Aŋasa 24:12 - EBƆRƐ BE KAWƆL

¹² Nɛ fo kaŋɛ fanɛ k maŋ la fo asheŋ, Ebɔrɛ nɛ e nyi nfɛra nɛ aworbi na bre nyi kusɔ so so nɛ fee wora kusɔ kama. Mo alɛ e naŋ ka fo kusɔ kama nɛ fo wora be kukɔ.

Aŋasa 24:12 ပူးပေါင်းရင်းမြစ်များ

Job be kawɔl 34:11

Ekama be kusɔ nɛ e wora nɛ Ebɔrɛ bee keni so, nsaa ka amodoŋwura kukɔ.

Nshɛ 121:3

E maaŋ shin nɛ fo fɛrge n tɔr; Edi maa la fo ekumpo na.

Nshɛ 121:8

Fo keyɔ nɛ keba kikɛ to, mo e naaŋ baa kuŋ fo mbaanaayɔ.

Nshɛ 17:3

Fo nyi ma kagbene to. Fo wora ma ŋ keni kanyɛso n wu fanɛ maŋ wora n jija. N yili kumo ma kagbene to fanɛ m maaŋ ku efɛ kikɛ.

Nshɛ 44:21

fo daŋ beeŋ pin; ŋkpal manɛ so, fo nyi kagbene to be ashiri kikɛ.

Nshɛ 62:12

nsaa kɔ kasha. Kashenteŋto malɛ nɛ feeŋ yili kusɔ kama nɛ esa wora so ŋ ka mo kumo be kukɔ.

Nshɛ 66:9

Mo e kuŋ anyi be ŋkpa n shin nɛ an nya a wɔtɔ.

Nshɛ 7:9

Fo la Ebɔrɛ nɛ e bee wora asheŋ nɛ a niŋi nna, a nyi esa be kagbene to nɛ mbe nfɛra to be asheŋ kikɛ. Shin nɛ alubiworapo e yige alubi be kebaawora, nseŋ kuŋ basa lela ashi alubi to.

Nshɛ 94:9

Ebɔrɛ nɛ e to anyi be asoe nɛ anishi na, maŋ kɔ asoe a nu nɛ anishi a wu nna a?

Aŋasa 12:14

Feeŋ nya kusɔ kama nɛ fo wora ŋko ŋ kaŋɛ be tɔnɔ.

Aŋasa 16:2

Dimɛdi beeŋ fɛ fanɛ mbe asheŋ woraso walɛ, ama Enyɛnpe Ebɔrɛ nawule e nyi kusɔ nɛ k walɛ.

Aŋasa 21:2

Dimɛdi be aworbi beeŋ tiŋ m par mo, ama Enyɛnpe Ebɔrɛ e nyi esa be kagbene to.

Aŋasa 5:21

Enyɛnpe Ebɔrɛ na bee wu kusɔ kama nɛ fee wora. Kaplɛkama nɛ fee yɔ e bee wu fo.

Aŋasa 5:22

Esa lubi be alubi du fanɛ kegba, nɛ mo gbagba bee kilgi a tɔr to nɛ k bee pɛ mo nna.

Kaŋinichiŋgeliŋ 5:8

Fo baŋ wu abane be ekrachi ka bee tɔrɔ mbe efuli so be betirpo nsaa ji bumo durmu, sa maŋ shin nɛ k baa chinchiŋ fo, ŋkpal manɛ so ekrachi wurbi na bee wora a bɛ bumo be benimu be nnɔ so nna.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Jɛremaya 32:19

Fee kre asheŋ kanyiasheŋ so nna nsaa wora asheŋgboŋ. Fo alɛ bee wu kusɔ kama nɛ basa bee wora nsaa yili bumo be aworbi so a ka bumo kukɔ nna.

Nfabel 3:36

mo alɛ nsaa nyi jemanɛ nɛ baa ji esa durmu ashi demuji to.

Danɛl 5:23

Fo wora n da Enyɛnpe Ebɔrɛ nɛ e wɔ ebɔrɛso na so nna, ŋkpal fo ka ta shuwa be asɔnuunchu nɛ ntishaŋ nɛ fo tuto ta ashi Ebɔrɛ be bɔrɛlambu nɛ k wɔ Jerusalɛm na to nɛ fo nɛ bewurbiana nɛ fo beche, nɛ fo jipoana kikɛ ta amo a nuu nsa nsaa di agbirana nɛ b ta shuwa nɛ gbiti nɛ danyaŋ nɛ abɛlso, nɛ ndibi nɛ ajembu n lɔŋɛ na epaŋ so. Le be agbir ere maa wu ŋko a nu, amo alɛ maŋ nyi shɛŋ. Ama fo kini kebunyaŋ Ebɔrɛ nɛ kusɔ kama bɔɔ mo enɔ nɛ e kɔ eleŋ nɛ e tiŋ n shin nɛ fo ji efute ŋko n wu na bre.

