Aŋasa 21:4 - EBƆRƐ BE KAWƆL

⁴ Ŋkpensheŋ nɛ kamoowu la alubi be asɔrso nna, nɛ belubiworapo bee sha amo ga.

Aŋasa 21:4 ပူးပေါင်းရင်းမြစ်များ

Job be kawɔl 18:5

Basa lubi be efitila maa chɛr nsaa duŋ a ka bumo tentembiri to ashi bumo be elaŋana to.

Nshɛ 10:4

Belubiworapo be shɛŋ maŋ wɔ Enyɛnpe Ebɔrɛ to. Bumo be kamoowu so, b maa fɛ Ebɔrɛ be asheŋ gba kuraa.

Nshɛ 101:5

M maaŋ sa ekama nɛ e bee nite a ji basa be asheŋ ekpa nɛ e baa wora loŋ. Ma alɛ maaŋ sa kamoowuwura ŋko keŋkenshiwura kashuli kikɛ nɛ b baa du loŋ.

Nshɛ 131:1

O Enyɛnpe Ebɔrɛ, n yige ma kamoowu kikɛ nseŋ lar ma keŋkenshi kikɛ nyam to. M maŋ naa ta ma kumu a wɔtɔ asheŋgboŋ to, ŋko emamachisheŋ nɛ m maaŋ tiŋ m pin to to.

Aŋasa 15:8

Enyɛnpe Ebɔrɛ kishi belubiworapo be sarga ga, ama basa lela bre be kabɔrɛkule bee bɔlɔ mo kenishi nna ga.

Aŋasa 21:27

Enyɛnpe Ebɔrɛ kishi belubiworapo be sarga ga. Fɔŋfɔŋ saŋɛ nɛ b nya kumo ekpa lubi so na.

Aŋasa 24:20

Ŋkpal manɛ so alubiworapo maŋ kɔ echefoso be tama. Mo alɛ beeŋ choŋ fanɛ kananɛ fitila beeŋ duŋ na.

Aŋasa 30:13

Basa ko bee wu bumo be amu nna a maa keni basa a bɔlɔ kenishi.

Aŋasa 6:16

Asɔ ashunu nɛ Enyɛnpe Ebɔrɛ kishi ga na nde:

Aŋasa 6:17

Kamoowu nɛ kudonduloŋ fɛpo nɛ enɔ nɛ k bee mɔ basa nɛ b maŋ wora n da so,

Aŋasa 8:13

Enyɛnpe Ebɔrɛ be kesa bunyaŋ e la alubi be kekishi. Kamoowu nɛ ŋkpensheŋ, nɛ asheŋ lubi nɛ efɛ be mmalga maa par Ebɔrɛ kikɛ.

Aizaaya 10:12

Kumo be kaman nɛ Enyɛnpe Ebɔrɛ na kaŋɛ: “Ŋ kaŋ loge kusɔ nɛ mee wora kebee nɛ baa tre Zayɔn na so nɛ Jerusalɛm to, meeŋ gberge Asiriya be efuli so be ewurgboŋ kusoe ŋkpal mbe mpuchi nɛ kamoowu kikɛ so.”

Aizaaya 2:11

Enyɛnpe Ebɔrɛ na kaŋ ba, baaŋ bar esa kama nɛ e bee fɛ fanɛ e shi ga, ŋko ekama nɛ e bee maŋ mbe kumu so, kaseto. Enyɛnpe Ebɔrɛ na nawule e naaŋ nya kemaŋkura loŋ be kachɛ na.

Aizaaya 2:17

Kachɛ na kaŋ fo, baaŋ bar esa kama nɛ e bee maŋ mbe kumu so nɛ ekama nɛ e bee fɛ fanɛ e shi ga kaseto. Enyɛnpe Ebɔrɛ na nawule e naaŋ nya kemaŋkura.

Aizaaya 3:16

Kede be kaman, nɛ Enyɛnpe Ebɔrɛ na naŋ kaŋɛ le: “Keni kananɛ Jerusalɛm to be beche bee wu bumo be amu loŋ! Baa nite boeŋ boeŋ nna a keni a fin fanɛ benyɛn e baa wu bumo nsaa yɛlga bumo jemanɛ kikɛ. Baa nite nna nɛ bumo be anampase bee gbri.

Luuk 11:34

Fo anishi e la fo eyur be kefulto. Fo anishi baa walɛ, kefulto malɛ bee bɔlɔ fo eyur kikɛ to nna. Ama nɛ fo anishi baa maŋ walɛ, tentembiri e naaŋ baŋ bɔlɔ fo eyur na kikɛ to.

Luuk 18:14

Nɛ Yesu naŋ kaŋɛ: “Ma e kaŋɛ menyi na fanɛ Ebɔrɛ shin nɛ lamposɔpo na ki elelapo mbe anishito n yɔ epe. Ama Farisinyɛn na bre maŋ nya loŋ, ŋkpal manɛ so, esa kama nɛ e bee maŋ mbe kumu so, baaŋ bar mo kaseto, ama ekama nɛ e bee bar mbe kumu kaseto, baaŋ maŋ mo so.”

Romebi 14:23

Nɛ esa baa shin nɛ e ji kejibi kama nsaa wora shikashika nseŋ ji kumo, amodoŋwura wora n da so ashi Ebɔrɛ be anishito, ŋkpal manɛ so, e maŋ kɔ yirda kesheŋ nɛ e bee wora na to nna na. Kusɔ kama malɛ nɛ fo maŋ ta yirda n wora kumo la kulubi nna.

1 Pita 5:5

Mbrantiɛ, loŋ koŋwule na nɛ a daga fanɛ men baa nu a sa benyɛnnimuana. Men ta kumu be kebar kaseto m mea to fanɛ wajɛ a wɔtɔ a sa abar, ŋkpal manɛ so, Ebɔrɛ maa sa kamoowuwuraana kashuli, ama bumo nɛ baa bar bumo be amu kaseto bre, e bee wu bumo kuwɔr nna.