Aŋasa 27:18 - EBƆRƐ BE KAWƆL

¹⁸ Fo baŋ keni kedibisɔrso so nɛnɛ feeŋ ji kumo be asɔrso. Fo baŋ keta fo nyɛnpe nɛnɛ feeŋ baa nya kechɔrɔ saŋkama.

Aŋasa 27:18 ပူးပေါင်းရင်းမြစ်များ

2 Bewura 18:31

Men sa maŋ nu n sa Hɛzekaya! Men nu n sa ma efuli so be ewura. Nɛ men ta menyi be amu n sa mo, e beeŋ shin nɛ men ba kraa kɔ menyi be waindibi be adɔana nɛ efigi be ndibi be asɔrso nsaa nuu menyi be atirbu to be nchu

2 Bewura 3:11

Nɛ Jehoshafat bishi: “Anebi kikɛ maŋ wɔ nfe nɛ anyeeŋ yɔ mo kutɔ n ya sɔ Enyɛnpe Ebɔrɛ be nfɛra a?” Ndoŋ nna nɛ Joram be benapo be enimu ko kaŋɛ: “Shafat pibinyɛn Elaisha nɛ e daa la anebi Elaija be echɛtopo na wɔ an kutɔ nfe.”

2 Bewura 5:25

Kede be kaman nɛ Gehazi bɛta n yɔ laŋ to Elaisha kutɔ nɛ Elaisha bishi mo le: “Nnɛ nɛ fo shi?” Nɛ e yɛ: “N nyɛnpe, maŋ shi kaplɛkama.”

2 Bewura 5:27

Ŋkpal kusɔ nɛ fo wora ere so Neeman be keboti ere beeŋ pɛ fo nseŋ ki fo nɛ fo kaman to ebi be kulɔ mbaanaayɔ.” Gehazi ka lar Elaisha kutɔ nɛ keboti pɛ mo, epul to nɛ mbe kayurwule kikɛ fuli parr fanɛ ketebi.

Ɛsta 6:11

Ndoŋ nna nɛ Heman ta ewura be piŋi m buu Mɔdikaya nseŋ shin nɛ e chena gbaŋɛ nɛ b mɛa to fanɛ ewura peya na so nɛ e juŋkpar a nite a gberge Mɔdikaya nɛ gbaŋɛ na a kulti kade na to a kaŋɛ awɔrso le: “Men keni kananɛ ewura bee ta esa a yili bunyaŋ be eyilikpa!”

Nshɛ 123:2

Mbita bee keni bumo b bechepeana be anishito nna. Ama anyi ere bee keni fo, Enyɛnpe, anyi be Ebɔrɛ na, nɛ fo wu anyi kuwɔr nna.

Ɛksodɔs 24:13

Ndoŋ nna nɛ Mosis nɛ mbe kayɛrbi Joshuwa wora shiriya nɛ Mosis dii n yɔ Ebɔrɛ be kebee na so.

Aŋasa 17:2

Kenya nyiashempo bee ji ebi wulpo so kuwura nna, nɛ mo nɛ bibi e barga kapetɛ to.

Aŋasa 22:29

Nɛ fo baa shuŋ fo kushuŋ nɛnɛ, bewura nɛ feeŋ baa shuŋ a sa mannɛ bebɔlpo.

Aŋasa 27:17

Kananɛ baa ta kebɛlso a yee kebɛlso na, aloŋ nɛ beteri bee chɛrga abar be nfɛra.

Aŋasa 27:19

Kananɛ fee keni nchu kleŋklembi to a wu fo kumu na, aloŋ nɛ fo kagbene bee ŋini esa nɛ e la fo kashenteŋto.

Sɔlɔmɔn 8:12

Ewura Sɔlɔmɔn beeŋ tiŋ a kɔ mbe gbiti be ndarbi, nɛ basa na malɛ e baa kɔ bumo be tɔnɔ. Ama ma ere be asɔrso nɛ baa tre greep be kudɔbi na la n nawule peya nna Eshaponyɛnso na

Aizaaya 36:16

Men sa maŋ nu n sa ewura Hɛzekaya! Men nu n sa ma ewurgboŋ na. Menyi alɛ e ta menyi be amu n sa mo. E beeŋ shin nɛ men baa kraa kɔ menyi be waindibi be adɔana nɛ efigi be ndibi be asɔrso a ji nsaa nu menyi be atirbu to be nchu

Matiu 24:25

To, n wule ŋ kaŋɛ menyi n yili nna na.

