Aŋasa 24:10 - EBƆRƐ BE KAWƆL

¹⁰ Kesɔ kapɔshi be tɔrɔ be jemanɛ bee shin nɛ esa be eleŋ bee kuso nna.

Aŋasa 24:10 ပူးပေါင်းရင်းမြစ်များ

Job be kawɔl 4:5

Ama naniere kufugboŋ tɔr fo so nɛ fo gbagba bee kule a fin luwu ŋkpal etɔrɔ ka ba fo so na so.

Jɛremaya 51:46

Kafɛ kikɛ menyee nu b yɛ b yɛ, fanɛ kebagato bee ba kasawule na so, ŋko ewurjipo ko beeŋ kɔ ewurjipo nyɔsopo kena. Ama men sa maa lɔ kufu ŋko a pɔ aba, ŋkpal b yɛ b yɛ ere so.

Baru lela nɛ Jɔn kute na 4:8

Saŋɛ na so nɛ mbe bebɛsopo yɔ kade to nɛ b ya tɔ ajibi.

2 Kɔrintebi 4:1

To, ŋkpal Ebɔrɛ ka wu anyi kuwɔr n sa anyi le be kushuŋ ere so, anyi maa pɔ aba.

Ɛfesesebi 3:13

Amoso, mee kule menyi nna fanɛ men sa maa pɔ aba ŋkpal ŋ ka bee wu tɔrɔ a sa menyi so so, men be kelela so nɛ loŋ be asheŋ bee nya ma.

Ditɛronɔmi 20:8

Ade be kaman, nɛ benimuana na e naŋ kaŋɛ benapo na le: “Esa ko wɔ nfe nɛ kagbenejija shin nɛ kufu pɛ mo a? Kumo ere e bɛta a yɔ epe. Nɛ mannɛ aloŋ e beeŋ ta kufu m pɛ benapo nɛ b ka na nɛ b pɔ aba.”

Kelaraŋŋini 2:13

N nyi kakpa nɛ men wɔ ere be asheŋ, kakpa nɛ Setani baa tase gbagba. Ŋkeshin nɛ menyi alɛ maa lar ma ketre na kaman. Men maŋ lar men be yirda nɛ men kɔ ma so na kaman kikɛ, hale ma shɛdajipo nɛ esa beeŋ tiŋ n yirda na Antipas nɛ b daŋ mɔ men be kadegboŋ na to, kakpa nɛ Setani baa wɔ na be jemanɛ na kikɛ.

Kelaraŋŋini 2:3

N nyi kananɛ men kɔ kanyiti a yil to nɛ kananɛ menyee ji tɔrɔ ŋkpal ma ketre so, menyi alɛ ŋkaa maa pɔ aba.

1 Samuɛl 27:1

Kumo be kaman nɛ Deevid fɛ le: “Sɔɔl beeŋ tiŋ m mɔ ma nchɛ anyɔ ere to. Amoso kusɔ nɛ meeŋ wora e la fanɛ meeŋ shile n yɔ Filisti be efuli so n ya ŋana, saŋɛ na so e beeŋ fin ma Israɛl be efuli so ŋ gben nɛ n nya ma kumu.”