Aŋasa 21:3 - EBƆRƐ BE KAWƆL

³ Kewora kusɔ nɛ k niŋi nɛ kashenteŋji bee par Enyɛnpe Ebɔrɛ a chɔ sarga be kelara.

Aŋasa 21:3 ပူးပေါင်းရင်းမြစ်များ

Nshɛ 40:7

Amoso nɛ ŋ kaŋɛ fanɛ ma nde na. Meeŋ wora asheŋ nɛ b sibɛ n wɔtɔ fo mbra be kawɔl na to fanɛ m bɛ so na; Kumo e kaŋɛ le na:

Nshɛ 50:8

M maŋ kaŋɛ fanɛ men wora n jija nna; ŋkpal men ka bee lara esarga chɔɔso nɛ ŋkɛ a sa ma saŋkama na so.

Aŋasa 15:8

Enyɛnpe Ebɔrɛ kishi belubiworapo be sarga ga, ama basa lela bre be kabɔrɛkule bee bɔlɔ mo kenishi nna ga.

Hoziya 6:6

Mannɛ menyi be asɔbɔya be esarga nɛ mee sha, ama menyi be karechɛ kama be kasha nɛ menyeeŋ baa kɔ a sa ma na nɛ mee sha. Kusɔ nɛ mee sha e la ma basa ka beeŋ baa nyi ma, mannɛ esarga chɔɔso be kebaa lara e sa ma.

Zakareya 7:9

E yɛ: “Dra dra na kikɛ nɛ n ta atande ere n sa ma basa ŋ kaŋɛ bumo le: ‘Men baa wora asheŋ nɛ amo be ekpa so, men baa la basa nsaa wora kelela nsaa wu abar kuwɔr.

Maak 12:33

Amoso, esa baa ta mbe kagbene kikɛ nɛ mbe nfɛra kikɛ nɛ mbe eleŋ kikɛ a sha Ebɔrɛ nsaa sha mo barkasa fanɛ mbe kumu, loŋ bɔ ga a chɔ e ka ta asɔbɔya n chɔɔ n lara sarga ashi sarga be kusure so nseŋ naa lara esargawurbi a sa Ebɔrɛ.”

1 Samuɛl 15:22

Ndoŋ nna nɛ Samuɛl kaŋɛ le: “Ade be kumo bre nɛ Enyɛnpe Ebɔrɛ na bee sha ga? Kebaakɔ kasonu ŋko kebaalara esarga? Kebaakɔ kasonu bɔ fo kaa ta mbolpɔ duliduli a lara esarga e sa mo.