Aŋasa 20:7 - EBƆRƐ BE KAWƆL

⁷ Esa nɛ e niŋi kikɛ be kebaawɔtɔ niŋi nna. Mbia nɛ baa koya mbe asheŋ woraso bee nya nɛfa nna.

Aŋasa 20:7 ပူးပေါင်းရင်းမြစ်များ

Jɛnesis 17:7

Meeŋ nase ma kɔnɔkoŋwule be ŋkre n sa fo nɛ fo kaman to ebi nɛ bumo alɛ be kaman to ebi mbaanaayɔ. Meeŋ baa la fo nɛ fo kaman to ebi kikɛ be Ebɔrɛ.

Job be kawɔl 1:1

Kanyɛn ko e daa wɔ Uz be kasawule so nɛ baa tre mo Job. Job daa la esa nɛ esa kikɛ maŋ tiŋ n wu mo kulubi nna. E daa la esa nɛ e bee bunyaŋ Ebɔrɛ nseŋ kishi kulubi be kewora nna.

Nshɛ 112:2

Bumo be kaman to ebi beeŋ baa kɔ eleŋgboŋ ga kasawule so; ŋkpal manɛ so, Enyɛnpe Ebɔrɛ na bee nɛfa bekama nɛ baa wora asheŋ niŋiso na nna.

Nshɛ 15:2

Basa nɛ baa wora Ebɔrɛ kasonu kusɔ kama to na, nɛ bumo nɛ bumo be asheŋ woraso niŋi akpa na, nɛ bumo nɛ baa ji kashenteŋ ashi bumo be ŋgbene to

Nshɛ 26:1

Enyɛnpe shin nɛ n ji n lar; ŋkpal manɛ so, ma kebaawɔtɔ maŋ kɔ mpulɔ kikɛ. Ma yirda kikɛ deŋ fo so nna, ma alɛ maa wora shikashika kikɛ.

Nshɛ 26:11

Ma ere maŋ du fanɛ bumo. Ŋkpal manɛ so, ma kebaawɔtɔ niŋi nna. Amoso wu ma kuwɔr nseŋ mɔlga ma.

Nshɛ 37:26

Ama baa nya a ji nɛnɛ nna, nsaa bugi kagbene a kɛ basa asɔ yɛlyɛla so; nɛ bumo be mbia malɛ bee nya nɛfa.

Aŋasa 13:22

Basa lela bee yige kapetɛ nna a yili bumo be kaman to ebi, ama belubiworapo bre bee fin asɔ nna a yili basa nɛ baa wora asheŋ niŋiso.

Aŋasa 14:2

Basa nɛ bumo be asheŋ wora so niŋi bee ŋana Ebɔrɛ nna, ama esa kama nɛ e maa wora asheŋ niŋiso maa sa Ebɔrɛ bunyaŋ.

Aŋasa 14:26

Esa kama nɛ e bee ŋana Ebɔrɛ, mo nɛ mbe mbia beeŋ nya Ebɔrɛ be kekuŋ.

Aŋasa 19:1

Fo ka bee ji kashenteŋ nsaa la etirpo bɔ fo ka la ewulpo nɛ efɛpo.

Aizaaya 33:15

Nɛ menyee kaŋɛ nsaa wora kusɔ nɛ k daga bre, menyeeŋ ji n lar Ebɔrɛ be demuji to. Amoso men sa maŋ ta eleŋ nɛ men kɔ na a puni betirpo. Menyi alɛ e sa maa sɔ brɔbu. Men sa maa tu basa nɛ baa kre basa be kamɔ ŋko a wora asheŋ alubi na a wora asheŋ.

Jɛremaya 32:39

Meeŋ shin nɛ b baa bunyaŋ ma jemanɛ kikɛ kenishipereso, ŋkpal bumo gbagba nɛ bumo be kaman to ebi be nɛnɛ so.

Luuk 1:6

Bumo benyɔ kikɛ daa bɛ Enyɛnpe be mbraana na nɛ mbe asheŋ ŋinisoana na kikɛ so nna nɛnɛ a maa foe ekpa kikɛ nsaa wɔ kebaawɔtɔ cheembi nɛ k bee par Ebɔrɛ to.

Ashuŋ Shunso 2:39

Ŋkpal manɛ so, kumo be loŋ be kɔnɔ nɛ Enyɛnpe Ebɔrɛ daŋ nase n sa menyi nɛ menyi be mmantoebi nɛ basa pɔtɛ nɛ b maŋ taga to nfe ere na kikɛ, bumo e la bumo nɛ Enyɛnpe Ebɔrɛ bee tre a ba mo kutɔ na.”

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.