Aŋasa 28:4 - EBƆRƐ BE KAWƆL

⁴ Basa nɛ baa wora a da mbra so e naa ji a chɛ belubiworapo to. Basa nɛ baa bɛ mbra so bre maa sha belubiworapo be asheŋ.

Aŋasa 28:4 ပူးပေါင်းရင်းမြစ်များ

1 Bewura 18:18

Nɛ anebi Elaija malɛ kaŋɛ le: “M maŋ la esa nɛ mee ku asheŋ. Fo nɛ fo tuto e naa ku asheŋ, nseŋ kini kebaanu a sa Enyɛnpe Ebɔrɛ nsaa shuŋ Baal be kegbir na.

1 Bewura 18:21

Nɛ anebi Elaija yɔ basa na kutɔ n ya kaŋɛ bumo le: “Nchɛ afanɛ nɛ men yɛ men ta n yili men be kagbene kukoŋwule? Nɛ Enyɛnpe na e la Ebɔrɛ, men baa shuŋ mo! Nɛ Baal malɛ e la Ebɔrɛ kumo ere men baa shuŋ mo alɛ gba!” Ama basa na daa maŋ tuge shɛŋ.

Nehemaya 13:15

Ma alɛ daŋ naŋ dara m pin kusɔ nɛ Juda be basa na bee wora Kewushiachɛ na. Mannɛ kebaachichi asɔrso nɛ baa tre greep na so a wora yabra nawule nɛ b daa wora ama b daa teŋi ayu, nsaa chuge egreep nɛ figi be asɔrso nɛ adɔjibi pɔtɛana kikɛ n ti so nna Kewushiachɛ na. Bumo alɛ daa naa ta ekurma a sulɔ amo nna a yɔ Jerusalɛm n ya ka fa. Amoso n daŋ kpele bumo kusoe nna fanɛ b sa maŋ naa fa ajibi Kewushiachɛ.

Nehemaya 13:28

Joida nɛ mo tuto la bɔrɛmatapo nimuso Eliashib na pibinyɛn ko daŋ ta Sanballat nɛ e shi Bɛf Hɔrɔn na pibiche nna nɛ n ju mo pibinyɛn na n lar Jerusalɛm to.

Nshɛ 10:3

Belubiworapo bee ji njɔŋ nna ŋkpal bumo be aparsheŋ lubi so. Nɛ kejimuniwuraana malɛ kishi fo nsaa shoduu fo.

Nshɛ 49:18

Nɛ dimɛdi baa kɔ ŋkpa, nɛ asheŋ bee nite nɛnɛ a sa mo nɛ basa bee fur mo, k bee wora mo ebel nna.

Jɛremaya 5:30

Kesheŋ lubi ko nɛ k bee jija kagbene nsaa mɔ kɔnɔ wora kasawule na so.

Matiu 14:4

Le nɛ Jɔn kabɔrɛbɛrpo daa kaŋɛ Hɛrɔd: “K maŋ daga fo ka ta fo sipo Filip be eche.”

Matiu 3:15

Ndoŋ nna nɛ Yesu kaŋɛ mo le: “Sa maŋ kuŋ ma kumo be ekpa naniere, ŋkpal manɛ so, loŋ e daga fanɛ an wora asheŋ nɛ a bɔla ekpa nɛ Ebɔrɛ nase na kikɛ.” Ndoŋ nna nɛ Jɔn shuli m bɛr mo kabɔrɛbɛr na.

Matiu 3:7

Jɔn ka wu Efarisi nɛ Esadusi damtaana ka bee ba mo kutɔ nɛ e bɛr bumo kabɔrɛbɛr, nɛ e bishi bumo le: “Awɔ lubi be mbia ere, wanɛ e ŋini menyi fanɛ menyeeŋ tiŋ ŋ gelge Ebɔrɛ be agbo nɛ k bee ba basa so na?

Ashuŋ Shunso 12:22

Nɛ basa na malga eleŋso ŋ kaŋɛ: “Mannɛ nyiŋgbasa e naa malga ere. Ebɔrɛ ko nna.”

Ashuŋ Shunso 15:2

Ndoŋ nna nɛ b kpal loŋ so n ji Pɔɔl nɛ Baanabas emɔrɔ kpakpaso ga nseŋ yili kumo fanɛ Pɔɔl nɛ Baanabas nɛ Antiɔk be basa na be beko e yɔ Jerusalɛm nɛ bumo nɛ beshuŋipo na nɛ benimuana na e ya malga demu na be asheŋ.

Ashuŋ Shunso 19:9

Ama bumo be beko daŋ ta amu kpakpaso ŋ kini kenu nseŋ malga mmalga lubi basa na kikɛ to ŋ gbiti ekpa nɛ Enyɛnpe bee ŋini na. Nɛ Pɔɔl yige bumo nseŋ keta beyirdapoana na nɛ b wɔtɔ a shɛr kachɛ kama a ber abɔrɛsheŋ na be bare ashi lambu nɛ Tiranes daa shɛr basa a malga a sa bumo na to.

Romebi 1:32

B nyi Ebɔrɛ be mbra na ka bee kaŋɛ fanɛ bekama nɛ b wɔ le be kebaawɔtɔ ere to daga luwu, ama b kraŋ pere kenishi nna a wora amo nsaa leŋ basa pɔtɛ gba to a wɔtɔ loŋ be asheŋ na be kewora to.

Ɛfesesebi 5:11

Men shin nɛ men be asheŋ e sa maa wɔ tentembiri be chilchil be asheŋ woraso to, ama men baa lara loŋ be asheŋ na efuli.

1 Tɛsalɔnikaebi 2:2

Men nyi kananɛ b tɔrɔ anyi n tege anyi ashi Filipai pɔɛŋ nɛ an ba menyi kutɔ ashi Tɛsalɔnika. Kɔnɔgberge damta daa wɔtɔ, ama anyi be Ebɔrɛ sa anyi kenyɛn nɛ an bɔ kubɔya lela nɛ k shi mo kutɔ na n sa menyi.

1 Jɔn 4:5

Durnya ere to be basa e la bumo, amoso, durnya ere to be mmalga nɛ baa malga nɛ durnya ere to ebi malɛ bee nu bumo be mmalga na.

Juud 1:3

Ma beshapo, k daa wɔ ma kagbene to nna ga fanɛ n sibɛ ŋ kaŋɛ menyi kumɔlga mo nɛ an kikɛ kɔ na be asheŋ, ama n naŋ wu fanɛ a daga fanɛ n sibɛ menyi ŋ kule menyi ga fanɛ men baa wora ania a kɔ a sa abɔrɛsheŋ mo nɛ an yirda nɛ Ebɔrɛ ta kela koŋwule pati m bɔɔ mbe basa laraso enɔ na.