Aŋasa 3:1 - EBƆRƐ BE KAWƆL

¹ M pibinyɛn, sa maŋ kaŋ teŋ asɔ nɛ mee ŋini fo na so. Baa nyiŋi asɔ nɛ mee kaŋɛ fo fanɛ fo baa wora na saŋkikɛ.

Aŋasa 3:1 ပူးပေါင်းရင်းမြစ်များ

Nshɛ 119:11

N ta fo mbra nna n wɔtɔ ma kagbene to, saŋɛ na so m maaŋ wora kulubi ŋ gbiti fo.

Nshɛ 119:153

Keni awurfoŋ nɛ mee ji so nseŋ mɔlga ma, ŋkpal manɛ so, m maŋ teŋ fo mbraana so.

Nshɛ 119:16

Ma kagbene bee fuli fo mbra so nna; ma alɛ maaŋ teŋ fo mmalga so kikɛ.

Nshɛ 119:176

N la fo kayɛrbi nna nseŋ foe n luri to fanɛ kubolpɔ. Amoso jande fin ma, ŋkpal manɛ so, m maaŋ teŋ fo mbraana so kikɛ.

Nshɛ 119:34

Chɛ ma to nɛ m pin fo mbra to nseŋ wora kumo kasonu; saŋɛ na so, meeŋ ta ma kagbene kikɛ m bɛ kumo so.

Nshɛ 119:61

Hale nɛ kumukpakpasowuraana ta efɔl ŋ kre ma gba, m maaŋ teŋ fo mbra so.

Nshɛ 119:93

M maaŋ teŋ fo keŋini so kikɛ; ŋkpal manɛ so, amo nɛ fo bɔla so n sa ma ŋkpa nɛ n wɔtɔ.

Nshɛ 91:16

Meeŋ sa fo ŋkpa tenteŋ nseŋ ŋini fo ma kumɔlga.”

Ɛksodɔs 20:6

Ama mee ŋini basa nɛ baa sha ma nsaa bɛ ma mmalga nasesoana so na ma kasha nɛ k maa chɛrga na nna.

Aŋasa 1:8

M pibinyɛn, kaŋ kusoe n nu fo tuto be kusɔ nɛ e bee kaŋɛ fo, nsaa maŋ kplaŋ fo nio be ŋini gba so.

Aŋasa 16:31

Kumu fuful la kemankura be kuwurwuro nna, basa nɛ baa wora asheŋ niŋiso nawule e naa buu kumo.

Aŋasa 2:1

M pibinyɛn, baa koya asɔ nɛ mee ŋini fo nsaa nyiŋi asɔ nɛ ŋ kaŋɛ fanɛ fo baa wora na saŋkikɛ.

Aŋasa 23:26

M pibi baa kaŋ kusoe a nu ma mmalga, nsaa wora ma asheŋ woraso.

Aŋasa 31:5

Nɛ mannɛ aloŋ baaŋ boo nseŋ teŋ efuli be mbra nɛ edaŋkaresheŋ so nsaa maaŋ tiŋ n ji kashenteŋ n sɔ bumo nɛ basa bee mɛaŋ na n yige.

Aŋasa 4:2

Asɔ nɛ a walɛ nɛ mee ŋini menyi; amoso men baa nyiŋi amo.

Aŋasa 4:21

Sa maŋ shin nɛ ma mmalga na e barga fo. Baa nyiŋi amo nseŋ ta amo n wɔtɔ fo kagbene to saŋkama.

Aŋasa 4:5

Nya kanyiasheŋ nɛ lakal, n sa maŋ teŋ ŋko ŋ kplaŋ asɔ nɛ ŋ kaŋɛ fo na so.

Aŋasa 8:1

Nu nfe, kanyiasheŋ e naa tre na. Lakal e naa kaŋɛ awɔrso fanɛ fo nu n sa mo na.

Aŋasa 9:1

Kanyiasheŋ pɔr kumo be ebu nna n yili eshabɔrɛ ashunu so.

Aizaaya 51:17

Jerusalɛm to ebi, men koso! Kasogberge nɛ Enyɛnpe Ebɔrɛ na nya agbo n shin nɛ k ba menyi so na shi ga. Kasogberge na shin nna nɛ menyee nite a lente fanɛ basa nɛ b boo nsa na.

Jɛremaya 31:33

Kɔnɔkoŋwule be ŋkre popɔr nɛ ma nɛ Israɛl be basa beeŋ wora na e la fanɛ, meeŋ ta ma mbra n wɔtɔ bumo be nfɛra to nseŋ sibɛ kumo n wɔtɔ bumo be ŋgbene to. Meeŋ baa la bumo be Ebɔrɛ nɛ bumo alɛ e baa la ma basa.

Hoziya 4:6

Ma basa bee mur nna ŋkpal b ka kini ma so. Menyi bɔrɛmatapoana gba kini ma nseŋ kini ma keŋini gba n ti so. Ŋkpal loŋ so nɛ ma alɛ gba kini menyi na. M maaŋ naŋ wu menyi be mbinyɛnsobi gba fanɛ b la bɔrɛmatapoana.

Ditɛronɔmi 4:23

Amoso, men baa da so nɛ menyi maaŋ teŋ menyi nɛ Enyɛnpe Ebɔrɛ na be kɔnɔkoŋwule be ŋkre na so. Men baa wora mbe mbraana kasonu nsaa maŋ kaŋ shuŋ kegbir be yiri kikɛ,

Ditɛronɔmi 4:9

Amoso, men baa da so nɛ menyi maaŋ teŋ asheŋ nɛ men wu Ebɔrɛ ka wora n sa menyi ere so. Men baa nyiŋi menyi be amu nsaa kaŋɛ menyi be mbia nɛ benanabiana amo be asheŋ.

Ditɛronɔmi 5:16

Men baa bunyaŋ men tutoana nɛ men nioana, fanɛ kananɛ ma, Enyɛnpe, menyi be Ebɔrɛ na yili n sa menyi na; saŋɛ na so, asheŋ beeŋ nyalɛ n sa menyi nɛ menyi alɛ e chena kasawule nɛ n ta a sa menyi ere so n chɛr.

Ditɛronɔmi 5:33

Men baa bɛ amo kikɛ so, saŋɛ na so, asheŋ beeŋ nyalɛ n sa menyi nɛ men tiŋ n chena kasawule nɛ Enyɛnpe, menyi be Ebɔrɛ na bee ta a sa menyi na so n chɛr.

Ditɛronɔmi 8:1

Mosis daŋ kaŋɛ le nna: “Men baa wora mbraana nɛ n ta a sa menyi kabre ere kikɛ kasonu kashenteŋto, saŋɛ na so menyeeŋ baa wɔ ŋkpa to nseŋ wora keshi n ti so nseŋ tiŋ ŋ kɔ n sɔ kasawule nɛ Enyɛnpe Ebɔrɛ na nase kumo be kɔnɔ n sa men nananyɛnana na n chena so.