Aŋasa 23:4 - EBƆRƐ BE KAWƆL

⁴ Sa maa mɔ fo kumu a fin kedii dama. Ba nyi fo eleŋ be ekar.

Aŋasa 23:4 ပူးပေါင်းရင်းမြစ်များ

Job be kawɔl 27:19

Alubiworapo beeŋ tiŋ n dii kedama nseŋ ya dese kanyɛso, ŋklade kachipurso ŋ koso ŋ ki betirpo.

Aŋasa 15:27

Ekpa lubi so be kanya bee bar tɔrɔ kanaŋ to nna. Sa maa sɔ brɔbu nseŋ kuŋ fo kumu.

Aŋasa 26:12

Ewulpo bɔ esa nɛ e bee tre mbe kumu enyiashempo, mo alɛ nseŋ wuli.

Aŋasa 27:24

ŋkpal manɛ so kanya nɛ kemaŋkura maaŋ baa wɔtɔ mbaanaayɔ.

Aŋasa 28:20

Ebɔrɛ beeŋ nɛfa bekama nɛ baa ji kashenteŋ, ama E beeŋ gberge bekama nɛ baa sha fanɛ b bɔla ekpa lubi so n dii dama manaŋ na kusoe.

Aŋasa 3:5

Ta fo kagbene kikɛ nyam n yirda Enyɛnpe Ebɔrɛ na. Sa maa ta fo tama a deŋi kusɔ nɛ fo nyi so.

Aŋasa 3:7

Sa maa fɛ fanɛ fo nyi asheŋ ga. Baa nu a sa Enyɛnpe Ebɔrɛ na nsaa gelge alubi.

Kaŋinichiŋgeliŋ 5:13

Kusɔ lubi ko malɛ nɛ n naŋ wu k ka bee wora durnya ere to. Basa pere kenishi nna a fin amansherbi a deŋi abar so, nɛ kumo be loŋ bee bar bumo asheŋ.

Aizaaya 5:21

Asheŋ maaŋ nyalɛ n sa menyi! Menyee fɛ fanɛ menyi be anishi bugi nna nɛ men nyi asheŋ ga.

Jɛremaya 9:22

Enyɛnpe Ebɔrɛ na teŋ kaŋɛ anyi fanɛ bubuni beeŋ dese kasawule na be kaplɛkama fanɛ b ka ŋele ayu n nase a jo keteŋi, ŋko fanɛ epi ka dese n sɔ kaplɛkama na.”

Matiu 6:19

Men sa maa bela men be ekpanjawu a yili durnya ere to, ŋkpal manɛ so, elala beeŋ tiŋ n ji amo ŋko a beeŋ tiŋ ŋ ku edare ŋ kreŋ so n jija ŋko beyu beeŋ tiŋ n luri n yuri amo.

Maak 4:19

ama durnya ere to be kafɔŋ nɛ kumo be kemansherbisha nɛ ayɛlgasɔ kikɛ bee luri bumo to nna n sɔ kamalga na be kaboŋ nɛ b bɛ so ŋ gben.

Baru lela nɛ Jɔn kute na 6:27

Men sa maa kɔ a fin ajibi nɛ a bee jija ere, men baa kɔ a fin ajibi nɛ a bee sa ŋkpa nɛ k maŋ kɔ ekar na. Ma, Nyiŋgbasa Pibinyɛn e naa sa loŋ be ajibi na, ŋkpal manɛ so, Ebɔrɛ Etuto na e ŋini fanɛ mbe kenyi wɔ ma so.”

Romebi 11:25

Ŋ kurgepoana, kashenteŋ be wulo ko wɔtɔ nɛ mee sha fanɛ men pin kumo, saŋɛ na so men maaŋ ta menyi be amu fanɛ basa nyiashempo. Kumo nde fanɛ kumu kpakpaso be kebaawɔtɔ nɛ k ba Israɛlebi so na maŋ ba nna nɛ k ba kaa wɔtɔ mbaanaayɔ, kumo be ekar e la saŋɛ nɛ nnyamase nɛ baaŋ nya kumɔlga na kikɛ ya loge nyam.

Romebi 12:16

Men baa kɔ kɔnɔkoŋwule be kebaawɔtɔ a sa abar. Men sa maa maŋ menyi be amu so, ama men baa bar menyi be amu kaseto a shuli a shuŋ bebɔlpo be ashuŋ a maa fɛ fanɛ men la benyiashempo.

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”