Aŋasa 20:1 - EBƆRƐ BE KAWƆL

¹ Nsa bee ta esa nna a ki elushapo, a shin nɛ e bee nite a puchi. Esa kama nɛ nsa wɔ mo la ewulpo nna.

Aŋasa 20:1 ပူးပေါင်းရင်းမြစ်များ

2 Samuɛl 11:13

Kumo be kaman nɛ ewura Deevid kaŋɛ mo fanɛ e ba tu mo n ji kanyɛso. E ka ba na nɛ e sa mo nsa nɛ e nuu m boo. Ama amo nɛ amo kikɛ Yuriya daa maŋ yɔ laŋ to, mo alɛ gba daŋ nase mbe kelaŋ ewurkpa be kabunagboŋ na be bekumpo na kutɔ nna n dese ndoŋ.

2 Samuɛl 13:28

B ka bee ji na nɛ Absalɔm kaŋɛ mbe nyɛrbi le: “Men shin nɛ men be lakal e ba wɔ Amnɔn so a keni saŋɛ so nɛ e beeŋ boo, a wora chilchil be asheŋ na. Loŋ be saŋɛ na nɛ men mɔ mo. Men sa maaŋ kaa lɔ kufu, ŋkpal manɛ so, meeŋ sɔ kumo be turju kikɛ n deŋi ma kumu so!”

Aŋasa 23:20

Sa maa tu basa nɛ baa wu nsa a choŋ a gben, ŋko n wu ajibi a choŋ a gben a wora asheŋ.

Aŋasa 31:4

A maŋ daga bewura nɛ bejuŋkparpo ka bee nuu nsa a boo ŋko a sha nsa ga.

Aizaaya 28:7

Anebiana nɛ bɔrɛmatapoana gba boo nna a jante. B nuu yabra nɛ nsa booso ga nna hale nɛ bumo be nfɛra mel to. Anebiana na kaa bee boo ga so, b maŋ naa pin ebɔrɛdare nɛ Ebɔrɛ sa bumo na to. Bɔrɛmatapoana na malɛ gba kaa bee boo ga so, b maŋ naa tiŋ a ji asheŋ nɛ basa bee ta a ba bumo kutɔ nɛnɛ.

Aizaaya 5:11

Asheŋ kraa maaŋ nyalɛ n sa menyi nɛ menyeeŋ koso n fara kasanuu kachipurdidi hale nɛ kaaseso e ya fo nɛ menyi kraa boo ere.

Aizaaya 5:22

Asheŋ maaŋ nyalɛ n sa menyi! Nsa be keta n wea abar to n nuu bre be kaplɛa so, men la egoni nna nɛ esa kikɛ maŋ fo menyi so!

Aizaaya 56:12

Kusɔ nɛ basa nɛ baa boo nsa bee kaŋɛ e la fanɛ men shin nɛ an ya nuu nsa m boo kananɛ anyee sha. Echefo peya e baa chɔ kabre peya!”

Hoziya 4:11

Nɛ Enyɛnpe Ebɔrɛ yɛ: “Kasanuu be ga shin nɛ ma basa maŋ naa fɛ nfɛra!

Hoziya 7:5

Kachɛ nɛ bumo be ewura bee ji eyur na nɛ b shin nɛ mo nɛ mbe benimuana na nuu nsa m boo a wora kawulisheŋ.

Levitikɔs 10:9

“Fo nɛ fo mbinyɛnsobi e sa maŋ kaŋ nuu yabra ŋko nsa booso be yiri kikɛ nseŋ ba luri wajɛbu na to kikɛ. Men baŋ wora loŋ menyeeŋ wu. Kede la mbra nna a dese n sa fo nɛ fo kaman to ebi kikɛ.

Habakuk 2:5

Kedamaya bre bee fule esa nna. Kejimuniwuraana bee wu bumo be amu nna ga, bumo alɛ maa wushi kikɛ. B du fanɛ luwu nɛ k maa mɔ a moɛ nna. Amoso b baŋ kɔ m pɔɔ efuli ko so n sɔ kumo, b naa yɔ kenyɔsopo so nna.

1 Kɔrintebi 6:10

Beyu ŋko kejimuniwuraana ŋko nsanuupoana ŋko bumo nɛ baa tege bumo braana ŋko besugepoana maaŋ nya Ebɔrɛ be kuwura na to n luri kikɛ.

Galeeshaebi 5:21

Kayurbesa, kasanuu jijiga nɛ amo be nfɛra lubiana n ta asheŋ lubi damta ko malɛ gba n ti so. N chɛr n fiɛ menyi so, ama men shin nɛ n naŋ lɔŋɛ ŋ kaŋɛ menyi fanɛ bekama nɛ baa wora le be asheŋ ere maaŋ luri Ebɔrɛ be kuwura na to kikɛ.

Ɛfesesebi 5:18

Men sa maa boo nsa, ŋkpal manɛ so, loŋ bee jija kumu nna. Kusɔ nɛ k daga e la fanɛ men shin nɛ Kiyoyu Cheeŋ na e luri m bɔlɔ menyi to kiŋkiŋ.