Aŋasa 21:2 - EBƆRƐ BE KAWƆL

² Dimɛdi be aworbi beeŋ tiŋ m par mo, ama Enyɛnpe Ebɔrɛ e nyi esa be kagbene to.

Aŋasa 21:2 ပူးပေါင်းရင်းမြစ်များ

Job be kawɔl 31:6

Ebɔrɛ e wora ma ŋ keni, e beeŋ wu fanɛ kulubi maŋ wɔ ma to.

Nshɛ 36:2

Ŋkpal b kaa bee sha bumo gbagba be amu ga so so; b maa wu alubi nɛ baa wora, hale nɛ baa kishi amo gba.

Aŋasa 12:15

Ewulpo nawule e naa fɛ fanɛ e kɔ kashenteŋ nna saŋkama. Enyiashempo bre bee kaŋ kusoe nna a nu kasotoji.

Aŋasa 16:2

Dimɛdi beeŋ fɛ fanɛ mbe asheŋ woraso walɛ, ama Enyɛnpe Ebɔrɛ nawule e nyi kusɔ nɛ k walɛ.

Aŋasa 16:25

Asheŋ ko bee kaa du fanɛ asheŋ lela nna n sa dimɛdi, ama amo be lalaloge bee yɛr mo luwu to nna.

Aŋasa 17:3

Edɛ nɛ baa ta a wora shuwa nɛ gbiti a keni a pin amo be kela; ama Enyɛnpe Ebɔrɛ na e naa wora dimɛdi be kagbene a keni.

Aŋasa 20:6

Basa damta bee tre bumo amu beshenteŋjipo nna, ama kashenteŋ be beshenteŋjipo maa tiŋ a nya.

Aŋasa 24:12

Nɛ fo kaŋɛ fanɛ k maŋ la fo asheŋ, Ebɔrɛ nɛ e nyi nfɛra nɛ aworbi na bre nyi kusɔ so so nɛ fee wora kusɔ kama. Mo alɛ e naŋ ka fo kusɔ kama nɛ fo wora be kukɔ.

Aŋasa 30:12

Beko malɛ bee fɛ fanɛ baa wora asheŋ nɛ a niŋi nna ama alubi damta e bɔlɔ bumo to.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Danɛl 5:27

Egbɛ, na malɛ be kifito bee ŋini nna fanɛ b ta fo aworbi m ber Ebɔrɛ be alelasheŋ n wu fanɛ fo aworbi maŋ walɛ kuraa.

Luuk 16:15

Nɛ e kaŋɛ bumo le: “Menyi e naa sha fanɛ basa e baa tre menyi basa lela, ama Ebɔrɛ nyi menyi be ŋgbene to be nfɛra. Asɔ nɛ durnya ere to ebi malɛ bee bunyaŋ a fɛ fanɛ a la asɔ lela na maŋ la shɛŋ Ebɔrɛ be anishito.”

Galeeshaebi 6:3

Nɛ ekama nɛ e bee fɛ fanɛ e la esagboŋ ko nna, mo alɛ ŋkaa maa la shɛŋ, bee fule mo gbagba be kumu nna na.

Jeems 1:22

Ama men baa la benupo nɛ baa nu a wora nsaa maa nu kamalga na jiga a fule men be amu.

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.

1 Samuɛl 16:7

Ndoŋ nna nɛ Enyɛnpe Ebɔrɛ naŋ kaŋɛ mo le: “Sa maŋ keni mbe nteŋ ŋko mbe kayɛrbi. Mannɛ mo nɛ n lara, ŋkpal manɛ so ma ere maa keni asheŋ fanɛ kananɛ dimɛdi bee kini asheŋ na. Dimɛdi bre bee keni eyur so nna ama ma ere bee keni kagbene to nna.”