Aŋasa 20:12 - EBƆRƐ BE KAWƆL

¹² Enyɛnpe Ebɔrɛ e sa anyi asoe nɛ anyee ta a nu asheŋ, nɛ anishi nɛ anyee ta a wu.

Aŋasa 20:12 ပူးပေါင်းရင်းမြစ်များ

Nshɛ 119:18

Bugi ma nfɛra to nɛ n tiŋ m pin emamachisheŋ nɛ e wɔ fo mbra to.

Nshɛ 94:9

Ebɔrɛ nɛ e to anyi be asoe nɛ anishi na, maŋ kɔ asoe a nu nɛ anishi a wu nna a?

Ɛksodɔs 4:11

Nɛ Enyɛnpe Ebɔrɛ bishi mo: “Wanɛ e wora dimɛdi be kɔnɔ? Wanɛ e naaŋ tiŋ n shin nɛ esa e ki kpawu ŋko neemu ŋko wanɛ e naa sa esa anishi ŋko a shin nɛ esa bee ki tanpo? Mannɛ ma, Enyɛnpe Ebɔrɛ a?

Aŋasa 25:12

Kenu enyiashempo be kasotoji du fanɛ shuwa be akonde, ŋko abitasɔ nna.

Aizaaya 29:18

Kachɛ na kaŋ fo, ekpawu beeŋ nu b kaa bee kraŋ kawɔl awɔrso nɛ etanpo, nɛ b wɔ tentembiri to, e bugi anishi a wu.

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

1 Kɔrintebi 12:17

To, nɛ eyur ere kikɛ daa la kenishi nna, nnɛ nɛ kenu daa beeŋ baa wɔ? Ŋko nɛ eyur ere kikɛ daa la kusoe nna, nnɛ nɛ efɛa be kenu daa beeŋ baa wɔ?