Aŋasa 20:3 - EBƆRƐ BE KAWƆL

³ Kebaa maa sha kolu bee sa esa kemaŋkura nna. Ewulpo e naa sha kamɔrɔji.

Aŋasa 20:3 ပူးပေါင်းရင်းမြစ်များ

Jɛnesis 13:7

Kumo be kaman Keenanebi na nɛ Pɛrizebi na gba daa wɔ kasawule na so nna n ti so. Amoso kolu daŋ tɔr Eebram nɛ Lɔt be asɔbɔyakpapoana so nna ŋkpal asɔbɔya be ejikpa so.

Jɛnesis 13:8

Ndoŋ nna nɛ Eebram kaŋɛ Lɔt le: “An la basa koŋwule nna, k maŋ daga kamalga ka wɔ ma nɛ fo be nferinto ŋko fo basa nɛ ma basa ka bee bile ŋkpal kasawule so.

2 Bewura 14:9

Ndoŋ nna nɛ Jehɔash malɛ ta le be kubɔya ere n sa Amaziya. E yɛ: “Kachako nɛ Lebanɔn be abee so be ewidibi fimbi ko ta kubɔya n sa kedibi tenteŋ gboŋgboŋi ko nɛ baa tre Sida na fanɛ k ta kumo pibiche n sa mo pibinyɛn nɛ e kil. Ndoŋ nna nɛ kupuŋ to be kusɔbɔya ko ba fefɛa ewidibi na to n lɛ.

Aŋasa 14:17

Esa nɛ e bee nya agbo manaŋ manaŋ maa kraa wora a foe. Enyiashempo bre bee wushi eyur nna a wora asheŋ.

Aŋasa 14:29

Enyitipo e la enyiashempo. Esa nɛ e bee nya agbo manaŋ manaŋ bee shin nɛ mbe kawulisheŋ bee dii efuli nna.

Aŋasa 16:32

Kanyiti be keji bɔ kenyɛn be keji. Enyitipo chɔ enapo nɛ e kɔ m pɔɔ nde damta so.

Aŋasa 17:14

Emɔrɔ be kefara du fanɛ nchu be gbi ka bee shin nɛ k futi nna. Lar kamɔrɔji to manaŋ pɔɛŋ nɛ k kurge asheŋ n sa fo.

Aŋasa 18:6

Ewulpo be kudonduloŋ bee wɔtɔ mo asheŋ to nna, nɛ mbe kɔnɔ malɛ bee bar mo kebri.

Aŋasa 19:11

Kanyiti be keji la kanyiasheŋ nna. Esa baŋ wora fo kulubi nɛ fo kplaŋ mo so, k la kemaŋkura nna n sa fo.

Aŋasa 21:24

Esa kama nɛ kamoowu nɛ ŋkpensheŋ bɔlɔ mo to, bee wora basa eyur to nna.

Aŋasa 26:17

Keta fo kɔnɔ n wɔtɔ kolu nɛ k maŋ la feya to, du nna fanɛ fo ka bee gberge jɔnɔ nɛ e maŋ nyi fo be kusoe na.

Ɛfesesebi 4:32

Kebaawɔtɔ nɛ k daga fanɛ men baa kɔ e la fanɛ men baa la basa a wu abar kuwɔr nsaa ta abar be alubi a paŋ abar fanɛ kananɛ Ebɔrɛ bɔla Kristo so n ta men be alubi m paŋ menyi na.

Jeems 3:14

Ama fo kama nɛ fo la kumukpakpasowura nsaa kɔ yurkishi a fɛ fo nawule be asheŋ so, kumo ere fo sa maa ji njɔŋ a ku efɛ a kaŋɛ fanɛ fo kɔ kanyiasheŋ.

Jeems 4:1

Manɛ e naa bar ana? Manɛ e naa bar nlu nɛ a wɔ menyi to na malɛ? Kusɔ nɛ k bee bar amo nde: Men be nyɛlga lubi e naa kaa kɔ menyi to a leŋ menyi a wɔtɔ nlu na to.