Matiu 16:27

Ma, Nyiŋgbasa Pibinyɛn beeŋ keta ma emalaika na nɛ n Tuto be kemaŋkura m ba nseŋ ba yili ekama be ashuŋ nɛ e wora so ŋ ka mo kukɔ.

Ashuŋ Shunso 17:28

ŋkpal manɛ so: ‘Mo e naa shin nɛ an wɔtɔ a nite a kilgi to a du kananɛ an du ere na.’ Menyi be besibɛpo malɛ e naa kaŋɛ loŋ: ‘Anyi alɛ gba la mbe mbia nna.’

Romebi 2:16

To, loŋ malɛ nɛ baru lela nɛ mee bɔ na bee ŋini fanɛ asheŋ beeŋ ba kaa du kachɛ nɛ Ebɔrɛ beeŋ bɔla Yesu Kristo so n yili edimɛdi be wulo be nfɛraana so n ji bumo demu.

Romebi 2:6

Kusɔ kama nɛ esa wora, Ebɔrɛ beeŋ ka mo kumo be kukɔ.

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.

2 Kɔrintebi 5:10

Ŋkpal manɛ so, kachako an kikɛ beeŋ yili Kristo be anishito nɛ e ji anyi demu. Ekama beeŋ nya kusɔ nɛ k daga mo ŋkpal kusɔ nɛ amodoŋwura wora ashi mbe eyur ere to so, kelela ŋko kulubi.

Kelaraŋŋini 1:18

ma e la emo nɛ e wɔ ŋkpa to na. N daŋ wu nna, ama naniere n tiŋi nna a wɔ ŋkpa to mbaanaayɔ. Ma alɛ e kɔ luwu nɛ bubuni to be kakpa be eleŋ.

Kelaraŋŋini 2:18

Nɛ e naŋ kaŋɛ: “Sibɛ kawɔl ere n sa Tayataira be kade to be asɔri be malaika na ŋ kaŋɛ mo le: ‘Mmalga ere shi Ebɔrɛ Pibinyɛn mo nɛ mbe anishi du fanɛ edɛ be adondulombi nɛ mbe ayadra malɛ bee kpa edɛ fanɛ katishaŋ peper na kutɔ nna.

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.

Kelaraŋŋini 22:12

E yɛ: “Keni nfe, m maaŋ naŋ chɛr nseŋ ba. Ma alɛ kɔ ma kakɔka nna a ba nɛ m ba yili kanaŋkama nɛ ekama shuŋ so ŋ ka mo.

1 Samuɛl 16:7

Ndoŋ nna nɛ Enyɛnpe Ebɔrɛ naŋ kaŋɛ mo le: “Sa maŋ keni mbe nteŋ ŋko mbe kayɛrbi. Mannɛ mo nɛ n lara, ŋkpal manɛ so ma ere maa keni asheŋ fanɛ kananɛ dimɛdi bee kini asheŋ na. Dimɛdi bre bee keni eyur so nna ama ma ere bee keni kagbene to nna.”

1 Samuɛl 2:3

Menyi kamoowuwuraana; men yige men be nfɛlso be mmalga na. Shɛŋ shɛŋ maa ŋana fo Enyɛnpe Ebɔrɛ so. Fo alɛ e naaŋ ji ekama be aworbi demu.

1 Samuɛl 2:6

Fo Enyɛnpe Ebɔrɛ na e naa sa basa ŋkpa, nseŋ naa tiŋ a sɔ kumo; fo e naa shin nɛ basa bee yɔ nchaŋ to nseŋ naa tiŋ a bɛta bumo a ba ŋkpa to.

1 Samuɛl 25:29

Enyɛnpe Ebɔrɛ na beeŋ kuŋ fo ashi bedoŋ kama nɛ baa fin fo nɛ b mɔ na be enɔ to. E beeŋ kuŋ fo fanɛ kananɛ esa bee kuŋ mbe kpanjawu na. Ama fo doŋana na bre Ebɔrɛ beeŋ kpa bumo n ya lɛ fanɛ kananɛ baa ta ajembu a wɔtɔ ketababu to a kpa a lɛ na.