Aŋasa 3:10 - EBƆRƐ BE KAWƆL

¹⁰ Nɛ fee wora loŋ, fo mpuro beeŋ baa bɔlɔ a wurge nɛ fo nsapuya gba e baa bɔlɔ asɔ nuuso popɔr a wurge.

Aŋasa 3:10 ပူးပေါင်းရင်းမြစ်များ

2 Kronikɛls 31:10

nɛ bɔrɛmatapo nimuso Azariya nɛ e la Zadɔk be kaman to ebi be esa na kaŋɛ mo le: “Baŋ yili saŋɛ so nɛ basa na fara a bar bumo be ŋkɛ bɔrɛlambu to na, an bee nya ajibi nna a ji yɛlyɛla so. An daa nya amo kikɛ nna ŋkpal Enyɛnpe Ebɔrɛ na ka nɛfa mbe basa so. Keni amo be amo nɛ a ka.”

2 Kronikɛls 31:21

Kusɔ kama nɛ e bee wora daa yɔ anishito nna ŋkpal bɔrɛlambu na to be kusɔ kama nɛ e wora ka daa walɛ nɛ mo alɛ naa kɔ kasonu n sa Enyɛnpe Ebɔrɛ be mbra na so.

Nshɛ 144:13

Shin nɛ anyi be mpuro e bɔlɔ adɔjibi be yiri kikɛ nɛ anyi be mbolpɔ e kurge ga n salga n sɔ kaplɛkama,

Aŋasa 19:17

Kekɛ etirpo kusɔ du fanɛ fo ka ta kumo m paŋ Enyɛnpe Ebɔrɛ nna; Ebɔrɛ beeŋ ka fo kumo be kukɔ.

Aŋasa 22:9

Esa kama nɛ e bee bugi kagbene a kɛ beeŋ nya nɛfa, ŋkpal mo nɛ betirpo ka bee barga mbe kusɔ jiso to so.

Jowɛl 2:24

Naniere mboŋ kama nɛ baa biri ayu na kikɛ beeŋ bɔlɔ nɛ mboŋ kama nɛ baaŋ nyaŋ asɔrso a wora greep be nsa ŋko ɔlif be ŋku na kikɛ e bɔlɔ a wurge.

Heegai 2:19

Kashenteŋ nna fanɛ aboyu maŋ naa wɔtɔ nɛ ndibisɔrso na malɛ be kekama maŋ naŋ sɔr asɔrso kikɛ, ama yili kabre a yɔ meeŋ nɛfa menyi.”

Matiu 10:42

Nɛ ekama malɛ nɛ e ta nchu nuuso wushiso gbrɛbi kama n sa ma mbibi ere be ekama ŋkpal amodoŋwura ka la ma ebɛsopo so, abaanaaworasheŋ, esa nɛ e bee sa mo nchu na beeŋ nya kumo be tɔnɔ.”

Ditɛronɔmi 14:29

Le be ajibi ere la Livaiebi nɛ b maŋ kɔ bumo gbagba be nsawule na, nɛ befɔ, nɛ amunibi, nɛ bekulpoche, nɛ b wɔ menyi be nde to na peya nna. Saŋɛ na so, bumo alɛ gba beeŋ nya n ji yɛlayɛlaso. Men baa wora loŋ nɛ Enyɛnpe menyi be Ebɔrɛ na e nɛfa menyi ashi kusɔ kama nɛ menyee wora to.

Ditɛronɔmi 28:8

Enyɛnpe Ebɔrɛ na beeŋ nɛfa menyi be ashuŋ nseŋ shin nɛ menyi be mpuro e bɔlɔ ayu ashi kasawule nɛ e ta a sa menyi ere so.