Aŋasa 22:23 - EBƆRƐ BE KAWƆL

²³ Ŋkpal manɛ so Enyɛnpe Ebɔrɛ na e naŋ chɛ bumo to, nseŋ tɔrɔ bekama nɛ b tɔrɔ bumo na n tal to.

Aŋasa 22:23 ပူးပေါင်းရင်းမြစ်များ

Nshɛ 103:6

Enyɛnpe Ebɔrɛ na bee ji asheŋ nɛ amo be ekpa so nna a sa bumo nɛ beko bee mɛaŋ na.

Nshɛ 12:5

Ndoŋ nna nɛ Enyɛnpe Ebɔrɛ kaŋɛ le: “Meeŋ koso, ŋkpal bepɔshipo be kamɛaŋ, nɛ basa nɛ asheŋ bee tɔrɔ be kushuto so. Meeŋ sɔ bumo n yige.”

Nshɛ 12:6

Enyɛnpe be nnɔ naseso la kashenteŋ nna. A du fanɛ gbiti nɛ b ta n wɔtɔ edɛ to ale shunu n lara amo to be eyurpi kikɛ na nna.

Nshɛ 140:12

Enyɛnpe Ebɔrɛ, n nyi fanɛ fo e naa kɔ a sa betirpo, nsaa shin nɛ betentaŋasepo bee nya asɔ nɛ a daga bumo.

Nshɛ 140:13

Kashenteŋto, basa nɛ bumo be asheŋ woraso niŋi beeŋ baa wɔ fo kutɔ a kpaŋ fo ketre na.

Nshɛ 35:1

Enyɛnpe Ebɔrɛ, kɔ bekama nɛ baa kɔ ma na; nseŋ kuŋ bumo nɛ baa kuŋ ma ekpa na ekpa.

Nshɛ 35:10

Nseŋ ta ma kagbene kikɛ ŋ kaŋɛ Enyɛnpe na le: “Esa kama maŋ du fanɛ fo. Fo e naa kuŋ bepɔshipo ashi belempo be enɔ to, nsaa mɔlga betirpo ashi basa lempo be kamɛaŋ to.”

Nshɛ 43:1

Enyɛnpe, ŋini fanɛ m maŋ wora n jija! Malga ŋ kuŋ ma ashi basa nɛ b maŋ nyi fo na kutɔ. Mɔlga ma ashi befɛpo nɛ b kɔ amu kpakpaso na kutɔ.

Nshɛ 68:5

Mo e wɔ mbe kakpa cheembi, nsaa la amunibi bumo tuto a kuŋ bekulpoche na.

Ɛksodɔs 22:22

Men saa maa mɛaŋ bekulpoche ŋko amunibi,

Ɛksodɔs 22:23

nɛ mannɛ aloŋ nɛ b shu n tre ma, Enyɛnpetale na, ma nɛ n nu bumo kushu na kashenteŋto

Aŋasa 21:7

Belubiworapo be kenyaŋɛto a fin basa be kemɔ e naa yɛr bumo kemur to ŋkpal b kaa maa sha kewora kusɔ nɛ k niŋi so.

Aŋasa 23:11

Enyɛnpe Ebɔrɛ gbagba e naa kɔ a mɔlga bumo. Mo alɛ beeŋ yili bumo be katelamu n ji bumo be demu n sa bumo.

Aizaaya 33:1

Asheŋ maaŋ nyalɛ n sa an doŋana! B suge anyi be asɔ nseŋ naŋ debɔr anyi, ama esa kama maŋ naŋ suge bumo ere be asɔ ŋko debɔr bumo. Bumo be kasuge nɛ kedebɔr be jemanɛ beeŋ fo ekar nɛ beko malɛ e suge bumo be asɔ nseŋ debɔr bumo.

Jɛremaya 30:16

Ama naniere bedoŋ kama nɛ baa sha kemur menyi na beeŋ mur, nɛ b pɛ men doŋana kikɛ ŋ ki anya n yɔ efuli pɔtɛ so. Bekama nɛ baa kɔrfɛ menyi na beeŋ nya kekɔrfɛ, nɛ b fuu bekama nɛ baa fuu menyi be asɔ na be asɔ.

Jɛremaya 50:34

Ama esa nɛ e beeŋ sɔ bumo n yige na kɔ eleŋ. Mbe ketre e la Enyɛnpetale Ebɔrɛ na. Mo gbagba e naaŋ sɔ bumo be kɔnɔ so n shin nɛ kayurwushi e ba bumo be kasawule so nseŋ bar etɔrɔ Babilɔn be basa so.”

Jɛremaya 51:36

Nɛ Enyɛnpe Ebɔrɛ na kaŋɛ le: “N yil menyi be kaman nna, nɛ n sɔ menyi be kɔnɔ so ŋ ka Babilɔn be basa kukɔ. Meeŋ shin nɛ bumo be elɔr nɛ mbombi kikɛ e wɔl to nɛ b sa maŋ naa nya nchu.

Maika 7:9

N wora alubi n da Enyɛnpe Ebɔrɛ na so, amoso meeŋ wora kanyiti n ji mbe agbo be tɔrɔ n ya fo saŋɛ nɛ e beeŋ ba kɔ n sa ma. M baa nyi geeŋ fanɛ e beeŋ naŋ shin nɛ asheŋ a nyalɛ nɛ e juŋkpar ma m ba kefulto to.

Habakuk 2:8

Men ta eleŋsheŋ n suge efuli damtaana be basa be asɔ nseŋ m mɔ bumo be basa. Ama naniere bumo be basa nɛ b ji efute gba beeŋ ta eleŋsheŋ n suge menyi be asɔ ŋkpal basa damta nɛ men mɔ nɛ nsawule nɛ ndegboŋana nɛ men mur durnya ere to so.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

1 Samuɛl 24:12

Enyɛnpe Ebɔrɛ nawule e naaŋ ji anyi kikɛ demu m pin emo nɛ e wora n foe ekpa. Mo alɛ beeŋ gberge fo kusoe ŋkpal kusɔ nɛ fo wora ma ere so. Ama ma ere maaŋ wora fo shɛŋ.

1 Samuɛl 24:15

Ŋkeshin nɛ Enyɛnpe Ebɔrɛ na beeŋ ji ma nɛ fo kikɛ demu nseŋ lara anyi to be emo nɛ e maŋ wora nɛnɛ. Ma kabɔrɛkule e la fanɛ Ebɔrɛ e yili ma kaman nseŋ mɔlga ma ashi fo enɔ to.”

1 Samuɛl 25:39

Deevid ka nu fanɛ Nabaal wu na, nɛ e kaŋɛ le: “Kemaŋkura e baa la Enyɛnpe Ebɔrɛ na peya ŋkpal Nabaal ka bee tege ma nɛ e sɔ ma kɔnɔ ŋ kɔ mo n sa ma so. Nabaal be kulubi so nɛ Enyɛnpe Ebɔrɛ gberge mo kusoe na.” Kede be kaman nɛ Deevid shuŋi n ya sha Abigɛl.