2 Enyɛnpe Ebɔrɛ na e to etirpo nɛ damawura kikɛ.
Ŋkpal manɛ so, Ebɔrɛ koŋwule na e to ma nɛ ma nyɛrbi nɛ mbita na kikɛ.
Ebɔrɛ e to anyi kikɛ kuraa. Mo alɛ maa keni eko a bɔlɔ kenishi a chɔ eko. Damawura ŋko etirpo, ewura ŋko ebɔlpo, kikɛ la kukoŋwule nna ashi mbe anishito.
Esa nɛ e bee mɛaŋ betirpo maa sa Ebɔrɛ nɛ e to bumo na bunyaŋ nna na, ama esa nɛ e bee wu betirpo kuwɔr bre bee bunyaŋ Ebɔrɛ nna.
Enyɛnpe Ebɔrɛ e naa sa etirpo nɛ esa nɛ e bee mɛaŋ mbe basa kikɛ anishi nɛ baa wu.
Kenishi maaŋ tiŋ ŋ kaŋɛ enɔ le: “M maa sha fo kechɛto.” Kumu malɛ maaŋ tiŋ ŋ kaŋɛ ayadra le: “M maa sha men be kechɛto.”
Fo Enyɛnpe Ebɔrɛ e to ketir nɛ kedamaya. Fo e naa ta basa ko a ki bebɔlpo ŋ kaa ta beko malɛ a ki basa gboŋ.
