Aŋasa 21:5 - EBƆRƐ BE KAWƆL

⁵ Kewushi eyur ŋ kre asheŋ pɔɛŋ nseŋ wora amo bee bar tɔnɔ nna, ama brembreŋ be kasheŋwora bee bar ketir nna.

Aŋasa 21:5 ပူးပေါင်းရင်းမြစ်များ

Aŋasa 10:4

Ntɔl bee bar esa ketir nna, ama kepere kenishi n shuŋ bre bee shin nɛ esa bee dii dama nna.

Aŋasa 13:4

Etɔlpo bee yɛlga kusɔ gba, jiga nna, e maaŋ tiŋ n nya kumo, ama esa kama nɛ e bee pere kenishi a shuŋ bre beeŋ tiŋ n nya kusɔ kama nɛ e bee sha.

Aŋasa 14:29

Enyitipo e la enyiashempo. Esa nɛ e bee nya agbo manaŋ manaŋ bee shin nɛ mbe kawulisheŋ bee dii efuli nna.

Aŋasa 19:2

Kebaa sha kusɔ be kewora nsaa maa kɔ kumo be kenyi maŋ walɛ; kewora gerger n to kusɔ n da malɛ maŋ kɔ tɔnɔ.

Aŋasa 20:21

Fo baa maŋ gben pɔɛŋ nseŋ dii dama, fo asɔ na maa chɛr nsaa mur.

Aŋasa 28:22

Esa kama nɛ e bɔlɔ miri so n dii dama beeŋ ki etirpo.

Aŋasa 29:20

Ewulpo be asheŋ kɔ tama a chɔ esa nɛ e bee kuse a malga.

Ɛfesesebi 4:28

Ekama nɛ e daa yuri e yige kayu na naniere nseŋ fara a ta mbe enɔana a wora asheŋ lela a shuŋ, saŋɛ na so e beeŋ nya kusɔ nɛ k daga n tiŋ n chɛ bumo nɛ b maŋ kɔ to.