Matiu 24:46

Amo be kenya na mo nyɛnpe baŋ yɔ kakpa ko m bɛta m ba tu mo nɛ e bee wora kusɔ kama nɛ kumo be ekpa so, kenya na beeŋ nya kechɔrɔ ga.

Maak 10:43

Ama menyi ere to mannɛ aloŋ nɛ k du. Nɛ men be ekama bee sha kenimu, a daga e ka ki bumo nɛ b ka na be kayɛrbi.

Luuk 12:37

Bumo nɛ bumo nyɛnpe na beeŋ ba tu nɛ b bela ase a jo mo nsaa keni na beeŋ nu ebel ga. Enyɛnpe na gbagba beeŋ shin nɛ b chena nɛ e kre so n wora ajibi n sa bumo.

Luuk 12:42

Nɛ Enyɛnpe na bishi bumo: “Esa mo e la kenya nyiashempo nɛ e maŋ kɔ kebirkɔnshi, emo nɛ mo nyɛnpe na beeŋ shin nɛ e baa keni mbe anya kikɛ so nsaa sa bumo bumo be ajibi saŋɛ nɛ a daga na?

Luuk 19:17

Nɛ enyɛnpe na kaŋɛ mo: ‘Mbo, kenya lela, fo wora asɔ. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo, amoso, naniere n sa fo nde kudu nɛ fo baa keni so.’

Baru lela nɛ Jɔn kute na 12:26

Esa kama nɛ e bee shuŋ ma, e baa bɛ ma so nɛ kaplɛkama malɛ nɛ n wɔ, ndoŋ nɛ ma kenya gba beeŋ baa wɔ. N Tuto malɛ beeŋ bunyaŋ esa kama nɛ e bee shuŋ ma.”

Ashuŋ Shunso 10:7

Kede be kaman nɛ malaika nɛ e daa malga mo kutɔ na yige mo nseŋ yɔ nɛ Kɔɔnilias tre mbe laŋ to be nyɛrbi anyɔ ko nɛ enapo ko nɛ e daa la abɔrɛshenshapo nsaa la bumo nɛ b daa shuŋ a sa Kɔɔnilias gbagba na be eko

1 Kɔrintebi 3:8

Esa nɛ e bee duu nɛ emo nɛ e bee wurge so nchu na kikɛ sasa nna. Kananɛ ekama malɛ bee shuŋ mbe kushuŋ so nɛ baaŋ yili ŋ ka mo kukɔ.

1 Kɔrintebi 9:13

Men maŋ nyi fanɛ basa nɛ baa shuŋ bɔrɛlambu to bee nya bumo be keji nna ashi bɔrɛlambu na to nɛ bumo nɛ baa shuŋ bɔrɛsure akpa na malɛ gba bee nya bumo be kachige ashi asɔ nɛ baa ta a lara esarga na to a?

1 Kɔrintebi 9:7

Soja mo gbagba e naa ka mo gbagba be kumu ashi kushuŋ na to? Esa mo e naa duu ndibi sɔrso nɛ a baa wora nɛ e maaŋ ji amo be asɔrso na? Esa mo e naaŋ baa keni ana so ŋkaa maaŋ baa nyaŋ amo kenyipo?

Kɔlɔsiebi 3:22

Anya, men baa bunyaŋ men nyɛnpeana kusɔ kama to, mannɛ fanɛ men ya kaa shuŋ nɛ baa keni menyi so nawule ŋkpal men ka baa sha men be asheŋ e baa par bumo so, ama men baa kɔ kagbene koŋwule a shuŋ ŋkpal men ka bee bunyaŋ Enyɛnpe Yesu Kristo na so.

2 Timoti 2:6

Baa kraa nyiŋi fanɛ edɔpo nɛ e bee shuŋ kushuŋ na ga na gbagba nawule e kɔ ekpa nɛ e tiŋ n fara a ji mbe adɔjibi popɔr.

1 Pita 2:18

Anya, men baa nu a sa men nyɛnpeana nsaa sa bumo bunyaŋ kikɛ nɛ k daga, mannɛ bumo nɛ b la benyɛnpe lela nsaa shu basa so na nawule, bumo nɛ b du nyaŋnyaŋ na gba ti so.

1 Pita 2:21

Kashenteŋto malɛ, loŋ so nɛ Ebɔrɛ tre menyi, ŋkpal manɛ so, loŋ nɛ Kristo gba ji tɔrɔ m bugi loŋ be ekpa na n nase fanɛ men bɛ mbe aya so.

1 Samuɛl 2:30

Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.