Aŋasa 24:7 - EBƆRƐ BE KAWƆL

⁷ Ewulpo maaŋ tiŋ m pin kanyiasheŋ be mmalga to. B baa malga kenishipere be mmalga ewulpo maŋ kɔ shɛŋ a kaŋɛ.

Aŋasa 24:7 ပူးပေါင်းရင်းမြစ်များ

Job be kawɔl 31:21

Nɛ fanɛ n daŋ puni kumunibi ko, ŋkpal ŋ ka nyi fanɛ meeŋ tiŋ n ji m bri mo demujikpa so,

Job be kawɔl 5:4

Bumo be mbia maŋ nya esa nɛ e beeŋ kuŋ bumo; esa malɛ kikɛ maŋ yili bumo be kaman ashi demujikpa.

Nshɛ 10:5

Ama saŋkikɛ asheŋ bee nite nɛnɛ nna a sa bumo. Bumo be shɛŋ maŋ wɔ fo mbra to; bumo alɛ naa keni bumo doŋana jiga nna saŋkikɛ.

Nshɛ 127:5

Kagbenefuli la ekama nɛ e kɔ mbia damta na peya nna, ŋkpal manɛ so, baaŋ kuŋ mo, jemanɛ nɛ mo doŋana beeŋ tu mo a ji asheŋ ashi demujikpa na.

Aŋasa 14:6

Shiaworapo maaŋ tiŋ n nya kanyiasheŋ kikɛ ama lakalwura bre bee nya kenyi manaŋ manaŋ nna.

Aŋasa 15:24

Ekpa nɛ benyiashempo bɔ bee yɛr bumo ŋkpa to nna, mannɛ luwu to.

Aŋasa 17:16

Amansherbi be kejija a laŋɛ ewulpo be kekoya so maŋ kɔ tɔnɔ, ŋkpal manɛ so ewulpo maaŋ tiŋ ŋ koya shɛŋ.

Aŋasa 17:24

Enyiashempo kikɛ bee pin kusɔ nɛ k daga kewora nna; ama ewulpo bre maa tiŋ a yili mbe nfɛra kukoŋwule.

Aŋasa 17:7

Kananɛ kamalga nɛ k bee lar anishi maaŋ tiŋ n shi ewulpo be kɔnɔ to na; aloŋ nɛ efɛ maŋ daga ewurjipo be kɔnɔ to.

Aŋasa 22:22

Sa maŋ puni esa ŋkpal e ka la etirpo so, ŋko m mutir esa ashi demujikpa ŋkpal e ka maŋ kɔ shɛŋ so.

Aŋasa 28:5

Belubiworapo maŋ nyi kananɛ baa wora asheŋ nɛ amo be ekpa so, mannɛ aloŋ nɛ bumo nɛ baa ŋana Enyɛnpe Ebɔrɛ bre du.

Aŋasa 31:23

Mo kul bee nya kemaŋkura nna nsaa tiŋ a luri kade be benimu to.

Aizaaya 29:21

Ebɔrɛ beeŋ mur bekama nɛ baa ku efɛ a jija beko be atre, nɛ bumo nɛ baa kuŋ belubiworapo ashi kasogberge to na. E beeŋ mur bekama nɛ baa ku efɛ demujikpa a shin nɛ basa nɛ baa ji kashenteŋ maa nya kashenteŋ na gba.

Aizaaya 32:6

Bewulpo bee malga kawuli be mmalga nna nsaa kre asheŋ lubi be kewora be nia. Kusɔ kama nɛ baa wora ŋko a kaŋɛ la katege nna n sa Enyɛnpe Ebɔrɛ na. Bumo alɛ maa sa basa nɛ akoŋ kɔ ajibi ŋko basa nɛ achukoŋ kɔ nchu.

Eemɔs 5:10

Menyi Israɛlebi kishi basa nɛ b maa da a buu alubi so nsaa ji asheŋ nɛ amo be ekpa so nna.

Eemɔs 5:12

N nyi men be alubi damta nɛ menyee wora, nsaa nyi kananɛ menyee puni nsaa tɔrɔ basa lela. Menyee sɔ brɔbu nna nsaa ji betirpo durmu ashi demujikpa.

Eemɔs 5:15

Men kishi kulubi, nsaa wora kelela. Men baa kɔ a fin asheŋ be keji nɛ amo be ekpa so ashi men be edemujikpa. Ashere Enyɛnpetale na beeŋ wu efuli ere be bekama nɛ b kraa wɔ ŋkpa to ere kuwɔr.

1 Kɔrintebi 2:14

Durnya ere to be esa bre maaŋ tiŋ n nya asɔ nɛ a bee shi Ebɔrɛ be Kiyoyu na kutɔ. Kashenteŋto, a la kawulisheŋ nna n sa mo nɛ e maaŋ tiŋ m pin amo to kikɛ, ŋkpal manɛ so, Kiyoyu na nawule e naaŋ tiŋ ŋ ŋini mo amo be asheŋ.