, Men wora asɔ nɛ ŋ kaŋɛ ere nɛ a shin nɛ men be ŋgbene e fuli menyi.

Aŋasa 8:34

Bekama nɛ baa ba ma laŋ to m ba kaa chena ma kabuna to, a jo a nu ma mmalga na be ŋgbene beeŋ fuli bumo.

Kaŋinichiŋgeliŋ 7:12

Kanyiasheŋ du fanɛ kusɔ kuŋso nna fanɛ kananɛ amansherbi gba du fanɛ kusɔ kuŋso na. Kanyiasheŋ be tɔnɔ kikɛ e la kananɛ k bee kuŋ esa nɛ e kɔ kumo na.

Kelaraŋŋini 2:7

Ekama nɛ e kɔ asoe, e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, meeŋ sa mo ekpa nɛ e ji ŋkpa be kedibi nɛ k wɔ Ebɔrɛ be kakpa lela nɛ baa tre ndoŋ Paradisi to na be kusɔrso na.’ ”

Kelaraŋŋini 22:2

a shile a bɔla kadegboŋ na be kubɔrbi be nferinto so. Ŋkpa be kedibi daa yil lɔr na be kaba kama so nna a sɔr kumo be asɔrso ale kuduanyɔ, kumo e la fanɛ kufɔl kikɛ to nɛ kumo be asɔrso. Kedibi na be afantaŋ e la efuliana be kechɛ be asɔ.