Aŋasa 27:8 - EBƆRƐ BE KAWƆL

⁸ Esa baŋ lar laŋ to, e du nna fanɛ kabuibi ka lar kesha to na.

Aŋasa 27:8 ပူးပေါင်းရင်းမြစ်များ

Jɛnesis 21:14

Ebɔrɛ ka malga loŋ ŋklade chipurdidi nɛ Eebraham ta ajibi nɛ deŋkeŋ nɛ nchu n sa Heega. E daŋ ta amo kikɛ nna n di mo nseŋ ju mo nɛ mbe kebia na fanɛ b baa yɔ. Ndoŋ nna nɛ Heega lar m pɛ ekpa n ya kaa na Bɛshiba be kiyi to a kilgi to.

Jɛnesis 4:16

Ndulgi na be kaman nɛ Keen lar Enyɛnpe Ebɔrɛ na kutɔ n ya kaa wɔ Nɔd be kasawule so. Ndoŋ daa wɔ Iden be epeŋipetekpa be kaba so nna.

1 Bewura 11:22

Ndoŋ nna nɛ Ijipt be ewura na bishi mo le: “Fee sha kusɔ ko nna nɛ m mɔn fo so nɛ fee sha kebɛta n yɔ epe a?” Nɛ Hadad kaŋɛ ewura na le: “M-m, m baa sha nɛ n yɔ nna.” Nseŋ bɛta n yɔ mbe kade to.

1 Bewura 19:9

Kumo be kanyɛso nɛ e yɔ kebeelaŋ to n ya dese a di. Ndoŋ nɛ e wɔ nɛ Enyɛnpe Ebɔrɛ na bishi mo le: “Elaija manɛ nɛ fee wora nfe?”

Aŋasa 21:16

Esa nɛ e maa pin asheŋ to maa chɛr nsaa luri luwu to.

Aŋasa 26:2

Kɔnɔsho nɛ k maŋ bɛ ekpa so maaŋ tiŋ m pɛ esa. K du nna fanɛ mbuibi ka firgi a choŋ na.

Aŋasa 27:7

Fo baŋ ji m moɛ, mushoŋ gba maŋ naa wora fo keji, ama nɛ akoŋ kɔ fo feeŋ ji ajibi kama.

Aizaaya 16:2

Mowab be beche nɛ baa dii lɔr nɛ baa tre Aanɔn na du fanɛ mbuibi nɛ b jija bumo be asha to nna.

Jona 1:3

Nɛ Jona kini nseŋ shile Enyɛnpe Ebɔrɛ na. E daŋ yɔ kade ko nɛ baa tre Jɔpa nna n ya luri nchu so be kuloŋgboŋ ko nɛ k bee yɔ kadegboŋ ko nɛ baa tre Tashish ashi Speen be efuli so na to.

1 Kɔrintebi 7:20

Kanaŋkama nɛ ekama daa du pɔɛŋ nɛ Ebɔrɛ daŋ tre mo, e baa kraa du loŋ.

Juud 1:13

B du fanɛ teku so be atili lubi nna a shin nɛ bumo be anishinyɔr bee kaa fanɛ atili na be eyurpi. Bumo alɛ naa du fanɛ achɛkpabi mo nɛ a bee tia a tia ashi amo be mboŋana nna. Ebɔrɛ malɛ lɔŋɛ kakpa nna n yili bumo nɛ b ya kaa wɔ ndoŋ mbaanaayɔ ashi tentembiri mina to.

1 Samuɛl 22:5

Ndoŋ nna nɛ anebi Gad kaŋɛ Deevid le: “Sa maŋ chena nfe. Bɛta n yɔ Juda be kasawule so manaŋ.” Nɛ Deevid lar n yɔ Hɛrɛf be kupo to.