Aŋasa 24:16 - EBƆRƐ BE KAWƆL

¹⁶ Basa niŋiso bee tɔr alɛ damta nsaa koso ama tɔrɔ baŋ ba alubiworapo bre so nɛ e tɔr kela koŋwule gba e maaŋ naŋ tiŋ n niŋi to kikɛ.

Aŋasa 24:16 ပူးပေါင်းရင်းမြစ်များ

Jɛnesis 19:35

Kumo be kanyɛso nɛ b naŋ shin nɛ bumo tuto naŋ nuu nsa. Nɛ mo pibiche kekarkarso na malɛ luri mo to nɛ mo nɛ mo di keche nɛ kenyɛn. Kumo alɛ gba ŋkpal e ka daŋ nuu nsa na ga so, e daa maŋ pin saŋɛ nɛ mo nɛ mo alɛ gba di.

Ɛsta 7:10

Nɛ b ya chɛ Heman efɔl n shiga kedibi nɛ e yuu fanɛ b chɛ Mɔdikaya n shiga so na so. Nɛ ewura na be kagbene wushi mo.

Job be kawɔl 5:19

Saŋɛ kikɛ Ebɔrɛ beeŋ baa lara fo ashi etɔrɔ damta nɛ a bee bar fo kagbenejija ga ere kikɛ to.

Nshɛ 34:19

Basa lela bee kaa nya etɔrɔ damta nna. Ama Enyɛnpe Ebɔrɛ na beeŋ mɔlga bumo ashi etɔrɔ na kikɛ to.

Nshɛ 34:21

Alubiworapoana be asheŋ lubi bee kilgi nna a ji bumo. Ebɔrɛ beeŋ gberge bekama nɛ b kishi mbe basa kusoe.

Nshɛ 37:24

E fiti gba, e maaŋ tɔr; ŋkpal manɛ so, Enyɛnpe Ebɔrɛ gbagba e naŋ pɛ mo to n yili.

Nshɛ 52:5

Kashenteŋto, Ebɔrɛ beeŋ jija fo mbaanaayɔ; E beeŋ to m pɛ fo to ŋ gberge fo n lar fo laŋ to. E beeŋ tia fo ashi basa keniso be kasawule so.

Nshɛ 7:16

Bumo gbagba be alubi beeŋ laŋɛ n deŋi bumo be amu so, nɛ kananɛ baa tintiŋ basa a shin nɛ baa wora asheŋ na e laŋɛ bumo so.

Nshɛ 79:12

O Enyɛnpe Ebɔrɛ, fo e naaŋ ka efuli pɔtɛana nɛ a kulti anyi ere kukɔ ale shunu so; ŋkpal b ka tege fo na so.

Aŋasa 13:17

Kabɔ wulpo e naa bar kebagato, ama kabɔ nɛ e bee ji kashenteŋ bre bee bar kayurwushi nna.

Aŋasa 13:21

Kumu lubi e ju a buu alubiworapoana so, ama basa nɛ baa wora asheŋ niŋiso bre be kakɔka la kumulela nna.

Aŋasa 14:32

Belubiworapo gbagba be asheŋ lubi e naa mur bumo, ama belelaworapo bre be alela e naa kuŋ bumo.

Aŋasa 24:22

Wanɛ e nyi tɔrɔ nɛ Enyɛnpe Ebɔrɛ ŋko ewura beeŋ sa bumo?

Aŋasa 6:15

Ŋkpal loŋ so tɔrɔ nɛ k bee yɛr basa kemur to na, beeŋ tɔr bumo so m mur bumo saŋɛ nɛ b maa tama kumo na.

Jɛremaya 18:17

Meeŋ shin nɛ ma basa e pesaŋ to ashi bumo doŋana be anishito fanɛ kalabɛr nɛ epeŋilarkpa be afu bee chela a yɔ na. Meeŋ pal kaman n sa bumo. Kemurgboŋ be jemanɛ, m maaŋ chɛ bumo to.”

Jɛremaya 8:4

Kumo be kaman nɛ Enyɛnpe Ebɔrɛ na kaŋɛ ma fanɛ ŋ kaŋɛ mbe basa le: “Nɛ esa baŋ tɔr, e maŋ naa kpa a ŋini to nna a? Nɛ esa baŋ foe ekpa, e maŋ naa bɛta mbe ayamu so nna a?

Ezikɛl 7:5

Le nɛ Enyɛnpetale Ebɔrɛ na bee kaŋɛ: “Aleblawu nɛ ekama maŋ naŋ nu kumo be asheŋ bee ba!

Eemɔs 5:2

Ma eshapo lela Israɛl, tɔr a dese kasawule, a maŋ naŋ tiŋ nɛ e koso! Nɛ b kplaŋ mo so ashi mo gbagba be efuli so. Esa kama maŋ chɛ mo to nɛ e niŋito.

Eemɔs 8:14

Bekama nɛ baa bɔ agbir nɛ a wɔ Samɛria na nɛ kegbir nɛ k wɔ Dan na ŋko kegbir nɛ k wɔ Bɛshiba na, beeŋ tɔr a maaŋ naaŋ koso kikɛ.”

Nɔmbɛs 32:23

Ama nɛ men baa maŋ bɛ men be kɔnɔ naseso ere so bre, menyeeŋ wora alubi ŋ gbiti Enyɛnpe Ebɔrɛ na nsaa beeŋ nya kumo be kasogberge.

Ashuŋ Shunso 12:23

Epul na to nɛ Enyɛnpe be malaika ba ta kulɔ n lɛ Hɛrɔd so ŋkpal e ka maŋ ta kemaŋkura na n sa Ebɔrɛ so. Ashushombi e daŋ ji mbe eyur nɛ e wu.

1 Tɛsalɔnikaebi 5:3

Saŋɛ nɛ basa ya kaa kaŋɛ: “Naniere bre kaboŋ nyalɛ nɛ kagbenewushi ba,” epul na malɛ to nɛ kemur be tɔrɔ beeŋ tɔr bumo so fanɛ kananɛ kakurge be ebesa bee purgi edampoche na. Bumo be ekama maaŋ lar.

1 Samuɛl 26:10

Enyɛnpe Ebɔrɛ nɛ e la ma shɛdajipo ere be ketre to, n nyi fanɛ mo ere Enyɛnpe Ebɔrɛ na gbagba beeŋ shin nɛ Sɔɔl e wu saŋɛ ŋko kachɛ nɛ e yili n sa mo ŋko n shin nɛ b mɔ mo kena to.

1 Samuɛl 31:4

Nɛ Sɔɔl kaŋɛ enapo nɛ e bee keta mbe akɔsɔ na le: “Ta fo tokobi m mɔ ma! Ŋkpal manɛ so, m maa sha Filistiebi, nnyamase ere ka mɛaŋ ma m mɔ.” Ama enapo na daŋ kini kewora loŋ nna ŋkpal kufu ka daŋ pɛ mo ga so. Ndoŋ nna nɛ Sɔɔl ta mo gbagba be tokobi be kumu ase n yuu kasawule nseŋ tɔr kumo so.